اشلون تعرفين إنه زوجج يخونج بهذه الطرق ؟؟؟حصري

[فانتا ستروبري]

اغلب النقاط قاعدة تنطبق على ريلي خاصتا الفترة الاخيرة ​

وقبل شوي قاطه عليه جم نقززة ان مقصر وكله طالع​

ياليت لو يقرا الموضوع .. والمصيبة ان كله يسولفلي​

عن ربعه ان فلان يكلم وفلان مواعد وبوفلان مرته جكته​

كله اقول له سبحان الله الحين كل ربعك عندهم خرابيط ​

وانت ما عندك شلون ابي افهم ليش ما تنصحهم يعني ؟؟​

وفي وحده من حريم ربعه قايله اللا تبي تتعرف عليي لان​

ريلها كله يقول لها ان طالع ومسافر مع ريلي انا وكله جذب​

مسكينه كاسره خاطري ريلي ما سافر ولا مرة معاه ​

قلت له يلا خلني اتعرف عليها واطلع فضايحكم يا الجذابين ​

ريلي حده اشكره ويقط بالووي وكل شي يخر عن ربعه​

ما اقول اللا الله كريم ان شاء الله ويسخر ازواجنا لنا ​

بنات انا ناديت ريلي قلت له تعال راح اقرا لك وانت اسمع لي الاخير​

ما ابي نقاش اللا اذا خلصت كل الموضوع ​

قعد وقعدت اقرا له نقطة نقطة واهوه يضحك :eh_s(10):​

ويوم خلصت قلت له شنو تعليقك قال كل الكلام صح :eh_s(2):​

قلت له انزين واغلب اللي مكتوب انت قاعد تسويه قال اي صح​

قلت له وشنو معناته هذا؟؟ قال لي يعني تشكين فيني اني اخونج لو اخونج​

جان عندي فلوس الحين تخيلووا شكو الفلوس وشنو يعني؟؟ قام وراح انسدح بالغرفة :bbbiu:​

 

[رضاهم جنه]

موضوعج يعور القلب لكن اغلب الحريم حاليا مثل النعامه تخش راسها بالتراب بس علشان تمشي حياتها الزوجيه وهي متاكده مليون بالميه انه له علاقات بس الشكوى لله علشان العيال صابره

 

[florense]

لاتظلمين بختج مو شرط حبيبتي الله يهدي ازواجنا يارب

 

[توتــه]

هالاشياء تصير بعد مشاكل وفتووور يعني اغلبها بس من غير التليفونات

واللي بيخون بالعكس تكون الحياة عنده سعيده لانه بيعوض زوجته

هذا رايي ومشكورة

 

[جروح ودموع]

الله يعين

 

[ليان]

تقدرين تخلين زوجج يرد طبيعي ويكون أحسن رجال

اكسبيه وعطيه حقوقه الشرعيه ولا ترفضين اي شئ يطلبه منج

انتي في نظره الزوجه العفيفه الصالحه

وغيرج من اللي يكلمهم صدقيني مستحيل يكن لهم اي قيمه

كثري من الاستغفار وشوفي نتيجته​

 

[عاشقة هواك]

اول شي الله يعينج

شلون تحملتي كل هذا

والله يعين كل متزوجه ريلها يخونها واهيا ما تدري عن شي

ماقول غير حسبي الله عليهم

 

[محتارة وبصيح]

كح كح حشا مسلسل زوارة خميس

 

[السيده الصغيره]

يسلمو على الموضوع اغلب اللي قلتيه يصير صح بس لانخلي الوسواس شي اساسي بين الزوجين يعني حتى اللي تشوف الشروط كلها بزوجها يمكن مايخونها بس مجرد انه مل او برود موقت بينهم ومشكوره على الطرح

 

[pusy cat]

مممممممممم مو شرط لأن هذي طبايع اغلب الازواج

يمكن من ناحية السفر ممكن اشك اذا راح ديره مشبوهه ومع ربعه وهم مو شرط يخوني

 

[كويتيه سمره]

الله يرزقج الصبر مالج الا الدعاء وان شالله الله يهديه ويسخره لج
والله لا يبلينا ويحفظ ريايلنا واخوانا المسلمين
قولوووووا امين

 

[احاول]

ربك يعين
المهم إذا فقط احساس .. من رأيي طنشيه ولا تركزي عليه ( اقصد احساسك )
واهم شيء عيشي حياتك .. تراها .. حياة وحده وما راح تتكرر