اشصاير بالدنيا ؟ شفت حلقة خالد العبدجليل عن جرايم الخدم ؟؟؟؟ نقاش

[بس خلاص]

الحل تدرون شنو ؟؟
نستغني عنهم تماما ...والله يقوينا
لاتقولون مانقدر الا نقدر ...وشوفا الامريكان يداومون الين 5 و6 المغرب ومع ذلك ماعندهم خدم الا بالبارت تايم ...
والله يخلي الحضانه لليهال ...
اما اني اجيب خريجات سجون ..؟؟لالالالا حرام بيتي مسؤوليتي
والل تبون الصج صرنا نعتمد على الخدم اعتماد كلي ...حتى بالمول تلاقين كل اليهال مع الخدم في الملاهي والمطاعم اهم اللي يطلبون لهم واهم اللي يطالعونهم ....ترا العين حق ...وهالخدم بشر بتطالع ولدج وش اكل وششرب ؟؟وهذا ماما اكل كثير ...وهذا مايتعب من اللعب وخذي من هالحجي اللي يجيب الهم ...واخرتها يطقون الصبي بعين وهذا اضعف الايمان
واذا ياتج وحده حقوده بتنتقم منج بعيالج
ترا والله اشوف هوايل بالمولات من خدم يطقون اليهال جدامي ويصرخون عليهم ...واموت حره
واقول الشرهه على الام اللي هايته بالسوق والله
انا كله اطالع الامريكان اقول ناخذم نهم القشور وبس احنا ..هذاا للي فالحين فيه
ليه مانتعلم منهم الاعتماد على النفس ؟؟؟
شوفوهم معتمدني على الالات والاجهزه مو مثلنا
لاتقولون طبيعتهم غير ...خل نغير طبيعتنا حنا بعد...
بسنا من هالاصناف والاكل والصواني اللي نتففنن فيها ...الله يخلي المطاعم ..
والغدا سهل ...
مدري يبي لنا نشد حيلنا
حرام هاللي يصير
لاحظوا ان الخليجيين فقط هم الشعب الاتكالي على الخدم

 

[روى سكر]

والله إنهم أكثر من مجرمين، خاصة الفلبينات اللي جربتهم ثلاث مرات كل مره أسوأ من الثانية، وأتمنى الكل يصدق لأنها تجربه شخصية ولا يقول نظيفات،وترى الإجرام بدمهم بيطلع فجأة من دون سبب، أو بالأحرى سببه الحقد الغريب لأسباب تافهه وأحيانا الحسد يعني إذا شافت خدامة تانية تموت من الغيرة لأقل فرق بينهم.
قصصهم طويله جدا سأسردها في موضوع خاص إنشاء الله

 

[اختكم بالله]

حسبي الله عليهم هالخدم

 

[الحكومة]

السلام عليكم..

شحالكم؟؟ علومكم؟؟

والله الصراااحة انا عندي ندووة وموضووع الندوة عن الخدم ونعاالج قضاايا الخدم

وانا بغيت حلقة البرنامج دورت وما حصلت

فاللي توفر لي الحلقة من اليوتيوب ما رااح انسى معروفها معااي ورااح ادعي لها بكل خير
واتمنى انكم تسااعدوني وتوفروون لي الحلقة ضرووووووووووري

 

[خذاني الشوق]

الحل تدرون شنو ؟؟
نستغني عنهم تماما ...والله يقوينا
لاتقولون مانقدر الا نقدر ...وشوفا الامريكان يداومون الين 5 و6 المغرب ومع ذلك ماعندهم خدم الا بالبارت تايم ...
والله يخلي الحضانه لليهال ...
اما اني اجيب خريجات سجون ..؟؟لالالالا حرام بيتي مسؤوليتي
والل تبون الصج صرنا نعتمد على الخدم اعتماد كلي ...حتى بالمول تلاقين كل اليهال مع الخدم في الملاهي والمطاعم اهم اللي يطلبون لهم واهم اللي يطالعونهم ....ترا العين حق ...وهالخدم بشر بتطالع ولدج وش اكل وششرب ؟؟وهذا ماما اكل كثير ...وهذا مايتعب من اللعب وخذي من هالحجي اللي يجيب الهم ...واخرتها يطقون الصبي بعين وهذا اضعف الايمان
واذا ياتج وحده حقوده بتنتقم منج بعيالج
ترا والله اشوف هوايل بالمولات من خدم يطقون اليهال جدامي ويصرخون عليهم ...واموت حره
واقول الشرهه على الام اللي هايته بالسوق والله
انا كله اطالع الامريكان اقول ناخذم نهم القشور وبس احنا ..هذاا للي فالحين فيه
ليه مانتعلم منهم الاعتماد على النفس ؟؟؟
شوفوهم معتمدني على الالات والاجهزه مو مثلنا
لاتقولون طبيعتهم غير ...خل نغير طبيعتنا حنا بعد...
بسنا من هالاصناف والاكل والصواني اللي نتففنن فيها ...الله يخلي المطاعم ..
والغدا سهل ...
مدري يبي لنا نشد حيلنا
حرام هاللي يصير
لاحظوا ان الخليجيين فقط هم الشعب الاتكالي على الخدم

