اشلون تصرفين معاشج ؟

[أبله كويتيه]

رد : اشلون تصرفين معاشج ؟

والله مادري اغمض عين ابطل عين ولا المعاش طاير

انا عندي قسط سيارتي وانا نفسج ان دشيت مكان بس بشتري شغله ,, مرات اشتري كل شي بسوي الا هالشغله

يا ما احصلها او افلس

واعليه ريلي مبتلش فيني كره يروح السوق معاي لوووول

 

[الريادة]

رد : اشلون تصرفين معاشج ؟

الفلوس إذا ما درتيها عدل بسرعة تطير ..
أنا أفكر أكتب كل شي أحتاجه قبل نزلة المعاش عشان لا يضيع على أشياء ما تسوى .

 

[cherry67]

انا اصرف من معاشي قبل بالهبل اللي ابيه واللي ملا داعي اشتريه افسفس البيزات على اي شي وما يبقى منه الاقليل
بعدين فكرت قلت ما يصير لازم اوفر لي لو شئ بسيط من المعاش وعندنا مستاجرين ومعاش ريلي وهم مو مكفينا ولله الحمد
فقمت ودخلت جمعية مع رفيجتي واهلها علشان ما اصرف وقمت ما اروح سوق وايد ولا جمعية منعت نفسي من هاشيين والحمدالله قمت اوفر من معاشي تقريبا 350 دينار

 

[كسرة عود]

رد : اشلون تصرفين معاشج ؟

أهم شي البركة من خلال الصدقة الثابته

 

[حجيه هيونه]

رد : اشلون تصرفين معاشج ؟

امممممممم

قبل لما كنت مووظفه مايقعد بجيبي دينار كله اقطه على الشغل اسنع مكتبي اجيب بخور ومشاريب وريوقات والمشكله انا الى كنت اعزم الكل

والباقي على عياااالي

بعدها شوي قمت احاول امسك ايدي

الحين انا تركت الشغل بس لازالت نقطة ضعفي عيالي ماحب احس انه احد فيهم بخاطره شي

 

[غيروك وغروك]

رد : اشلون تصرفين معاشج ؟

يعني على اللبس وفواتير خطي ابصراحه انا وحده اطق فاتورتي شكثر

ومرات على ريلي وقسط السياره وقسط القرض وبالاخر امصفره طووط طووط

مااكوو فلس ونرد لحالتنا انطر المعااش على احر من الجمر

 

[Marymary]

هاااااااااااااااااي حبيبتي بيتي
كا مسحته لج افا عليج


واي انتي نفسي انا يمكن اخس بواااااااايد بوايد بوايد تخيلي انا مدرسة اول سنه اشتغلت سنه كاملة ما تزوجت تزوجت على اخر سنه وخواتي وامي ينصحوني يقولولي ماري ما تدرين يمكن باجر تتزوجين يمعيلج جم فلسسسس حق العرس حق النفنوف حق اي شي و انا طاف "
مطاعم مع بنات عمي وفواتير التلفون ولابتوب يديد وتلفون وشريتلي سيارة وملابس وجناط وجواتي وكل طبعا اكل ":\ وقمت اوزع عيادي وقمت اوزع هدايا يعني كلش اشتغل
اخر شي نزل معاش المدرسة مال العطلة وصرفت شوي منه وتقدملي ريلي و انا ماعندي شي ولا ميمعتلي شي " تخيلي حفلة الملجة توهقت فلوسي حده حده النفنوف والكوشة والصالون وطقم الساعه هدية حق المعرس فلوسي حده حده اخر شي طوول العطله قمت اقزرها بفلوس المهر لين ينزل معاش شهر 9 "((
وقاعده الحين انصح بنات عمي يمعو يمعووووووو باجر تتزوجون
الحين تعلمت شنو قاعده اسوي ااشترك بجمعيات واستلمهم اخر الاشهر وايمع اذا حبيت اشتري اي شي اشتري منهم عشان اعلم نفسي بالمستقبل اشلون اصير حريصة واحسب حساب كل فلس "

