اشيلها طول اليوم او اعطيها مصاصه ؟!؟!؟

[noonaa-thn]

ساعدوني حدي محتاره محتاره مع بنتي الجديده
ياربي يهديها عمرها شهرين ودايما تبجي وما تسكت الا اذا شلناها او اذا عطيناها مصاصه مع العلم انها ماتكون جوعانه ودايما حفاضتها نظيفه
ودام انها تسكت بس نشيلها يعني اكيد ما فيها مغص




فياريت تقولولي شنو الحل معاها
هل اعطيها المصاصه وارتاح من شيلها ولا
اشيلها لان المصاصه لها اضرار مستقبليه
قولولي رايكم وشنو الحل مع هالدلع الزايد

 

[ناتشوو]

المصاصة ولا للشيل

 

[noonaa-thn]

المصاصة ولا للشيل

مشكوره وايد انج رديتي علي
بس
يعني تنصحيني اني اعطيها مصاصه وما اشيلها
هل هذا معنى كلامج

 

[؛؛حلاوه؛؛]

وي مثل ولدي قبل بس الحين خف شوي
ومن نفسه مايبي المصاصة الا وقت النوم

عطيها دوا غاز بالصيدلية لان مافي ياهل مافي غازات

وانصحج بالهملايا اسمه بيلسان وايد زين

لحالات المغص والإمساك وبعض اليهال يدوخهم

والصراحة ولدي تعلم على الشيل لي الحين

انا عندي ديرفة شاريتها من العاب شرق اخليه فيها لما يدوخ الصراحة تنفع ب15 دينار

 

[ناتشوو]

مشكوره وايد انج رديتي علي
بس
يعني تنصحيني اني اعطيها مصاصه وما اشيلها
هل هذا معنى كلامج

انا استخدم المصاصة بالاشهر الاولى
لما يكون نفس ماوصفتي
شارب الحليب ونظيف ومبدلة له
واوضاعه زينه
بس يبجي دلع
دوريله ماركة طبية تناسب عمره
بس لا تشيلينه
الله يحفظه
انا ماشفت اضرار من المصاصة بعيالي
اسنانهم زينة
بس انا اتركها قبل الاسنان
شوي شوي

 

[noonaa-thn]

وي مثل ولدي قبل بس الحين خف شوي
ومن نفسه مايبي المصاصة الا وقت النوم

عطيها دوا غاز بالصيدلية لان مافي ياهل مافي غازات

وانصحج بالهملايا اسمه بيلسان وايد زين

لحالات المغص والإمساك وبعض اليهال يدوخهم

والصراحة ولدي تعلم على الشيل لي الحين

انا عندي ديرفة شاريتها من العاب شرق اخليه فيها لما يدوخ الصراحة تنفع ب15 دينار

انا استخدمهم الغاز وبيلسان وماشي الحال
لاكن المشكله بجيها تبي اشيلها وعادي تقعد طول اليوم من غير بجي بس ما احطها عالارض او يالكرسي مالها
بسرعه تمل

 

[noonaa-thn]

ربي يسعدج يا ناتشو
يعني الياهل اذا تعود عالمصاصه احسن من انه يتعود عالشيل
المصاصه ريحتج ؟!
وشلون قدرتي تمنعيهم عنها يعني لاني اخاف تتعود واتوهق زياده

 

[ناتشوو]

شوفي حبيبتي
مافي قوانين دايما تكون صح في عالم الامومة
جربي وحاولي
والبيبي كل مايكبر باذن الله يخف الجهد
بتفهمينه اكثر
وكل مايكبر بيلهي بالعاب جديدة مهارات جديدة
بيبدي يحبي
بتحطينه بدراجة وبيلهي عن المصاصة وهكذا

 

[مواصله]

لا اكيد مصاصه ليما الله يهديها ويخف صياحها وحنتها قطعي عنها المصاصه

 

[نـعـومـه]

حقج انتي المصاصه اريح الشيل تعب

انا بنتي لازم مصاصه قلت اعودها على المصاصه لانها حنانه

 

[؛؛حلاوه؛؛]

الديرفة بعد زينه تحس انج شايلتها لان تهزه بروحها بالكهربا وفيها موسيقى

 

[La6o0oFa]

عطيها مصاصه اريح لج .. ان عودتيها على الشيل حتى بنص الليل بتقومين ودورين فيها ..

 

[om deaj]

لاتعودينها على الشيل
والبيبي اكيد فيها غازات مسببتله مغص عطيها دوا

 

[noonaa-thn]

ناطره راي باجي الامهات
لان والله التفكير ذابحني واخاف اتخذ قرار المصاصه واندم بعدين

 

[PuPa^^SWeeT]

المصااصة انتي اتحكمين باضرارها

يعني لين عمر سنة و نص هذا الماكسي مام



بس علشان اتعودينها على الروتين

وعطيها المصاصة قبل لا تنام و بس اتنام شيليها من حلجها و خليها يمها




وهكذا

بتبجي بكل نص ساعة اني ابيها


بس انتي تحملي شوي

لين اتخلص سالفة الشيل



مصاصة ولا اتشيلينها


مهما يكون بعد الشيل مو زين لا لج ولا لها

 

[رانس]

الله يخليها لج يارب انتي على الاقل بنتج تسكت على المصاصه انا بنتي اذا نزلتها على الارض بكت تقولين كاني قاعده اقطع
اصابعها والحين احس يدي انفكت من شيلها تعببببت ماتسكت كلش اذا سكتت نامت مصاصه تريحج احسن

 

[كويتيه ذربه]

انا عيالي وهما صغار اعطيهم المصاصه بس وقت اللي يحنون وبينامون
بس قبل لايسننون اقطعها اعطيهم العضاضه بحزتها لان الياهل وقت اللي بيسنن يبي شي يعضه
طبعا تفرق من ياهل لي ياهل بس الانسب مصاصه ولا تشيلينها وتتعبين باجر تتاذين
واذا عطيتيها مصاصه خليها بس وقت اللي تحن وبتنام مو على طول عشان لاتتعود

 

[طيبة83]

عطيها مصاصه اريح لج .. ان عودتيها على الشيل حتى بنص الليل بتقومين ودورين فيها ..

هذي بنتي بتكمل السنه الله يحفظها وكل ساعه اتفزز من النوم تبي نشيلها نفتر نفتر فيها لين تنام

 

[ام الحلوااات]

الــــمــــصــــــاااااصـــــــــــه واااايــــــــــد ارحـــــم مـــن الـــشــــيــــــل

 

[noonaa-thn]

انزين شنو افضل نوع مصاصات