اشصاير بالدنيا ؟ شفت حلقة خالد العبدجليل عن جرايم الخدم ؟؟؟؟ نقاش

[برونزية رشيقة]

بنات اليوم شفت الإعادة مالت حلقة خالد العبدجليل عن الخدم .... ودارت في عقلي وقلبي تساؤلات كثيرة !

شصاير بالدنيا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


هذي دلال النقي : عروس عمرها 22 سنة راحت بسبة خدامة فلبينية ومحد سوه للفلبينية شي .. قالوا عنها مينونة وردت ديرتها ؟


والطفل سالم العتيبي : اسم الله عليه الرحمن الرحيم آية بالجمال وشخصيته تهبل ياخذ قلبج من براءته من يفكر ينحر طفل نفسه ؟؟؟؟ إلا وحدة بنت إبليس متربية بشوارع الظاهر ... اقتلته الفلبينية ياربي فلمه في حمام السباحة وضحكته قطعت قلبي ... ونزلت دمعتي ... ( إنشاءالله طير من طيور الجنة يارب ) .. وطبعا محد سووه للفلبينية شي وتستروا عليها السفارة وسفروها عادي حق ديرتها .. بانتظار ضحية يديدة .. عادي وجنه الورد ترد الخليج وتذبح بإعيال الأوادم !


وهذي جريمة جديدة مامر عليها شهر : مرام العتيبي بنت عمرها 12 سنة .. نحرتها الأثيوبية ... والله سلمها بسبة إن أخوها غايب ومو رايح المدرسة وأنقذها ودق على 777 وقصتهم طويلة وكانت لاحقة الأخو تبي تموته !!!!!!!!!!!! وتشوهت رقبتها وكانت في غيبوبة والله كتب لها عمر يديد .... وما سووا لها شي قالوا : مريضة نفسيا !!!


يا بنات .. إشصاير بالدنيا ؟؟؟؟؟؟؟؟؟؟؟ هل العيب فينا يالكويتيات طيبين معاهم زيادة عن اللزوم ؟

وإلا بسبة ((( بعض ))) الأسر الكويتية تظلمهم ؟؟؟؟؟


ماندري !!!!

هل الجرايم تصير مثلا عند أسرة ما تسلمهم معاشاتهم ؟

أو مقصرين عليهم بالأكل والشرب والملابس ؟

وإلا مالهم سرير مستقل .. وينومونهم بالمطابخ مثلا ؟

حقوق الإنسان تقول الكويت الأولى في الإساءة للخدم ومعاملتهم معاملة غير إنسانية !!! والكويت الأولى على رأس هذه القائمة !!!!
ما أصدق ....

أهل الكويت ناس متربين وخايفين ربهم .. عمرنا ما ظلمنا أحد .. شللي قاعد يصير بالدنيا ؟؟؟؟؟

معاش ونعطيهم ..

أكل وما نقصر عليهم .. الخير وايد .. كلها عيش وخبز وجبن وحتى مطاعم نحسب حسابهم إذا أشتهووا اللقمة ..

زف ما نزفهم .. صراخ ما نصارخ ((( علشان ما ينتقمون فينا وفي إعيالنا )))

طق ما نطق ((( إطقينها وباجر إتحط لج سم بالأكل وإلا تحرق لج ولدج وتفرفررررررررر قلبج عليه )))

طلعة قاموا يتشرطون يبون طلعة وهذا شرطهمم قبل لا يطبون الكويت .. ونرضى ونخلليهم يطلعون !

تلفونات .. موبايلات .. تلفونات نقالة وطنية وزين وفيفا ... كلشي عطيناهم !!!