 

[مملوحة_الوصايف]

رد : اشلون تصرفين معاشج ؟

امممممممممم انا معاشي كله على خرابيط او ما اخش ولا اسوي استقطاع يعني معاشي امس نازل حسبت التزاماتي كلها الي بسويها هالشهر فا طلعلي ان يبقالي 80 دينار بس لووووووووووووول طبعا هذا غير الدوام والمسافط كل يوم نص او ريوق بنات الدوام كل يوم نطلب وين تلحق هال80 او تقريبا كل شهر معاشي يطير على اشياء ثابته
1 - ليزر
2 - مكالماتي تصك ال100 عادي جدا
3 - بين فتره وفتره اروح جلديه اعالج ويهي
4 - هدووووم حق الدوام واكسسوارات وساعات وخرابيط
او بس الحين داشه جمعيتين مجموعهم 200 ومتحسفه ياليتني مو داشه لان لو هال200 عندي او مو ملتزمه مع احد جان قزرت فيهم ومفكره بس اخلص جمعياتي توووبه ما ادش اكثر من جمعيه وحده بس او ما تتعدا ال100 وناويه اسوي استقطاع 50 صج شويه بس عالاقل ما احس فيهم او بس

 

[daana]

انا مو متزوجه بس يطيير المعاش اغراضي الشخصيه وملابس وفواتيري
انا برووحي بس مسئوليه نفسي وغصب الحق وانتو الله يكون بعونكم

 

[عاشقه القيصر]

انا عن نفسي معاشي عادي وعلي قسط سياره
واخش لي جم فلس للتجهيز لبعدين
وعبي ومكياج وعطورات وجنطه وعزكم الله جواتي لدواام وبانزين وخرابيط من الجمعيه ..
بس مايكفي المعاش بنص الشهر امد ايدي للي خاشتهم لبعدين
بس الحمدالله عايشين .
تقبلي مروري عزيزتي

 

[كلنا عشاق لكن]

رد : اشلون تصرفين معاشج ؟

أشوف اللي ناقصني من من كريمات وحلويات وأشترية أول هع لأن الحلويات أغلب شي كراتين
لي ولعيال أخوي :O_SHH_:
بعدها أحط لي مصروف عند الخدامة الله يبارج فيهاا للشغلات اليومية :O_SHH_:
حليب وكذا كذا هالطلبات نقول بالأسبوع 10 د لثلاجتي موللبيت oster_av1:
وبالمرة أشتري لي جم بلوزة على جم بجامة وعطورات وهالسوالف
وبعض شغلات البيت
لأني قلت لهم ياندفع نفس المبلغ للماجلة وو بس ما رضوااا الله يحفظهم :eshrab:
ياإني أشتري المنظفات وهالشغلات وهذا الحاصل
ومبلغ لطلبات النت ضروري هع oster_av1: والطلعات والمطاعم يحددها المخيخ خخخ
هذي بالأيام العادية
بس إذا عندي مناسبة أطير المعاش دفعة وحدة :fun22:
ولو فيه سفرة مفاجئة قايلتلهم السكن علي
بس أخوي قال خلاص مرة إنتي مرة انا دامج مصممة عشان لايكسر بخاطري هع :fun22:
بعدة الباجي أحاول ماأصرفة عشان المفاجئات اللي مثل هالامور :eshrab:
بس للأمانة
فالغالب أكون محددة جم أصرف بالشهر مسبقاا
بس اللي قلتة لج على شنو أصرفهم فهذي طريقتي
وعموما تقدرين تقولين إني من النوع المزاجي إذا طرالي شي كنسلت الجدول وشريتة هع
ودايما وأبدا الشكر لله على كل حال
​

 

[بنت سعود21]

