اشلون اغسل الغتر وتصير بيضا بياض ناصع

[moonkides]

السلام عليكم خواتي ​

الي عندها خبرة ارجوا انها تساعدني لاني حدي محترة وبموت من القهر
خصوصا لما اشوف غتر الرياييل بيضه حدها وانا غترة ريلي صفرة
وحاولت كل الطرق علشان اتصير بيضا بس ما كو طريقة نفعت استخدمت الدوا الازرق تصير مولحة واتلوع الجبد احس اني لما الناس يشوفون غترة ريلي يقولون الشرهه على مرة مو سنعة وانا حدي مهتمة والحين بتيي خدامة يدية ابي اعلمها عدل من اول شي :dfgl: وابي ارتز جدام حمولتي يلا همتكم معاي بنات ادري انكم ما تقصرون​

 

[حامل يديدة]

ن شاء الله البنات يفيدونك

لان احنا الغتر بالمصبغة ..

 

[n-h-m]

انا بعد مصبغة

ان شاء الله البنات يفيدونج

 

[لولو منثور]

انا الغتر بالمصبغة

 

[أساور]

انا بعد مصبغة

 

[*وردة نرجيسية*]

اب اب

 

[منورة السمرة]

والله انا بعد بالمصبغة بس اوتي ,,, اما الغسيل أغسلهم بصابون الوزير السوري أو فانيش بالايد..
وعقب أنقعهم بالجويت وبعدين بالماي ونسفطهم ... وعلى المصبغه ستيم



ان شاءالله فدتج بشي

 

[بحرينية محرقية]

اي صابون تستخدمين؟

الحمدلله انا لما اغسلهم يطلعون بيض استعمل بونكس بالليمون حاليا

ومرة حطيت وياهم فنيال دهن صارو نااااااااااصعين البياض
لكن للاسف عقب تطلع فيهم ريحة فقطعت هالطريقة

واستخدمت الصابون المبشور اظن اسمه الزهرة بعد يبيض حيل
لكن زوجي قالي غيري الصابون ريحته مو حلوة وتلزق بالغتر والثياب

وللحين ما شفت صابون بهرني بالبياض الناصع اغلبهم نفس الشي

البنات هني امدحو فانيش استخدمته وبعد ما شفت نتيجة مرضية يعني بس مجرد بياض عادي

 

[نــوف]

لازم تستخدمين ماي من الفلتر .. مو ماي عادي من الحنفيه

يعني نفس ماي الشرب


والله يوفقج ^.^

 

[شانيل نمبر 5]

برسيل منزل صابون حق الغتر........بس ماجربتها......جربت مال العبي حلو

 

[الفراشة_البيضاء]

مثل ماقالوا البنات
1 - ماي فلتر
2- شامبو برسيل الابيض اليديد عجيب
3 - جويت

وسلامتج

 

[* خياآآله الفزعه *]

مومتزوجه بس حبيت ارفع الموضوع

 

[ماما فطوم]

انا انقعهم بحدود ساعة او ساعتين بالاريال واخر شطفة احط بالماي شويه من الجويت السائل ويطلعون بيض وخليه كل فترة يجدد الغتر

انا لاحظت الغتر القديمة حيل تصوفر وماينفع معاها اي شي 0

 

[فانتا ستروبري]

احنا الغتر والدشاديش بالمصبغة .. : )​

 

[مروقه على الكوفي]

حلو المووضوع للاستفاده
مومتزوجه بس استفيد

 

[مجنونة بس عاقلة]

مافيه مثل اريال للبياض الناصع عجييييييييب

 

[الجفول&]

الغتر بالمصبغه