معاملة إنسانية .. شنوووووووووووووووو يبون ؟؟؟؟

القضية حساسة ... كل من تقرا هالكلام تعلق .. وتجاوبني شللي صاير بالدنيا ؟؟؟

وإذا فيه إخت عضوة تعرف أحد من المسؤولين سواء من جماعتها .. أو من عايلتها .. أو عندهم نفوذ بالديرة أرجوووووووووووووووو الحد من ظاهرة الإجرام .... وإعادة القوانين الخاصة باستقدام الخدم .. وزيادة الرقابة ... على الأقل الكشف ما يكون صحي بسسسسسسسسسسس لأ يكون نفسي ... ميانين ومجرمات وخريجات سجون قاعد ندخلهم ديرتنا ترضون ؟ وإعيالنا حسبي الله ونعم الوكيل ؟ ليه متى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[الصابرة المحتسبة]

خووووش موضوع للنقاش:
العيب بهالوقت أكثره من الخدم ,,,,,, قبل الخدم يهابون المعزبة ولا المعزب ألحين ترفع عينها ولا همها شي,,,,,,
وأغلب اللي يوصلون الديرة خريجات سجون .
-الأهالي إذا مو كلهم أغلبهم معطينهم حقوقهم ومدلعينهم موبايلات وكروت وطلعات ودلع,,,,,,
- لايصير المشاحن بين العيال مباشرة مع الخدامة هذي بروحها مشكلة ويبيلها حل.
- تراهم صج أشكال وأرناق.
وعساج على القوة يالغاليه

 

[فلونة احلى وردة]

والله موضوعج وايد مهم
وهم انا وااااااااااااااايد افكر فيه
من راي ان المعاملة مالها علاقة لان وايد من هذول تبين ان المعزبة كانت تعاملها عدل وحدة توها مجربينها اثيوبية
اعتقد ومن وجهة نظري ان طبع الخادمة وصحتها النفسية وجنسيتها لها اثر وعلاقة وارتباط قوي وواضح بالموضوع
فلاحظي ان اكثر اللي يذبحون من الجنسية الفلبينية المعروفة بجنونها وفجاة تنثار وما تقبل احد يزفها او يحرجها
ومع الجنسية الاثيوبية لان دمهم واعصابهم هم حااااااااااااااارة
فانا من هالجنسيتين مستحيل ايب حتى لو اقعد بدون خدامة
اما الجنسية الاندونيسية معروفة بالسحر والجنس
وهم ما ايب منهم
والاخيرة مازالت تحت طور التجربة اللي اهي الجنسية النيبالية
والحمد لله مازلت على الجنسية السيلانية والهندية
اللي من عمرهم معانا على الاقل اذا ما عجبهم الوضع ينحاشون
وانا اختلف معاج اختي لان في ناس تسئ معاملة الخدم وهم واااااااااااااااااايد مو شوية
يعني معقولة خدامة تشتغل من 6 الى 12 ولا معاشها بس 50 شهالوظيفة العذاااااااااااااااااااااااااااب
احنا 7 ساعات وبالاميات ولله االحمد
لا تقوليلي حسبي على معاشهم وديرتهم انا لي بالعقل
المفروض نشغلهم بالساعت ونص دوام ب50 ودوام كامل ب100 على الاقل
ادري بتعارضوني بس هذا راي انا مع حقوق الانسان المفروض ياخذون يوم راحة بالاسبوع وتصير وظيفتهم مثل هالوظايف اللي بهالعالم
وعسى الله يكفينا احنا وعيالنا واهلنا شرهم
وانصحكم تدعون بدعاء الرسول صلى الله عليه وسلم:
اللهم انا نسالك من خيرها وخير ما جبلتها عليه ونعوذ بك من شرها وشر ما جبلتها عليه
هذا اول ما تيبين الختدمة مسكيها وقولي هالدعاء عشان الله يفكج من شر طبعها

 

[برونزية رشيقة]

يزاج الله خير يا صابرة يا محتسبة ... بس شنو الحل ؟؟؟؟

وين تحرك المسؤولين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[حلم الطفولة]

حسبي الله ونعم الوكيل .. شقول يا قطوه بهالموضوع ؟؟
نوكلهم ونشربهم ونرحمهم ونلفّيهم عندنا رغم صراحه قل فهمهم وضيمهم .. وفوق هذا مايخافون الله فينا .
موعاجبهم أصلا ..... الود ودهم دلع زود وخمس أيام جازه بعد !!!!!!!