انا ماجستير اقتصاد ولا أوفر اي فلس

<<<<< يعني ماستر ع الطل

 

[%قبلة العجمان%]

المعاش مااااااا عاش
المفروض الواحد يوفر للزمن او للظروف
بس انا ماشيه على مبدأ (اصرف مافي الجيب يأتيك مافي الغيب)
المعاش يروح على خرابيط ملابس عبايات شنط ((ساعااات)) /مجنوووونة ساعات
عطور وبخور عود غالي
وملابس ولدي
يعني مافي مجال للتوفير

 

[QT]

رد : اشلون تصرفين معاشج ؟

صراحة لعب


نويت افتح حساب ثاني وبروح هاليومين بإذن الله


لكن بالاول افتك من الدين اللي علي

وناس تبي تتسلف مني بعطيهم



والباقي لي


وخلوني بس لما افتح الحساب اقول لكم جم بحط فيه

 

[((الزين))]

رد : رد: اشلون تصرفين معاشج ؟

بنات شوفوا هذا الموضوع رووووووووووعه يعلمج شلون توفرين

http://www.q8yat.net/showthread.php?t=421533

معاج وبقوووووووووه:rerrerek:
هالموضوع غير فينى اشياء واستفدت منه
لا يطوفكم بنات

 

[رضاهم جنه]

انا متزوجه ومدرسه يعني الحمدلله معاشي زين واصرفه كالتالي
ادش جمعيه بمبلغ وقدره ..... وآخذه قبل الصيف يا اخربط فيه في السفر او اشتري شي يكون غالي ما اقدر اشتريه بمعاش شهر والباقي اخشه ببنك ايداع >> غير بنكي الثاني ما تدرين الزمن شنو مخبيلنا

ومبلغ استقطعه لامي الله يخليها لي يارب وقسط سيارتي ومبلغ لكفالة يتيم >>> بنات لاتنسون هالشي لان والله تصير بركه في معاشج واقساط ثانيه خربوطيه

يبقى تقريبا 400 دينار هنيه عاد يبدأ اللعب يا على السوق او هدايا لخلق الله الي والده والي عروس والي منزله لبيت جديد واحيانا والله ما تكفي فتشوفيني اروح حق بنكي الثاني الايداع

وبنات علشان يصير معاشك فيه بركه تصدقوا مبلغ بسيط كل شهر

 

[& MALAK &]

انا موظفة وللأسف ماني قادرة اتحكم بمعاشي وهذي مشكلتي اصرف بهببببببببل عادي اقط 300 او 400 دينار بيوم واحد وكله على شنو سوق ومطاعم وسينما وهالسوالف ياريت على شي سنع وانا من النوع اللي احب التغيير وااايد وكل يوم احس بشغله ناقصتني واروح اشتريهاا مليت تعبت بخاطري اشتري سيارة يديده موو قااااادرة كللللش

 

[Japanese]

وظيفتي طالبه

ومعاشي آممم اول ماينزل اخذ منه $200 دولار احطهم بالتوفير

والباقي للمصاريف الآساسيه

ماآتشري اشياء لنفسي الا بالمعقول واذا شفت ان عندي ميزانيه تسمح

آحاول قد ماآقدر ماآخلي نفسي ع الحديده وبعدين اشحت من اهلي ككك

اقارن بين اسعار كل شي واخذ دوم ارخص شي بس شور بكواليتي جيد

ماآشتري وايد هدايا واشيا لغيــر اهلي < هالشي اصلا من سابع المستحيلات اسويه وانا طالبه و ع قـــد حالي

اهم شي عندي يالحياه " ماآصرف اكثر من اللي عندي واطر " ماآآآآآحب اخذ فلوس من اهلي احس اني كبرت

ومعاشي لازم اصرفه بعقلانيه واحاول انه خلاص اكتفي فيه وماآطلب اكثر منه و

والحمدلله هالطريقه حتى وانا بالدوحه قاعده اتبعها!! والف حمد وشكر دوم القى صرف كافي للآساسيات والآشياء المهمه