اتفق معاها:sfg:

 

[ام اغلى الناس]

لا حول ولا قوة الا بالله
الله يقطعهم
انا ما قصرنا بشي بس هم اللي يحسدونا على النعمه اللي احنا فيها
و على قولة المثل المصري: المال السايب يعلم السرقه
يعني مستكثرين علينا حلالنا وبعض الناس مخلينهم على كيفهم
لازم رقابه

 

[سالم الروح]

:"(
:"(
:"(

 

[PuPa^^SWeeT]

انا طلبت من مكتب الصيرفي

اييب خدم و يتاخر فيهم اقووله ليش يقوولي

 

[PuPa^^SWeeT]

انا طلبت من مكتب الصيرفي

اييب خدم و يتاخر فيهم اقووله ليش يقوولي

لأنه لازم يجيكون على صحيفتهم الجنائية


في مكاتب للاسف ماتدقق عالصحيفة الجنائية


يعني جرايمهم


نفسياتهم



بس ترا سؤال

احنا مدييم انتعرض بدوامنا لاشخاص ولا مديرين ولا ناظرات


يزفونا ولا ينرفزونا


هل رحنا نحرناهم
لاا لاتقوليلي السبب المعاملة

انا الخدم مايقعدوون عندي معني معاملتي لهم من احسن مايكون


احسب حسابها بالمطاعم

وطلعاتها ويانا

اذا شريت لبناتي ايس كريم شريتلها


وجبتي انا لما اطلب اطلب حق نفسي سموول

واهيا ميديوم


مع هذا

مايقعدون عندي لاسباب تافهة


مرة اتقارن رووحها بخدامة خالتي اللي اصلن مو خدامة اهيا ام ريلي و ام حمواتي مربيتهم عمرها فوق ال 60 سنة وليلحيين اتداري حتى بناتي


ومرة اتقول ابي موبايل ولما حصلت موبايل من وراااي خذته اتغازل فييه ؟؟؟




ومرة مدخلتلي ريال بالليل الله سلم ريلي لما جكهم كانو بالمطبخ ولا جان راح فيها

؟؟؟



لاتقوليلي المعاملة


ومرة سيلانية وديتها من طبيب لي طبيب واهيا اتشكى ما انام مايخلوني انام


وبالمرة اتعفر اببنتي اتطقها و اتنشف معاملتها معاها ؟؟؟


ليش عااد كل هذا


هذذا وانا ادلع



ادلع


يعني حتى هذي اللي حاليا عندي ترااا الصبح ماعندها احد بس بروحها

اتريح و اتسبح


الصبح


وبناتي ينامون الساعة 6


وبس اتدش دارها اتريح


يعني هذا مو دلع ؟؟؟؟


لاتقولولي المعاملة


ترا مو اسااس


اهم فيهم غيرة يمكن ولا حسد



؟؟؟؟؟؟



شنو السبب


الاغلب انه منهم



ولا سالفة عايشة

كانت الخدامة اتقول حق الام روحي دزيلي فلووس


علشان تنحر البنية بروحها بالبيت

وبليلة ملجتها ؟؟؟

 

[هجووورة]