قطوه آنا مواضيع الخدم اصلا تغثني حيل وياما والله فكرت أطلع الخدم وأقعد من غيرهم بس أدري ماقدر .. صعبه حيل .
أختي فتكت وطلعتهم .. بس كاهي ماكو وقت حق شي المسكينه .. بس تبين الصج .. تعب يسد وراحة بال .

آنا اللي عندي يالغاليه مسلمات .. وماحط غير المسلمات .. ومو أي جنسيه .. هنود وفلبن بس ..
وأرحمهم والله انهم كلش مو فهيمات بس أرحمهم واصبر عليهم .. وعندي صراحه راي فيهم الخدم بالعموم ..

الشاطره هبت الريح ؛؛<< شيطانه وبلوه ومو هينه
والهاديه الطيبه ,, << للأسف فكرها بسيط وتعل القلب عشان تفهم ..

.........................

عذروني آنا طلعت اللي في قلبي .. بس الحين المهم بالموضوع إنهم ساءو الأدب لما أمنو العقاب .. ماكو رادع .. صراحه لاعبين لعب وصارو دلع عالفاضي ..و كل خادم عندها موبايل ..!!!؟؟؟؟ ليش !! .. ياماما تبي تكلم أهلها أكو كروت تلفون البيت .. والمكالمه على صاحبة البيت ماشالله الكويتيين كلهم كرم .. مو صح ؟..

آنا أتمنى أن يصير فيه قوانين تكتب العقد .. بس المشكله في المريضات نفسيا هاللي يدخلونهم عن طريق الغش وتزوير الأوراق
هناك بلدهم ماعندهم ذمه .. ومو مشكله يدزون لنا اللي تسوى والي ماتوى .. اسمحولي واعذروني .. بس الخدم بالكويت .. مأساااة

 

[الصابرة المحتسبة]

المكاتب أغلبهم الربح ومايهمهم غيره
ومن أمن العقوبة أساء الأدب

 

[حلم الطفولة]

الأخت الصابيه .. احنا بالكويت الغالبيه ترحم خدمها .. وبالنسبه للمعاش .. آنا بقولج شي ..
سايق .. اشتغل عندي سبع سنين .. تدرين اشسوى له في الهند ؟؟؟؟؟ .. بيت من دورين الله يبارك له .. دور الأرضي حق مرته وعياله .. والدور الي فوق : استثمار .. بيأجره على ناس ..
.. لا تقولين احنا نشتغل ومعاشنا بالميات .. الله يبارك فيج يالغاليه .. الكويتيين أغلبهم عندهم التزامات وأقساط وديون .. ومو قادرين بعضهم حتى يشترون بيت
تدرين إن أغلى سوق عقار بالعالم عندنا ؟؟؟؟ .. يا أختي الصابيه .. طلعات نطلعهم .. إجازات نوديهم .. سوق نوديهم .. ماشالله صدقات وزكات تحوشهم طول السنه .. لو بتحسبينها يصير جنهم ياخذون 200 بالشهر مو 50 ..
المسأله مو مسألة فلوس اختي .. المسأله مسألة غش الشركات اللي في بلدهم .. تجارة أفراد .. واحنا ناكلها .. وللأسف لي طاح الفاس بالراس .. لجأو لسفاراتهم وراحو مع السلامه .. يرضيج اللي صار ؟؟ ناحرين أطفال وعليه بعمر الزهور ؟؟ 12 سنه و11 سنه ؟؟ مجرمات وخريجات سجون قاعدين يزورون لهم بالأوراق ويدخلونهم .. يالطيبه الموضوع مو موضوع راتي ولا فلوس إحنا مو مقصرين .. الموضوع ذمم ماعندهم ..
ومثل ما يقول الشاعر الحكيم : إذا أنت أكرمت الكريم ملكته ... وإن أنت أكرمت اللئيم تمردا
وهذا همه لئيمات للأسف .. << إلا من رحم الله منهن

