اشلون تهتمون بعيالكم بالشتاء تعالو فيدونا

[جلكسيه اس 3]

السلام عليكم و رحمة الله و بركااته
اشلونكم يا احلى امهات
ابي اشلون تهتمون بعيالكم بموسم الشتا

شنو اتشربونهم عشان ما يمرضون
تدرون يهال و مع انه اندفيهم و كل شي و همن يمرضون

 

[hooryah q8]

اي والله خوش موضوع وياريت اهالي الخبرة يفيدونا
بنتي امرضت قبل اسبوعين و اليوم امصخنه مع انها توها طالعه من المرض

 

[جلكسيه اس 3]

حوريه انا نفس الحال. ان شاء الله البنات يفيدونا

 

[زين ودلال]

اول شي انا ما اسبحها وااايد امششها بسسس

والبسها هيلاهوب ودلاغ وهاينيك وفوقه بجامه ثقيله<< اذا بالبيت

وحق الطلعه هم هيلاهوب ودلاغ وجاكيت وتحته يكون التبان الهاينك وفوقه البلوزه وكله جينزات او بنطرونات ما البسها تنانير

والبسها كبوس الصوف اللي يغطي الاذن

واذا كنا بمكان دافي وبنطلع اغطي ويها لما نوصل السياره

بس حبيبتي مريضه الحين عسى ربي يشفيها ان شاء الله

 

[c a t w o m a n]

حاولي لما تسبحين الياهل تدفين الحمام عدل قبلها وتلبسينه بسرعه بنفس المكان


لما تغسلينه لفيه عدل و لا تكشفينه


دايما لبسيه عدل دلاغات فوق البنطلون أو هيلاهوبات


وقت النوم اخذيله كمبل ثقيل وكل ما تفتحين عيونج طلي طلة عليه شوفي الكمبل وينه عنه وردي غطيه


ملابسه حرصي إن ما يكونون مبللين صوب الصدر من السعابيل أو الماي وقت الطلعة غطي أذونه و راسه عن لفحة الهوا


مع كل هذا لازم يمرض الفايرووس يدور بالجو

 

[توته شيطونه]

هلا حبوبه انا بنتي البسها هلهوب مع دلاغ مع التشيرت بو رقبه مع جاكيت مع بنطلون او لغنز

بس اذا لبستيها شي حار ما تلبسينها شي بار بعدين

 

[أم حورية]

الاحتياط واجب بس لا تبالغون وايد لان بجذي تصير مناعته ضعيفة واقل لفحة هوا راح يمرض والله انا يوم صغيرة ما اتدفا وايد يعني ادفي عمري بس ما ابالغ وماكنت اعرف المرض الا من وين لي وين

والياهل اللي مناعته ضعيفة يفرق عن اللي مناعته قوية ،، انا عيالي على طول مع بعض يعني الظروف وحدة والجو واحد مع هذا عندي 2 منهم مناعتهم ضعيفة ومرضهم جايد يعني المناعة لها دور كبير بهالشي مو بس الجو

وريلي صارله جم يوم كله يشرب جاي دارسين يقول يطلع الهوا من الجسم واليهال يشربون معاه وهذي عادة حلوة ودي يتعودون عليها لان مفيد وخصوصا بالشتا

ومرة دكتورة قالتلي ان البطاط الحلو يقوي المناعة بشكل كبير لانه يجدد خلايا الدم وهالشي ينفع حق اللي بيقوي مناعة عياله بس طبعا مو بيوم ويومين يبيله مدة

وعسى الله يحفظ عيالنا وعيالكم من كل شر يارب*

 

[om deaj]

ام حورية ماقصرت

بس بزيد عليكم صكو الدفايات ولاتعودونهم على الدفا ويطقهم الهوا البترد يستمرضون

حاولو ما تودينهم ولايقربون يم يهال مرضى
تداركي المرض من الاول
كثرو العسل والتمر والروب فيهم فوايد عجيييبة
ولاتنسون عصير البرتقال بالشتا مايبيله عشان فيتامين سي

الله يحميهم لنا يارب ويشافي المرضى منهم

 

[GaLbI t7aWaL]

