اشلووون عالتقاعد ؟؟

[مغروره بس معذوره]

هاااااااي ببنات بغيت اسألكم اذا وحده مدرسه وبتقاعد اشلون تحسبها ؟؟

واشلون اذا بتعرف جم راح يصير معاشها بلييييز ردو علي بسرعه

وشكرا

 

[كوكب الدرر]

إذا بتعرف جم معاشها لازم تروح تسأل بالتأمينات الاجتماعية وهم يقولون لها جم راح يصير معاشها

ويقولون لها بعد إذا كانت بتبيع ربع الراتب جم يطلع لها وجم يصير معاشها

وأفضل وقت للتقاعد اهو شهر ستة بعد ما تنزل رواتب العطلة تتقاعد وتحصل على راتب من التامينات حق شهر 7 و8
يعني تاخذ راتب شهر 7 و8 مرتين مرة من الوزارة ومرة من التامينات

موفقة ان شاء الله

 

[وائليه]

ابشرج المعااااش بيطير نصه وأكثر
كل العلاوات تروح
ولازم تحسبينها عدل يعني اذا متزوجه وعندج عيال 15 سنه
واذا ماخذه اجازات خاصه لازم تداومينهم
الا اذا كنتي مطوفه 15 سنه وزياده بشرط تكونين مغطية الايام اللي غبتيها
واي استفسار ثاني انا حاضره​

 

[وائليه]

إذا بتعرف جم معاشها لازم تروح تسأل بالتأمينات الاجتماعية وهم يقولون لها جم راح يصير معاشها

ويقولون لها بعد إذا كانت بتبيع ربع الراتب جم يطلع لها وجم يصير معاشها

وأفضل وقت للتقاعد اهو شهر خمسة بعد ما تنزل رواتب العطلة تتقاعد وتحصل على راتب من التامينات حق شهر 7 و8
يعني تاخذ راتب شهر 7 و8 مرتين مرة من الوزارة ومرة من التامينات

موفقة ان شاء الله

منو قالج افضل شهر للتقاعد شهر5 ؟؟؟
لو تقاعدت بهالتاريخ على قولتج راح يطالبونها الوزارة بالمعاش اللي اخذته
الافضل تقدم على التقاعد بتاريخ 31/8 بالضبط علشان تضمن انهم ماياخذون معاشات الصيف
وشهر 9 تتكفل فيه التأمينات..​

 

[فطووومة]

دقي على التأمينات بكل بساطة واساليهم ولا تتعبين نفسج باراءنا

 

[كوكب الدرر]

في قسمنا مدرستين قدموا تقاعد في شهر خمسة على أساس إن يبدأ تقاعدهم من آخر يوم دوام مدرسي بشهر 6

وكل وحدة فيهم خذت من التأمينات معاش شهر 7 و8 وصار لهم سنتين من تقاعدوا محد طالبهم بشي لأن معاملتهم بالتأمينات مشت بشهر 6 فعطوهم راتب 7 و8 وما لهم علاقة إذا كانت الوزارة عطتهم معاش والا لأ لأن راتب العطلة من حق المدرس

هذا اللي أعرفه

 

[Sadf2000]

اختي انا توني رايحة التأمينات وسائله ، فبقولج اللى قالته الموظفه هناك

يحق لج التقاعد اذا كنتي متزوجة وعندج عيالج اذا صارلج بالوظيفة 15 سنه لكن شرط يتعدي عمرج40 سنه ، يعني15 سنه وعمرج اقل من 40 ما لج حق تطلعين تقاعد.
اذا طلعتي تقاعد على عمر40 سنه وخدمه اقل من20 سنه يصرفون لج 68% من راتبج :0bee2e8d89:
اذا كملتي 20 سنه بالوظيفة وطلعتي تقاعد يصرفون لج 75% من الراتب وهذا اللى يسمونه بنظام التأمينات راتب كامل
كل سنه خدمه اضافيه يضاف 2% على 75% يعني 21 سنه تقاعد يصرفون لج 77% من الراتب ، وكملي الحسبة لين توصلين الى 30 سنه، وساعتها تكون الضروس طاحت ويالله حسن الخاتمه :dddds: يصرفون لج 95% من الراتب _03BA:، عقبها داومتي او ما داومتي خلاص ما يزيد راتبج ابد لانه صلاحيتج منتهية :krkrkr:

طبعا الراتب التقاعدي هو : الراتب الاساسي + العلاوة الاجتماعية + 120 دينار(غلاءمعيشة)
ال 50 دينار اليديدة للحين مو عارفين شلون حسبتها تضاف للراتب التقاعدي او لأ

اتمني تكون اجابتي وافيه اختي ووضحت الرؤية بالنسبة لج ، ولاتنسينا بالدعاء بالتوفيق لي ولعيالى بدراستهم​

 

[قوطي نيدو]

الله يوفقج انشالله

و نفس ما قالت الاخت سالي التامينات

 

[Om-Nasser]

الصراحه صدف 2000 كفيتي ووفيتي مشكورة

 

[مغروره بس معذوره]

مشكوووووووريييييييين ويعطيكم العافيه

 

[Sadf2000]

الصراحه صدف 2000 كفيتي ووفيتي مشكورة

تسلمين يا عمري ما سويت شي تستاهلون كل خير​

 

[lilian2razan]

ما قصرتي اختي صدف 2000 شرحج وافي و كافي ، بس يا ليت تفيدينا في جزئية افضل وقت للتقاعد و مشكورة سلفاً