 

[Baby^Bop]

موضوعج روعة أنا من شفت الحلقة أمس بليل بجيت بجي عورني قلبي علي سالم واهو بحمام السباحة وضحكته اتحسين فيه قمة البراءة اشذنبه وشذنب اهله ياربي ... والله شي ايقطع القلب والي يقهر ازيادة ان ما في اي رادع كل هالقتلة والي ثابتة عليهم الجريمة ما سوو لهم أي شي انا رفيجتي بالدوام اتصير حق دلال الله يرحمها واااي لما اتحجى عن امها والله اتخليج غصب تبجين وهالفلبينية يا مالها الموووت ان شاء الله لما الحين ما اعدموها اشناطرين

يارب اتحفظنا واتحفظ اعيالنا وكافي عدم الاحساس بالامان وانتي ابيتج الشكوة لله صج شر لا بد منه

 

[حلم الطفولة]

اشوه ماشفت .. .. آنا الحين ببجي وآنا ماشفت .. عيل اشلون إذا شفت
الله يحفظنا ويحفظ عيالنا ويرحمنا برحمته .

 

[باونتى]

قطوه يعطيج العافيه حبيبتى على الموضوع اللى يعور القلب .. انا كل ما اسمع عن سوالف الخدم اقول لزوجى خلاص ما ابى خدامه وبعدين اقول لنفسى تحملى باجر العيال يكبرون ويروحون المدارس ان شاء الله وذيك الساعه ما ابى خدامه .. مره طحت على خدامتى عاضه ولدى عضه ولمن صرخت عليها وزفيته تقول اى عشان يحس فينى لمن يعضنى شلون العضه تعور :0bee2e8d89:
مره وحده فلبينيه قالت لى بالصالون انتوا الخدم الفلبينيات اللى يجووون الكويت كلهم من مناطق فقيره ومووليه واغلبهم خريجات سجون واحداث عشان جذى مجرمات وما عندهم حنيه على اليهال ..
ما أقول الا ربى يحفظ عيالنا ويبعد عنهم كل مكروه يارب

 

[القرآن ربيع قلبي]

موضوع يعور القلب والواحد يحتار ومهما سوو لها ماتوصل للقتل شهالقلب انحاشي الله لا يردج سافري واهم يدرون انه على كيفهم اهني ليش القتل الله لا يبلانا الا لانها مو صاحيه صدقيني مو صاحيات ومريضات نفسيا الله يستر علينا وعلى عيالنا يارب

 

[برونزية رشيقة]

أدري مو صاحيات وميانين و 80 % منهم خريجات سجون .... ديرتهم تبي تفتك منهم تدزهم لنا (((( هالمعلومة سرية جدا جدا جدا من وزارة الداخلية ))))

الحل شنووووووووووووووووووووووو ؟؟؟؟ وين دورنا كشعب كويتي ما يرضى بالغلط ؟؟؟؟؟؟

وهذي صورة الطفل المقتول ( سالم العتيبي - 5 سنوات )

وبجانبه صورة بنت ال ....... الفلبينية القاتلة ( علما إن السفارة ما وافقت بحكم الإعدام وطلعوا تقرير أنها مينونة وسافرت بلادها ماسوولها شي ) حسبي الله ونعم الوكيل .