والله انا ما ابالغ بالبس

بس اهم شي اني لمن اسبحها ادفي الحمام وغرفتها اثنيناتهم فيهم دفايه

وبعدين البسها و استشور الشعرتين اللي براسها لووووووووول

وبس

 

[جلكسيه اس 3]

فديتكم بنااات وايد فدتووني

 

[hneen2]

انا احممها مره وحده بالاسبوع شسوي اخاف تمرض وباقي الايام امششها بكلنكس جونسون

والبسها بالبيت التبان الداخلي جم طويل وخا مته جنها شمواه او مخمل الخفيف ماخذته من سنتر بوينت واايد فادني شكلي بخملي جم واحد بعد


وهيلاهوب. وفوقه بجامتهاا تكون شوي متينه او مخمل مالوت سنتر بوينت اكيد عارفينهم ههه

ولي نامت اغطيها بكنبل وكفر لان غرفتنا ثلج وانا طبعي ابطل للدفايه بس تدفي الغرفه واسكرها



ووقت الطلعه نفس الشي بس البسها بدله الطلعه وهلاهوب وقبعه شاريتها من ً h&m. تينن من بره مخمل ومن داخل فرو ناااااعمه

عندها قبعات وايد بس هاذي صج استهلكتها احسها دافيه وتغطي الاذن

وترا بنات عيالكم اذا حممتوهم اول ماتنشفون جسمهم دهنو صدرهم فازلين او فكس اطفال دهنه خفيفه صدرهم وظهرهم علشان مايدخلهم هوا.


وسوري انا يسوي قرقر واجد خخخخخخ

 

[shak!shoka]

حلووو الموضوع

بس صراحه ما نلحق لااازم الصخونه و الصدر و الكحه الي تعور القلب افففف ما احبها

 

[السولعيه]

صبحكم الله بالخير حبايبي ..استلموو برنامجي

1- حلبه انقعها بمطارة الماي اللي اسوي منها حليب ولدي
2- اعشاب ميلوبا بالبابونج الاعشاب من الجمعيه حق اللي مايعرفها (يوميا لازم يشرب منها تدفي صدره)
3- ملتي فايتامين اسمه كوسمو كيدز يقوي مناعة الطفل وممتااااااااااااز حق نمو المخ .
4- السبوح مو كل يوم واذا سبحته لااااااازم استشوار اجفف فروة راسه.
5- لما مرض كنت اطبخ له عيش ابيض مع ربع فصة ثوم بس نيه مع روب (وحده بوحده يابنات للصدر)


والله هذا كله سويته بعد ما مرض علي وعلللللل قلبي من مستشفى لي مستشفى الحين انا ماشيه على هالنظام ..

ملاحظه : لا تكثرون عليهم الملابس داخل البيت وخصوصا لما يكون البيت دافي

 

[Mednight Rain]

خووش موضوع

 

[Mednight Rain]

اختي الحلبة موزينه للياهل لاتكثرين منها لانها تجمع ماي بالصدر

 

[hano0oda]

خوش موضوع عيالي كلللش ماكو مناعه متاابعه

 

[شيماء99]

رفععععععع

 

[PuPa^^SWeeT]

بالبيت البجامات ثقييلة حييل لأنه داخل ابرد من بررره


بعديين دلاغات و مداس تكرمون



للطلعة

البدلة نفسها فوقها جاكيت ثقيييل حييل


و شوز عادي



الاكل

اهم شي عالغدا شوربة و العشا شوربة


علشان اتدفيهم لما يردون من الروضة و الحضانة و وقبل لاينامون بعد يدفون

 

[فل و جوري]

حليب مغلي مع زنجبيل طازج ممتاااااااااااااااااااز للكحه:eh_s(15):
ماي مغلي مع يانسون بعد زين للكحه

الاطفال اللي معاهم اكزيما في البشره مايصلح لهم الهيلاهوب لانو يسوي لهم حكه وحبوب

ودهنو صدرهم ورقبتهم وظهرهم بفازلين بعد الحمام
وطبعا اسشور شعرهم و البسهم قبعه
والبسهم شرابات عشان السيراميك بس مافي فايده يفصخونهم

 

[hooryah q8]

up
up
up