اشلون الوضع في باريس ؟؟؟

[kuwaitya_zoGaa]

بنات انا ان شاء الله هالسنه بروح لندن وباريس
بس باريس اول مره بطبها فشلون وضع اللبس اهناك ؟؟؟؟
اتوقع انه كشخه مو طبيعيه ؟؟؟ صح والا انا ماخذه فكره غلط ؟؟ :tek:
يالله علمونى

 

[9a7ya lohom]

la mo waid kash5a
London ymkin shwai bs Paris mo waid kash5a 3adi 7ada sport

 

[kuwaitya_zoGaa]

صج والله ؟؟؟
الله يبشرج بالخير انا كنت حدى مغلقه على هالسالفه
مشكوره ياقلبى

 

[9a7ya lohom]

el3afoo 7abebti bs abi da3watecch bltawfeej o elsa3ada

 

[9a7ya lohom]

o ay so2al ana 7athra 3an paris

 

[ام مهودي]

لوول شدعوه كلها سفره الواحد يلبس سبور ليش الخبه بناات :")

 

[kuwaitya_zoGaa]

مشكوره ياعمرى الله يوفقج ويخلى السعاده على طول معاج وولا تفارقج ولا لحظه ...

ام مهودى
ترا سؤالى مافيه شى ديره اول مره بروح لها شي طبيعى انى اسأل عن الوضع اهناك ؟؟
وانا بصراحه وحده تحب انها تهتم بشكلها وما ابى انصدم من الوضع اللى اهناك .

 

[اميرة الغيد]

عزيزتي باريس اللي يلفت الانظار فيها الاجسام ياسلاااااااااااااااااااااااااااام الناس مانيكانات ماشاء الله صج لما تروحين وتردين اول ماتوصلين الكويت تحسين ان الديره منتشر فيها السمنه ههههههه احباط ها ؟
الناس لبسهم اغلبه سبور وعادي بس كله ماركات حتى الفقراء لا بسين دولتشي غابانا وفرساتشي لأن الماركات شي عادي عندهم ، اول ماتشوفين اللبس جينز وكاجوال عادي بس لما تركزين تعرفين انه ماركه من اللوقو اللي عليه.هذا الشي لاحظته اكثر شي بالشانزليزيه

 

[tofy]

لا عادي كل وحدة وعلى حسب استايلها

الفرنسات لبسهم عادي بس الخليجيات اهما الي اوفر

 

[kuwaitya_zoGaa]

اى انا اتكلم عن الخليجيات ؟؟؟
ومشكورين يابنات على ردودكم الحلوه ...

 

[kuwaitya_zoGaa]

استغفر الله

 

[chocolat]

والله اهي ديره حلوة بس انا لاحظت الكويتيات الي اهناك بس يخزون بعض مادري ليش و الشعب لج عليه اشوي بس لا اطوفين الاماكن الاثرية وتروحين وتردين بالسلامه اي لا تنسين دزني

 

[dalprincess]

بالعكس عادي اللبس هناك ... يعني سبورت جينز وجذي وشكلج عادي طبيعي بس احس اذا كشختي زياده عن اللزوم مو طبيعي يصير ... والمكان الي خبه صج انا انصدمت من البنات الكويتيات مناك هارودز بسسسسسسسس روحي شوفي الهوايل ... اخر ميك اب بس ناقص رموش صناعيه استغرب شلون يحطون ميكاب جذي بالسفر انا بالصفر بس فاوديشن ومسكره وقلوس واذا زدته كحل ولبسي كله سبوورت يعني جنزات وجذي مناك استغربت تنانير وجكيتات !!! وكعووووبه وبف ومادري شنو لوووووول بس عموما خلج سبورت احسن حق كل مكان يعني مابيكون شي غريب

 

[kuwaitya_zoGaa]

واى لا عاد مو لى هالدرجه ياربي اشلون ايحسون بالسفر ؟؟
مشكورين يابنات على ردودكم العسل

 

[May81]

حبيبتي باريس (الشانزليزيه) ستايلها قهاوي يعني خزني واخزك ... كل وحده تطالع من فووووووق لي تحت واهي مقعده بالقهوه من اللي رايح ومن اللي ياي وشنو لابسه وشلون شكلج :eh_s(14):

لندن مو اكثر منها يعني نفس لندن!!!! الصبح اريح كلهم نايمينّ لوووولّ على المغرب يبدي الشووووو

انا وايد حبيت باريس لكن ... طالعني وطالعك اهوا اللي مخرب عليها ... مو على باريس الا اوروبا كلها :cxxxp:

 

[ReMaaas^MLS]

مدام رايحه بصيف ترا متروسين خليجين والكل كاشخ اذا انتي حابه تصيرين نفسهم كشي اخر كشخه
مع انه مثل ما قالت وحده من الخوات ترا كلها سفر وحلات الشخص يكون بسيط واسبورت ويكون مرتاح بلبسه
ترا باريس وايد حلوه وقريبه من لندن.. رحله موفقه انشاء الله

 

[ام مضاوي]

والله وانا سمعت بعد لبس الخليجيات كله ماركات وكاشخين

وكل وحده ترزز بعمرها عند الكباريه الخليجيين

رفيجتي العام لقت بنات كويتيات

على وصفها اللبس اووووفر ويتحرشون بريلها>>>>لانه حلو

تقول انا ماتحملت عصبت وقعدت اتخانق معاهم واهم بدون حيا مرادد وصار الي مايشتري يتفرج

والمسكينه مكلفه على عمرها باللبس ويعيبون على لبسها ويقولون لها بعد علينا الهيلق وصلو باريس

لوووووووووووووووول واهي تسولفلي منقهره وانا ميته ضحك موقادره اتخيل شكلها


انا مثلج ناويه اروح هالصيف وخايفه من المخازز بصراحه كلش مالي خلق البس

السفر بروحه تكاليف هالمره علشان اجهز جنطتي لازم ماركات

الله يعينا بس

وانا مثل ماانصحوج البنات بخلي لبسي كله جينزات وسبورت

 

[بنت جنيف]

الخليجيات يكشخون الماركات من فوق لي تحت اكثرشي السعوديات لا ويلبسون كعب بعد بس انا لما اسافر اي دوله من الدول سواء باريس او لندن او اي دوله ثانية والله مااكشخ ولا امسك حتى جنطة ماركة جوتي رياضه وجنز وقمصان عمليه ولا بالبال احنا نروح هناك عشان انغير جو ونشتري الي مانزل عندنا بالكويت يعني الكشخة نخليها حق الكويت مو نفتح عيون الناس الضعيفة علينا بره ماعليج فيهم ولا تكلفين على نفسج ولا تحاتين اهم هالبنات لهم قصد ثاني من كشختهم وسوافهم معروفه روحي استانسي وريحي

 

[marshmallow]

imbala paris i5thaay ma3ach topat kash5a o 3amalee
7ita landan

 

[SILVER ROSE]

الخليجيات الله خير لبسي كل اللي بالكبت + كل اطقمج الالماس مرة وحدة وارتزي بالشانزلزيه
<<<<< سبوووور وفلات وروووووح ولاهمني احد