وهذي الطفلة ( مرام جابر - 12 سنة ) نحرتها الأثيوبية ... مكان الشاش أصابع مقطعة لأنها حاولت تدافع عن نفسها وقطعت الأثيوبية أصابعها بينما كانت تفعل ذلك .... والرقبة حدها مشوهة ( شالوا الشاش بحلقة خالد العبدجليل لا تشووووفنها )

وتفضلوا القصة حسب جردية ( القبس ) :


من دون مقدمات ولا سابق انذار استيقظ الطفل فيصل البالغ من العمر 10 سنوات من نومه ليشاهد خادمتهم الاثيوبية وهي تجهز بسكين حادة على شقيقته الكبرى مرام، البالغة من العمر 12عاما وتسدد لها الطعنات في عنقها، ولم يكن امامه سوى الاستغاثة من هول ماشاهده، الا ان الخادمة وسددت اليه طعنة نافذة لكنه تمكن من الهرب والمراوغة والاستغاثة بشقيقه مبارك البالغ من العمر 14 عاما، الذي تمكن وبشجاعة كبيرة من السيطرة على الخادمة الاثيوبية، بينما توجه الطفل فيصل للاستغاثة بالجيران من اجل انقاذ شقيقته الغارقة في دمائها.
ما سبق لم يكن مشاهد من فيلم بوليسي، بل كان جريمة بشعة دارت احداثها في منطقة ام الهيمان صباح امس، ورواها لـ«القبس» رب الاسرة المواطن «جابرالعتيبي»، الذي قال انه تلقى اتصالا هاتفيا من جيرانه ابلغوه فيه ان خادمته الاثيوبية شرعت في قتل ابنته مرام، واصابت ابنه فيصل بجرح سطحي.
جريمة غريبة
ويضيف رب الاسرة قائلا: لم استوعب ماقاله الجيران، حيث كنت في زيارة لزوجتي في المستشفى حيث كانت قد وضعت مولودا امس الأول، ولم ارغب في ابلاغها بما حدث، وتوجهت فورا الى المنزل وعندما وصلت ابلغني الجيران ورجال الامن ان ابنائي في المستشفى وان فني الطوارئ الطبية غانم الشمري ومحمد العنزى سلما الخادمة لرجال الدوريات.
واضاف المواطن انه توجه الى المستشفى للاطمئنان على ابنته مرام، حيث ابلغه الاطباء بأنها مصابة بـ3 طعنات نافذة في الرقبة، وان حالتها مستقرة، وان ابنيه مبارك وفيصل في حالة جيدة، نافيا ان تكون الخادمة ارتكبت جريمتها بدافع الانتقام من سوء المعاملة، مشيرا الى انها تعمل في منزله منذ عام ونصف العام تقريبا ولم تبدر منها اي تصرفات مريبة، وكان الجميع في المنزل يعاملونها بشكل جيد ويعتبرونها من افراد الاسرة.
تحقيقات مكثفة
من جانب اخر، ابلغ مصدر امني «القبس» ان رجال مباحث محافظة الاحمدي بقيادة مديرهم العقيد داود الكندري ومساعده المقدم محمد العبيدلي انتقلا الى موقع الجريمة في منطقة ام الهيمان وتحفظا على المتهمة التي لم تذكر اي سبب لرجال المباحث يدفعها لارتكارب الجريمة، لافتا الى ان رجال المباحث احالوها الى النيابة العامة، فيما تم استدعاء رجال الادلة الجنائية الذين تحفظوا على اداة الجريمة كما تم رفع البصمات والاثار المادية من الموقع.


وسمعوووووا قصة ( دلال النقي -22 سنة ) :

حسبي الله ونعم الوكيل

المرحومة دلال النقي ،، ضحية الخادمة الفلبينية


ويستمر المسلسل الإجرامي عند الخدم وخصوصاً الفلبينيات منهم في ممارسة ابشع الجرائم من ذبح وقتل وطعن !!

الخادمة ( تشتغل عندهم من 5 سنين ) وصلها خبر إن زوجها في الفلبين تزوج عليها , ومن حرتها و ينونها راحت و

طلعت حرّتها في بنت الناس المسكينه اللي ما لها ذنب قامت وطعنتها وهي نايمه في رقبتها وظهرها وقلبها لين ماتت

توفت بعد تلقيها 8 طعنات من الخادمة الفلبينية فجرا..

ثم حاولت الخادمة الانتحار بإلقاء نفسها ..

و أصيبت بكسر في الحوض ..

