اشلون اعود بنتي تاكل ؟

[دمثة]

حبايب



بنتي عمرها سنة ابي اعودها تاكل الاكل العادي يعني مو مهروس



اشلون اذا عطتهااا تقص وتقطة برى اشلون فهموني

 

[noynoy]

و الله نفس بنتي كله اسويلها بالخلاط
مادري لي متى الحين عمرها 11 شهر

 

[*ماي الورد*]

اخذي من اكل البيت وفقصيه بايدج و خلطيه مع روب وو كليها
راح تقص اول شي بعدين تتعود

 

[غرقانه]

موفقات يارب

 

[الأميرة جوري]

المفروض من الشهر 8 باديه تعطينها اكل نص هرس علشان تتعود...جربي من الحين شوي شوي تعطينه شبه مهروس بس ديري بالج تقص خليج يمها وعطيها ماي بين فترات ..

 

[دمثة]

مشكورين

 

[كتكوته22]

المفروض بالشهر الثامن او التاسع

بس مس مثل ما قالت الاخت هرسيه بيدج حيل وكليها شوي شوي لين تتعود

 

[ليبراليه]

حبيبتي تأخرتي شوي بس مايهم والاهم اهو انج عوديها شوي شوي ومع كثرة سوائل (الماي) عشان الامساك لان الامساك بالعمر هذا يزعجهم وايد ،،،

وبالوفيق لج .

 

[ليبراليه]

وفي شغله وايد مهمه راح تواجهينها ان راح تكره الحليب خلال انتقال من مرحله الحليب الى الاكل وهالشي طبيعي لا تحاتين .
اقولها لج راح تكره وماراح ترضع كلش . وهذا الشي علمي مو من عندي .
جم شهر بس وبعدين ترد للحليب.

 

[انصاريه قمره]

لا والله انا بنتي لا اكرهت الحليب ولا هم يحزنون الا الحين ملوعه جبدي كل شوي ماما ابي امياااه يعني مميه وبس تمشي واتفرفر مع هالاميه
بالنسبه لج حبي مثل ما قالوا الخوات خلطي الاكل مع الروب وترى اليهال يحبون المكرونه مالت المطاحن سويها مع كريمه وحطيلها بطاسه اللي يحفظها وجابليها خليها تاكل وتهبس

 

[ليبراليه]

لا والله انا بنتي لا اكرهت الحليب ولا هم يحزنون الا الحين ملوعه جبدي كل شوي ماما ابي امياااه يعني مميه وبس تمشي واتفرفر مع هالاميه
بالنسبه لج حبي مثل ما قالوا الخوات خلطي الاكل مع الروب وترى اليهال يحبون المكرونه مالت المطاحن سويها مع كريمه وحطيلها بطاسه اللي يحفظها وجابليها خليها تاكل وتهبس

مو الكل يصير معاهم اللي انا قلته بس اذا صار فهذا الشي طبيعي ومشكوره حبيبتي