السلام عليكم ورحمه الله
قبل لا اكتب ردي ابي منكم الدعااااااااااااااااااء بكل صلاة ان الله يحفظنا ويحفظ ديرتنا من كل شر
والدعااااااااااااء من الله بحل هالسالفة العقيمة وهي سالفة الخدم مالكم الا الدعاء
بالنسبه للخدم
خلو هالشعار جدامكم(من امن العقوبه اسااااااااااء الادب)
انتم تعيشون تحت رحمتهم بسبب حكومتكم الموقرة
عمركم سمعتوا بتطبيق فعلي لاي قانون واكبر دليل الفلبينيه قتلت واعفيت بدون اي عقاب لما الخدم من مختلف الجنسيات يشوفون هالنموذج تعتقدون يحسبون حسابكم او يخافون منكم
ثانيا
اصحاب المكاتب اكبر دمار لنا وعصابات سرقات علنيه
اصحاب المكاتب اللي يطالبونج بسرعة تحويل الاقامة وعمل الفيزاوووو
1-يعينون لديهم سكرتيرات هم في الحقيقة خدامات هاربات واغلبهم بدوووووووون اقامه(اين تطبيق القانون) وتعين بدون اي اوراق رسميه ولاجهة تعيين معترف بها ولا تملك اي مقومات السكرتاريه من ادب ودبلوماسيه ولغة
2- المراسل الذي يستلم الخدامات من المطار يلقنهن المطلوب منهن ويشجعهن على الهرب في مدة لا تقل عن سته شهور ليضمن انتهاء الكفاله
3- مكاتب الخدم اكثرها عبارة عن تأجير طاولات الطاوله تدفع شهريا 500دينار واسم صاحب المكتب للتمويه فقط طبعا تاخذه اي خدامه هاربه وتسوي نفسها سكرتيرة وتطلب عن طريق معارفها وتاخذ من هالمساكين 700-800 على كل راااس شوفوا ربحها كم
4- نجي للخدامه واعطيكم مثال لخدامة سيرلانكيه جاءت عن طريق الفيزا
فحص طلبي كلفها حوالي 60 دينار كويتي
تذكرة على الكويتيه دايركت 100مع الضريبه
تحويل الفيزا بالبريدحوالي20 دينار
يعني مجموع التكلفة حوالي 200 دينار ليه الجشع
---------------------------------------------------------------------------
موضوع جرائم الخدم
اسألوا نفسكم
اذا هربت الخدامه (ماهي العقوبه) لا شي
اذا سرقت الخدامه (ماهي العقوبه لا شي
اذا عذبت الاطفال ماهي العقوبه لشي
رااااااااااااااااااااجعة

 

[PuPa^^SWeeT]

هجووووووووووووووووورى ضربتي عالوتر



شكلج متاذية منهم حيييل

 

[هجووورة]

كلللللللللللللللللللللللل هالامور قاعده تصير تحت سمع وبصر (الحكومه) وبردا وسلاما
نضيف عليه الشركات الوهميه اللي قاعدة تطلع ويستغلون حاجة المواطن ويشغلون الخدامه بصفة مؤقته على 150-180دينارولا احد يحاسب والسعر في تزايد فالخادمة تشوف هذي تاخذ 180 بالشهر وهي نفس الشغل 60 (تنقهر)
ولا تنسون سفاراتهم اللعينه قاعدة تشجعهم وتطالب في حقوقهم لان مالها مصلحة في تزايد البطاله في بلادهم جايتهم ثروة ما تبعد عنهم الا ساعات بالطائرة نلاقيها تخلت عن مهامها الدبلوماسيه وتفرغت لهم
نضيف دولهم تبي تتخلص من نفاياتها البشريه من اصحاب المشاكل وارباب السجون والمرصى النفسيين تسهل لهم السفر للخليج
لارض السعادة (من يحاسبهم)
الخدم نفسهم نسبه التزوير في اوراقهم 70% وبمباركة حكوماتهم
انت كمواطنه لما تشوفين الدوله والقانون والسفارة معاج وتلعبين وتسوين شركات وهميه (ماراح تتشجعين اكيد وطبعا)
لو الكويت بس وقفت وحطت المواطن جدامها وطالبت بتعويض لاي اسرة كويتيه تعرض لاي نوع من انواع الاذى(سرقات - تعذيب-هتك عرض ) تعويض شرعي من حكومات هالدول
والله ثم والله ثم والله لو طبق هذا الشي لشفتوهم يمشون على السراط المستقيم ويحسبون حساب للدوله قبل لايوصلونها
احنا ما نعذب الخدم ولا ناكل حقوقهم ولا نظلمهم اذا كان فيه شواذ فما تعم على الكل احنا مسلمين نعاملهم معامله حسنه ونوكلهم مثل ما ناكل وعلمناهم النظافةوينامون في مكان نظيف ويتغطون في غطا نظيف وبسببنا فتحوا البيوت والمتاجر والشركات
واصبحوا اصحاب نفوذ
لكن مع الاسف ومليون اسف اذا دولنا ماوقفت وخلت هالموضوع قضية محوريه راح تزيد المشاكل وكل يوم نفقد من اموالنا وشبابنا المزيد لا سمح الله
لازم وقفة حاااااااااااااااااااااااازمه ومجلجله مع هالناس والكويت ارض الشرفاء
خدم يشوفون خدم يقتلون ولا يعاقبون ماذا تتوقعين منهم يخافون مستحيل المفروض اي قاتل يقتل بدون تاخير واذا اعترضت دولهم يستلمون جثتها لان ارض الكويت حراام تحتوي هالزباله بعدين يطالبون الملفات فاضت في الدروج من مشاكلهم وجرايمهم