و هي في العناية المركزة حاليا

كانت دلال تشتغل في الديلنغ روم بمؤسسة البترول Kpc

الله يرحمها و يصبر أهلها

ورحم الله من قرأ على روحها الفاتحه وعلى روح جميع المؤمنين والمؤمنات

انظر الصورة فى المرفقات


ولها صورة في هذا الرابط :

http://images.google.com.kw/imgres?...%84%D8%A7%D9%84+%D9%86%D9%82%D9%8A&hl=ar&um=1

 

[milkshake]

والله الجرايم هذي تعور القلب..الله يحفظنا ويحفظ عيالنا وعيال كل المسلمين من هالاجرام ..
المشكلة ان احيانا هناك سبب لمثل هذي الجرايم واحيانا لأ..
احيانا السبب في الاسر وربات البيوت وطريقة معاملتهم للخدم ..واحيانا السبب نفسي او جنون في الخدم ..احنا نييبهم ومانعرف عنهم شي..لا عن بيئتهم ولا عن تربيتهم ولا عن صحتهم النفسية ..
المشكلة الحين شلون نحافظ على بيوتنا وعلى عيالنا من الاشكال هذي..
يعني هذي مو خدامة بايقة او خدامة تحاجي رياييل او غيرها من هالمشاكل العادية ..لاء ..هذي مصيبة ..هذي ارواح وسلامت عيالنا..
يعني شنسوي؟؟
انا اقول ان نخفف اعتمادنا شوي على الخدم ونحاول مانخلي عيالنا بروحهم ويا الخدم ..

 

[سكادا بلو]

الله يكفينااا شرهم هالخدم متطمنين ان محد يقدر يسووويلهم شي تدرين ليش ؟؟؟

اولا لمااا تنحاااش ويمسكووونهااا الشرطه لاااازم الكفيل يدفع تذكره لهاااا وعلى الدرجه الاولى حتى لو اهي من راسهااا منحاااشه والبيت اللي كانت فيه زين

وبعدين لمااا تسوووي جريمتهاااا تدخل السفاااره والمفروووض كل مجرم ياااخذ جزاااائه والمسؤلين مايبووون تصير سوالف مع السفاااره عشان مااايطلعووون بصوووره شينه حتى لو على احسااااب ارووواح عيااالنااا وبناااتنااا ...

لو من اول جريمه صااارت يوووقفووون الخداااماات من هالجنسيه كاان مو هذااا حااالنااا ..

فعلا صح ترا الفلبين مايدزووون للخليج الا السجووونااات وهالشي كلن يدري فيه .

 

[برونزية رشيقة]

وهذي قصة الطفل الله يرحمه ( سالم العتبي ) :

