اشلون اسوي شوبة خضار حق الرجيم ؟؟؟؟؟

[علايه]

بنات

انا بديت اسوي رجيم (((( ادعولي اصمد )))))))

ابي اعرف اشلون اسوي سوربة الخضار ما اعرف

 

[jours]

اي وحدة حبيبتي
مالت الكرفس الأمريكي (الساليري) والملفوف؟؟

 

[@ام ضاري@]

وانا ابي بعد الطريقه

 

[^^دموع الكويت^^]

شوربة مشهورة جداً توصف بصفة عامة لعلاج متاعب الهضم وتزيد قيمتها الغذائية فى حالة إضافة عصير الليمون إليها قبل التقديم مباشرة.
وهي شوربة عالية القيمة الغذائية منخفضة السعرات الحرارية حيث تعطى الكمية المخصصة للفرد حوالى 150 سعراً حرارياً فى حالة استخدام شرائح اللحم الأحمر أو صدور الدواجن.
والكمية المخصصة للفرد تكاد تخلو تماماً من الدهون وترتفع كمية الدهون إلى حوالى جرامين فى حالة استخدام شرائح اللحم بمختلف أنواعها فى عمل المرقة.


المقادير:

- 400 جرام خضار مشكل ومقطع مكعبات صغيرة "جزر- بصل- كوسة".
- 100 جرام كرنب مقطع شرائح رفيعة.
- عدد 4 فصوص ثوم مدقوق.
- مكعب مرقة جاهزة يذاب فى أربعة أكواب ماء ساخن لعمل المرقة أو200 جرام شرائح من اللحوم أو صدور الدواجن.
- 100 جرام مكرونة لسان عصفور.
- كوب عصير طماطم.
- كمية مناسبة من الملح والفلفل.
- كمية مناسبة من البهارات.

طريقة التحضير:

- يوضع حوالى لتر ماء فى إناء على النار حتى الغليان، حوالى أربعة أكواب كبيرة سعة 250 ملليلتراً.
- عند غليان الماء نسقط شرائح اللحوم أو الدواجن أو الأسماك حتى تمام النضج على نار متوسطة مع نزع الريم كلما ظهر.
- توضع جميع الخضراوات فى الإناء مع الشوربة وعصير الطماطم وتترك على النار حتى الغليان ثم يضاف اللسان عصفور ويترك على نار هادئة لمدة ثلث ساعة.
- يضاف الملح والبهارات.
- بعد تمام النضج ترفع من على النار وتوضع الكميات فى أربعة أطباق بكميات متساوية ثم تقدم ساخنة.​

 

[الغنادير]

هلا أختي

الله يسر اموورج وتضعفين يارب

أختي انا شوربتي في الرجيم معروووفه وماحب غيرها
بقوولج الوصفه

للأمانه متعلمتها من كتاب مريم عبدالله خفايف مع بعض الاضافات معتمده عليها من سنين ما اغيرها

المقادير
جزر ، كوسا ، فاصوليا ، قرع ، بطاطا << ممنوع في الرجيم بس ماقدر استغنى عنه ، واي نوع خضار تفضلينه تقدرين تنوعين عشان ماتمللين قرنبيط ، بروكلي ، ملفوف ،،، اللي تحبين

تحطينها بقدر ثلاثة ارباعه ماء مضاف له مكعبين ماجي + ملح + فلفل اسود حسب الرغبه

وتخلينها تغلي لين ماتنضج بعدين تضيفين عليها كوبين ماء ساخن مذوب فيه 6 ملاعق شوفان كويكر
وتخلينها تطبخ دقائق وتقدمينها مع الليمون

وبالهناء والشفاء ​

 

[nono78]

هذه الي بعطيج ياها اهيا الشوربه الحارقه للدهون مالت الرجيم

وانا صراحه احبها سواء مع رجيم ولا من غير رجيم

المقادير:
==========
1 ملفوف ابيض
كرفس امريكي ( سالري )
6 حبات فلفل اخضر بارد
بصل عادي او اخضر
طماط
ظرف واحد شوربه بصل (ماجي ) او اي ماركه ثانيه لأن للحين مالقيت ماجي
واشويه معجون طماط

الطريقه :
========
تقصصين الخضار مكعبات صغيره الكميه الي تبينها + ظرف واحد شوربه بصل + شويه معجون طماط
وتحطينها كلها بالماي المغلي مع البهارات والملح حسب الرغبه
ولمن تستوي تشربينها بعد الأكل لأنها تحرق الدهون

انا شسوي اقصص الخضار وكل نوع احطه بكيس بروحه وبالفريز
وكل ما ابي اسوي شوربه احط لي كميه حق يوم واحد واسويه

احسن جذي
واذا ماتحبين الخضار تبين بالشوربه بعد ماتستوي نص استواء
حطيهم بالخلاط واطحينيهم ورديهم بالجدر ينطبخ اشويه


وبالعافيه

 

[jours]

حبيبتي انا نفس طريقة nono اذا حق الرجيم بس بدون معجون طماط بس احط طماطة مفرومة

 

[علايه]

مشكورين مشكورين مشكورين

يعطيكم العافيه

كل مره بجرب طريقه

 

[جارة القمر]

الغنادير


الله يشفي عائشة يارب



وباقي البنات

ما قصرتوا يارب

 

[ونه]

كفو والله ... كنت بسأل عن هالشوربه
وممتاز عرفتلها مشكورين يابنات

 

[أحلى مها]

السلام في شوربه حدها عجيبه تشبع وبنفس الوقت تذوب الدهن وطعمها حلو انا صار لي اسبوع اشربها والحمدلله نتايجها حلوه
مكوناتها فلفل اخضر - بصل اخضر -ملفوف- كرفس -بقدونس -كزبره -شوربه بصل كنور او ماجي - مع معجون تقطعينهم وتحطين عليهم ماي وتحطين الجدر على النار هاديه ربع ساعه تقريبا لين تستوي الخضار وعقب تكون جاهزه وكثر ماتشربينها اكثر من مره باليوم تذوب الدهون اكثر واكثر وبالعافيه وانشالله اكون افدتج بهذه المعلومه

 

[قوطي نيدو]

يسلموووووووووو على الوصفات