اشلون اخلي عيالي شخصيتهم قويه ........؟؟؟؟؟؟

[~ ورد الجوري ~]

مرحبااااااااااااااااااا



خواتي انا وحده عصبيه وبسرعه اي شي يرفع ضغطي وعلي طول صراخ واهواش اذا شفت شي من عيالي ماعجبني مثل اذا وصخوا غرفتهم او صار لعبهم كله اصوات عاليه بس لاحظت ماعندهم شخصيه يستحون ماعندهم جراه لرد اذا احد غلط عليهم


لاحظت بصراحه اللي امها هاديه وعادي عندها عيالها يزعجون مايزعجون شخصيتهم قويه خصوصا بنات اللي مدلعات زيااااده انا اذا بدلع بحدود البنات الي اشوفهم طلعاتهم وتسوقهم بكيفهم مو كيف امهم واتوقع الام عاجبها وراضيه ...انا طلعاتي وتسوقي بكيفي ولا مره شفت وحده من بناتي قالت يمه بنروح السوق او ليش ماطلعونا احتتتتر

انا بنظري الدلع يخرب البنت وتمرد علي امها وشافه ماعندها رقيب ممكن عادي تغازل وهذا اكثر شي اخافه علي بناتي حتي النت ناااااااادر اخليهم يمسكونه لكن اللي اعرفها 24 ساعه بناتها نت مادري شلون ماتخالف عليهم وفي نقطه لاحظت بناتي مو نفس هالبنات اللي تطلب من مطعم او بقاله ليش هل اهو خوف مني او ضعف منهم ؟؟؟

ابي تساعدوني شلون اقوي شخصيتهم بنفس اللحظه لو يبون يخربوط وراهم رادع وخوف مني !!!!​

 

[~ ورد الجوري ~]

لرفع

 

[عالمي المجنون]

قوي الوازع الديني عندهم هذا اهم شي

و ثانيا تأكدي انج انسانة ما تقدرين تراقبينهم 24 ساعة

ليش خائفة يغلطون خليهم يغلطون و يتعلمون من اغلاطهم بنفسهم

اهم بشر و البشر مو معصومين من الخطأ

ثالث شي الشخصية تنولد مع الانسان يعني الله عطاه كاريزما ان يكون قوي او خفيف دم بالفطرة

بس انتي الي بيدج تقوين هالشخصية او تضعفينها انتي تتحكمين بقوتها بس

رابعا هدي اعصابج و خففي ع نفسج و ع اعيالج من العصبية ضارة لج قبل لا تكون ضارة لهم

و حاولي تقعدين معاهم و تسولفين معاهم خلج صديقتهم و بنفس الوقت امهم وقت الشد شدي وقت الرخا رخي

خليهم يحبون قعدتج و سوالفج لا تخلينهم يكشون منج

 

[~ ورد الجوري ~]

هذا اللي خايفه منه اخاف لي كبروا يقولون شنو استفدنا منها غير العصبيه والهواش اكبر بناتي عمرها 11 حيويه وخجول وبسرعه اذا تناقشت معاها علي شي سوته غلط بجت وزعلت ابيها ترد علي وتدافع مو الخوف مانعها خوف اني اطقها

 

[GaLbI t7aWaL]

حبيبتي

امي كانت عصبيه حيل معانا
وما كان عندي لابتوب ولا تلفون الا اذا قعدت بالصاله معاهم كلهم

ووقت النوم كل شي يدخل غرفه امي وابوي

و الملابس والله كللل شي امي تنقيلي وانا عمري ١٧ سنه وكان عندي عادي

وامي كانت تناقشني باي شي اطقها بجوووه

بس الحمدلله تزوجت وعندي عيال ومو تقولين من الجيل القديم

مواليد ٩٢

والله الثقه تيي عقب الزواج هذا من رايي

فيه ثقه بحالي بس كنت ما احب اتكلم

بس اللحين صار حيل عادي الوضع

وتقبلي مروري

"" الصراخ بطلي منه والله اليهال يتضايقون (""

 

[M!SS.LOBY]

الله يحفظهم لج يارب

 

[انصاريه قمره]

كوني صدقتهم ومسكي العصا من النص حرام تصرخي عليهم وتكسرين شخصيتهم باجر راح تنهضم حقوقهم بالمجتمع
شي طبيعي راح يتعرضون لمواقف وراح يخافو يردون ويبررون لانفسهم حتى ولو كانوا على حق
انا بناتي اعصب عليهم ومرات امد ايدي عليهم بس شفت انه الطق ما ينفع حت بنتي الوسطيه ما قامت تخاف من الطق
تعودت وصارت تمشي وتكفخ باليهال هذا كله بسببي انا لاني كنت اطقها بس الحمدالله الحين حاولت اغير من معاملتي معاهم وحيل تغيروا للاحسن

 

[zain-alq8]

لاتزفينهم جدام الماس اكبر غلط اذا اغلطول جدام احد عطيهم خزه وبعدها بروحه بالبيت عاتبيه وصدقيني اكبر غلط اما يغلطون اعيالج تزفينهم جدام حتى حمولتج انا كنت جذي واحتر وحالتي حاله وعيالهم اذا اغلطوا ولنه مسوي شي الكلاب ساعات يحرووني بس شوفي عيالهم شخصيه واسلووب

 

[أم يزيد &سديم&]

سبحان الله
مصيرهم يطلعون على أمهم
التربية يبيلها صبر وطولة بال مو هواش و صراخ
تبغين عيالك شخصياتهم قوية ازرعي فيهم هالشيء من البداية

 

[M!SS.LOBY]

معاهم حق البنات التربيه يبيلها طولة بال وصبر

 

[Ms Zara]

اختي الله يهديك عارفه احنا بالقرن كم ؟؟؟

لا طبقي مقوله الوالد دايما يقولها >> لاتشد الحبل تقطعه <<

خليك وسط لاتحرمينهم من كل شي وخصوصا ان البنت حساسه وماتحب تحس بالنقص

عن زميلاتها وبعد صاحباتها لو لاحظو هالشي بيعايرونها فيه

لاتحرمينهم من اي شي لانه بيولد رد فعل عكسي بعدين

اعطيهم اللي يبون لكن بحدود

امنحيهم ثقه لكن بمراقبه واهتمام

يعني لاتسلمينها الخيط والمخيط وتندمين

ولا تاخذينهم انتي ويتعقدون عيالك ويكرهونك

كوني لهم ام ديموقراطيه متحضره وراقيه وحريصه ومتانيه

والله يسخرلك ذريتك

 

[ريما61]

في فرق بين الدلع والحنان وفي فرق بين القسوة والعقاب فكوني الأم الحنونة والهادية وأعطيهم الثقة بأنفسهم وشجعيهم

 

[*kim*]

انا بعد ما اعرف اتعامل مع عيالي الترببه صعبه هالوقت