وبعد حمدلله اتصدق وودي وودي اسويلي وقف دافع بلاء عني وعن كل اللي يعزون علي مثل ماي جاري او شي جذي

بس هالموضوع يبيله بحث

عموما احاول قد مااقدر احصر صرفي ع الآشياء المهمه

مطاعم من وين لين وين اروح لهم او اطلب منهم لآن عندي قناعه ان اكل البيت احسن حتى لو كان خبز وجبن

اللبس والميك آب كاجوال بالآيام العاديه وللمناسبات يتغير لشيك وبحدود المعقول بعد

اخبر يوم كنت اصغر وكنت طالبه بالسكول مب بالكولج كانو اهلي معوديني وايد ع الصرف ومع هذا

كبرت وتعلمت ان هالشي غلطططططط وممكن يخليني وحده تافهه ماترتاح الا لمن تصرف

ويتروالي بعد بما إني اغتربت فتره ف آحس هالآمور صارت خلاص من طبايعي وصعب اغير طريقه تفكيري وطبعي

وبعــد دوم افكر بإن رب العالمين بيسآلني عن الفلوس اللي خذتها وين راحت وعلى شنو!!! اشياء صج تسوى ولا؟

فكرت بالفقراء اللي ماعندهم فلوس ياكلون؟ فكرت باللي مايقدرون يشترون لبس؟ فكرت باللي ماعندهم بيوت تلمهم؟

مرتاحه بمبادئي .. ادري ان الحرص شي مب سهل تطبيقه خاصه بمجتمعاتنا ودوم امي تقولي صايره حدج بخيله وماتطلعين ريال بس ابد

مايهمني لآني عارفه ومقتنعه باللي آسويه ودوم آخذها من مبدئ انه بيتم إستجابني عن

فلوسي ومحد راح ينفعني لا صج اتزنآت لوول

والآهل مب دايمين لي والقناعه كنز لايفنى ،،

ومشكوره وايد ع الموضوع واااي تعبت وانا اهذر

 

[BaiTotia]

رد : اشلون تصرفين معاشج ؟

أصرف عالبركة أحلى شي لووووووووووووووول

ماعرف أخطط الصراحة

بس الحمد لله في مبلغ خاشته وموفرته للأزمات يعني أستقطاع كل شهر

والله لو مو مستقطعه جان مابقالي ولا فلس

وكله طاير عالملابس والميكاب والجناط والخرابيط الكماليات وهالسوالف

 

[lolowawa1234]

أنا الحمدلله عايشه حياتي طول بعرض
مطاعم
ملابس ماركات
عطورات
ومو مقصره على ماما ولا بابا
والحمدلله حق ربي مو مخليته والله يباركلي بحلالي
كل يوم اقوم الصبح اقول ياربي توكلت عليك
وكل شي اسوي بشغلي ادعي من ربي يتقبل مني
كل اللي مسويته يابناات أني مسويه على نفسي كنترول
هالشهر ابي لابتوب-نظاره شمسيه-بدلة استقبال
اللي يصير أني ماشتريهم كلهم مره وحده
هالشهر بدلة استقبال لأن المناسبه ما تتأجل
واللاب توب اطقس وأسأل شنو أحسن شي وبهالوقت اشوف العروض بالجريده كل يوم مره صار عرض لابتوب كان سعره360وكان العرض بيوم واحد بس بنص السعر بجذي وفرت 150 دينار
نفس الشي على كل شي اشتريه
بنااات تبوون الله يبارك لكم بفلوسكم حتى لو شوي
امج وابوج عطيهم حتى لو مبلغ بسيط حتى لو كنتي مديونه بدعائهم الله بيفرج عنج
والصدقه اللي تطفي غضب الله عليج وتبارك براتبج ..