اشلون النفاس اتحس بالشبع ؟؟

[بيت التوت]

السلام عليكم ورحمةالله وبركاته

:eh_s(7):


بنات هالموضوع يهمنا كلنا وأكيد كلنا انعاني منه
ليش النفاس دايما اتحس ان شهيتها مسدوده اهي اتحس باليوع بس ماتحب تاكل
ولو شنو تاكل ماتحس انها اشبعت ؟واتحس ان بطنها فاضي ؟ :eh_s(22):

من الآخررررررررر
شنو الاكل اللي يترس بطن النفاس وتحس بالشبع؟


ضرري بنات اللي عندها معلومه لاتبخل علينا

وسلامتكم :eh_s(8):

 

[حب1985]

انا بعد عندي نفس الشعور بس اذكر بنفاسي كنت اكل قبوط طبعا من غير طماط وكنت اذا كليته احسه يريح المعده ما يثقل عليها
وساعات اكل خضار مع لحم او دياي كله مسلوق مثل الشوربة هم اشبع منه واحسه مفيد
واذا كليتي تمر علا الريج سبحان الله ينهضم بسرعة وعقب نص ساعة تنفتح شهيتج للاكل وتحسين انج يوعانه وتاكلين عدل
ونصيحة حلوة ...اكلو علا الريج خضرة مثل جرجير وبقل مع خبز ايراني هم يلين المعدة ويفتح الشهية للاكل
هاذي تجاربي وهم ناطرة تجارب ثانية انشالله البنات يفيدوننا

 

[Judy . abbot]

ليش تبين تنفتح شهيتج للاكل بلعكس اخذيها فرصه عشان تضعفين
الي عليج تسوينه تتريقين وتتغدين وتتعشين وخلي اكلج مافيه عجين وحلويات وهالخرابيط
اكلج بيكون مفيد وبنفس الوقت يضعف
اما اذا تبين شي يشبع ويقث عندج المرقوقه والقبوط والعصيده دسمه وهسوالف

 

[ناتشوو]

انا باول نفاس
قليله خبرة
والبيبي٢٤ ساعه يبجي
ومن كثر مااقرا ممنوعات النفاس
محرمات النفاس
مدمرات النفاس
وادوية النفاس
انسدت نفسي لدرجة غير معقولة
بنفاساتي الباقية
عرفت ان الامور سهالات
اكل كل شي احبه
مليت من اكل البيت
اطلب من برة
بيتزا فطاير وجبة
وانوع ولا جوع ولا سدة نفس
كذلك شرب القهوة العربية مع التمر
( خاصة التمر المخلوط مع السمنة والرشاد)
بس فعلا استفدت من انعدام الشهية
في نفاسي الاول
وزني اللي زدته بالحمال
كله راح بالنفاس

 

[بيت التوت]

حب
مشكوره لا خلا ولا عدم وان شاءالله يفيدونا البنات

 

[بيت التوت]

ليش تبين تنفتح شهيتج للاكل بلعكس اخذيها فرصه عشان تضعفين
الي عليج تسوينه تتريقين وتتغدين وتتعشين وخلي اكلج مافيه عجين وحلويات وهالخرابيط
اكلج بيكون مفيد وبنفس الوقت يضعف
اما اذا تبين شي يشبع ويقث عندج المرقوقه والقبوط والعصيده دسمه وهسوالف

تدرين فكرتج غلط لو اتموتين من اليوع وماتاكلين شي مستحيل تضعفين بالنفاس ولنفاس لازم تاكل شي فيه عجين(طحين يعني) بس يكون بر اللي اهو بالنخاله ولا يصير فيها خوا وغير جذي اكل لنفاس يبين علي لون بشرتها بعد الاربعين ومع الوقت لي كبرنا كله بيطلع علينا وهذا مو كلامي كلام الحريم لكبار
مشكوره

 

[بيت التوت]

نتاشو بالعكس حلو البيتزا والفطاير بس اذا كانت بالنخاله
جاااااان زين نلاقي محل يسوي فطاير بالنخاله
مشكوره

 

[بيت التوت]

بنات آنا متأكده ان كلنا نعاني من هالحاله
اللي عندها شي يفيد لاتبخل علينا

واللي اتعرف محل فطاير يسوي بالنخاله يزاها الله خير

 