 

[هجووورة]

هجووووووووووووووووورى ضربتي عالوتر

شكلج متاذية منهم حيييل

متأذية من كل واحد جنى بحق هالوطن العزيز
متأذيه من كل كويتي او كويتيه رااح دمه هدر وبقلب باردمنهالحثاله
متأذيه على موال هالوطن اللي قاعدة تروح لدول ماهي كفو
يااااااااارب ياااااااااارب تعينا:yaaaaaarb::yaaaaaarb::yaaaaaarb:

 

[PuPa^^SWeeT]

هجووووورة صرااحة كفييتي و وفييتي


وللي بيقوولج همن المعاااملة


انا اقوووله لااا مو هذا السبب
السبب هو تخاذل الجهات الحكوومية عن اتخاذ اي اجراء ضدهم




تسلميييين يا هجوووورة و كفييتي و وفييتي

 

[برونزية رشيقة]

شوفوا تاريخ موضوعي .. قديم من أي سنة؟

تنعاد نفس الجريمة وبنفس برنامج المحامي خالد العبدالجليل ..


وكأن التاريخ يعيد نفسه !

خلصنا من الفلبينية ياتنا الأثيوبية أللي قتلت اللبنانية وألحين سالفة عايشة الفيلجاوي .. عسى الله يرحمها برحمته ..


ترحموا على المسكينة عروس الكويت.............

 

[Melazlaza]

ما يطوف شهر ما تصير فيه جريمة سببها الخدم سواء كانت صغيرة او كبيرة

فقدت الامل في ان نتعض ووصلت لمرحلة مابي انصح احد بهالموضوع
انا علي من نفسي فهمت الحياة صح وماعندي قلق بحياتي بسبب شخص غريب دخلته بيتي عشان يأذيني!!

 

[PuPa^^SWeeT]

ايي والله

 

[chakletaA]

ان لم تستحي من الله ففعل ماشئت
لو تم القانون القصاص لما اصبح في تسيب

القصاص اهو الحل الوحيد والرادع للاشكال السقيمه

قلت الوازع الديني
حتما هو القصاص لابد سيتم يوما

 

[فـراوله]

أنا من بعد سالفة عايشه كرهت الخدم وما أبيهم وعندي خدامه أثيوبيه
وحيل خايفه منها وبحط كاميرة مراقبه عشان أرتاح ​

وأنا مع النظام للي بيطبقونه ما في خدامه تنام بالبيت تشتغل من الساعه 7 الصبح لين
2 الظهر بس وبعد جذي ما نبيها يكون نظفت البيت وخلصت ​

بس مادري متى بيطبقونه الله يهديهم طولوا فيه ​

 

[جود17]

السلام عليكم

انا من السعودية وطالعت الحلقة .. فعلاا عوررت قلببي ايش ذنبهم ينقتلوووون قلببي تقطعم مانمت ذاك اليوم
وعايشة الله يرحمها قاتلتها الشغاله الاثيوبية حسببي الله عليها من شغالة..الله يصبررر قلب اهلهم ياارب ..ايش ينتظروون مايقتلوونها!!!!! معروووف بالقران والسنة القاتل يقتل قال تعالى (( ولكم في القصاص حياة يا اولي الألباب لعلكم تتقون ))
ايش ذا الاوادم ايش القلب اللي عليهم مافيهم رحمه .. والله ثم والله عصفور مااتحمل اقتلة
كررهت الشغالات .. اتعب بشغل البيت ولا اتعب بفراق احد من اهلي

انا مااعرفهم واحتريييييييييييييييييييييييييييييييييت عليهم الله يرحمهم ويسكنهم جنة الفردووس ..شلوووون اهلهم ايش يعوضهم عن عيالهم ؟؟؟
يارب صبرر اهلهم يارب صبر اهلهم يارب صبراهلهم .