[ناتشوو]

مو شرط بالنخالة ولا البر
الا اذا تبين تضعفين
انا قصدي
اكلي كل شي تشتهينه
لا تصدقون
ان في شي غلط او موزين ينوكل فترة النفاس
وبالعكس ممكن الوحدة تبدي ريحيم ونظام غذائي
ويقل وزنها من تولد
مع اني ماانصح
لأن كلمة ريجيم بروحها تضيق الخلق
فليش ابدي ريجيمي بالتفاس
كلها شهر
واحد
اريح عقب الحمال

 

[om_3azoz]

بنفاشي انا اتريق واتغدى واتعشى وعادي العصر اكل ككاو بس اكلي كله كان مشوي وشوربات وجذي

في وحده تسوي بنخاله ,, فطاير وخبز وكل شي

 

[غرام القمة]

الله يفرجها عليكم ويعينكم فعلا فترة مملة النفاس والدورة

 

[غنوة ستايل]

عادي اختي اكلي اللي ابين
بس بعدي عن الممنوعات

 

[أبكاني ذنبي]

ومنكم نستفيييد

ولو ان حاااليا شغلي الشااغل الولاده الله يسهلها علي وعلى كل البنات ياارب

 

[بيت التوت]

يابنات أكبر غلط الرجيم بهالفتره ومرا سئلة اخصائية تغذيه بعد ماولدت قت لها ابي نظام غذائي عشان انزل وزني
قالت مستحيل ينزل وزنج قبل سة شهور من الولاده

أبكاني ذنبي نصيحه لاتفكرين بالولاده من الحين خليها علي الله ترا جذي بتتعب اعصابج
وربج يسهل

مشكورين بنات علي المرور

 

[ام الحلوااات]

ااااااااااااااااااااب

 

[الـفـجـر الـبـعـيـد]

بالنسبة لفطاير وبيتزا النخاله في امير الأمراء

كان يسوي لي على الطلب وقت ما كنت اسوي رجيم

سوالي بعجينة فول الصويا وتقدرين اتثلجينه بعد وتسخنينه يطلع مثل ما اهو

لذيذ وحار وفرش بأي نوع طحين تبين وحتى بدون خميرة

 

[ناتشوو]

يابنات أكبر غلط الرجيم بهالفتره ومرا سئلة اخصائية تغذيه بعد ماولدت قت لها ابي نظام غذائي عشان انزل وزني
قالت مستحيل ينزل وزنج قبل سة شهور من الولاده

أبكاني ذنبي نصيحه لاتفكرين بالولاده من الحين خليها علي الله ترا جذي بتتعب اعصابج
وربج يسهل

مشكورين بنات علي المرور

ليش مستحيل؟
هل كانت الزيادة بالوزن كبييييرة
فقصدها ماتنزل ب6 اشهر بشكل صحي
ولا شنو
اشدعوة 6 شهور ماينزل الوزن

 

[بيت التوت]

بالنسبة لفطاير وبيتزا النخاله في امير الأمراء

كان يسوي لي على الطلب وقت ما كنت اسوي رجيم

سوالي بعجينة فول الصويا وتقدرين اتثلجينه بعد وتسخنينه يطلع مثل ما اهو

لذيذ وحار وفرش بأي نوع طحين تبين وحتى بدون خميرة

ام الحلوات مشكوره علي الرفع الله يرفع مقدارج

الفجر البعيد مشكوره حبيبتي علي المعلومه بمرهم وأسئل بميزان حسانتج يارب

 

[بيت التوت]

ليش مستحيل؟
هل كانت الزيادة بالوزن كبييييرة
فقصدها ماتنزل ب6 اشهر بشكل صحي
ولا شنو
اشدعوة 6 شهور ماينزل الوزن

ناتشوو لاء ماكانت كبيره الزياده والخبيره انا طلبتها بالمستشفي كنت ابي نظام غذائي واصدمتني بالمعلومه واكبر دليل علي كلامها
انا بنفاسي ما آكل خير شر شهيتي مسدوده وان كليت كليت شي بسيط وابتعد عن النشويات بس ما ينزل وزني تقدرين اتسئلين
ولا تسوين بحث بقوقل

 

[بيت التوت]

سبحان الله والحمدلله ولااله الاالله والله أكبر

آآآآآآآآب