إنــا لله وإنـا إليه لراجعون

وتستمر اعتداءات الخادمات الفلبينيات وجرائمهن بحق ابنائنا
وكانت اخرها مساء امس حينما شهدت منطقة مبارك الكبير في القرين جريمة قتل طفل والشروع بقتل شقيقه وشقيقته على يد خادمتهم الفلبينية في منزلهم بعد اذان المغرب مباشرة،
وتفاصيل هذه الجريمة البشعة بدأت حينما خرج والد المجني عليهم (كويتي الجنسية) من منزله لاداء الصلاة في المسجد وفجأة سمع اصوات استغاثة صادرة من منزله فرجع على الفور ليشاهد فلذة كبده «س.ع» 6 سنوات منحورا وشقيقيه «ع» 12 سنة مصابا في العنق وشقيته «هـ» 17 سنة وقد تعرضت لطعنات في العنق والوجه واليدين وفي ظهرها والدماء تغطي الغرفة،
ولحظتها القت الخادمة (26 سنة) بنفسها من الدور الاول لتصاب بعدة كسور وجروح استدعت نقلها مع شقيق وشقيقة الطفل القتيل الى مستشفى العدان حيث ادخلت الخادمة لغرفة العناية المركزة
كما ادخل المصابان لغرفة العمليات حيث اجريت لهما عمليات جراحية حتى اصبحت حالتهما مستقرة
وقد حضر لموقع الجريمة فور ورود البلاغ العميد مصطفى خان
بالرغم من تمتعه باجازة خاصة ومدير عام امن مبارك الكبير بالوكالة العميد ابراهيم الطراح الذي توجه بعد ذلك الى المستشفى اضافة الى مدير عام المباحث الجنائية العميد عبدالحميد العوضي ومدير عام الادلة الجنائية العميد عيد ابو صليب ومساعده العميد فهد الدوسري ومدير مباحث مبارك الكبير العقيد عبدالله العلي ومدير الطب الشرعي العميد ابراهيم فناهي ومساعده الدكتور اسعد مهدي ومدير مسرح الجريمة بالوكالة المقدم حماد العنزي والمقدم عدنان الفرج،
كما امر مدير امن الاحمدي العميد طارق حمادة ومساعده العميد محمد الدوسري بوضع حراسة مشددة على مستشفى العدان كونه يقع في نطاق عملهما في محافظة الاحمدي وفي المعاينة الاولية والتحقيقات الجارية تبين ان والدة المجني عليهم كانت في الدور الارضي فيما كانت الخادمة مع الطفل القتيل بغرفة بالدور الاول حيث احضرت سكيناً كبيرة ونحرته، ولدى خروجها شاهدت شقيقة القتيل فحاولت قتلها الا انها قاومتها فتعرضت لعدة طعنات ومع استغاثتها خرج شقيقها الاخر فطعنته الخادمة ثم صعدت لسطح المنزل حيث القت بنفسها الا انها سقطت على سطح الملحق فقامت مرة اخرى فالقت بنفسها وسقطت بالحوش،
وقد عثر على السكين المستخدمة على السلالم وتم التحفظ عليها وابلاغ النيابة العامة حيث امر وكيل النيابة بإحالة الجثة للطب الشرعي،
>> منقول من جريدة الوطن الكويتيه<<
******************
تعليقي : بنات عفية إقروا سبب القتل ..... ليش اقتله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شوفوا شنو قالت بالتحقيقات؟؟؟؟علشان المدام كانت تقوللي ريحنج خايسة روحي تسبحي ؟ (((( هذولا الفلبينيات إللي فيه عضوات ما يرضون عليهم ... ))))

تفضللوا :


( بدأت به لأنه الأحب إلى أمه وهو الصغير وسهل التغلب عليه )

الخادمة الفلبينية: نحرت ابن مخدومي لأن والدته تضايقني بطلبها مني الاستحمام




حصلت الصحيفة على اعترافات مثيرة في قضية نحر خادمة فلبينية ابن مخدومتها «كويتي 6 سنوات» والشروع بقتل شقيقيه مساء امس الاول ومن ثم محاولتها الانتحار بالقاء نفسها من سطح المنزل في منطقة مبارك الكبير.

وأوضحت من خلال اعترافاتها امام مدير امن مبارك الكبير بالوكالة العميد ابراهيم الطراح ورئيس مخفر المنطقة المقدم لافي العازمي وضابط المباحث الملازم اول فواز الدويهيس فور افاقتها من غيبوبتها في السابعة من مساء امس عن السبب الرئيسي لقيامها بهذه الجريمة البشعة وهو طلب ام الطفل منها ان تستحم!

وأضافت ان الام كانت تضايقها بهذا الطلب اليومي ولما سألتها عن السبب! اجابت ان رائحتها غير طيبة.

وظهر يوم الجمعة الذي سبق ارتكاب الجريمة بيوم ذهبت مع العائلة الى البر حيث مخيم اهاليهم واقربائهم وهناك شاهدت بعض الخادمات الفلبينيات وسألتهن ان كانت زوجات مخدوميهن يطلبن منهن الاستحمام يوميا! فأجبن بلا! وقالت باعترافها انني حقدت على الام وقررت بعد هذه الاجابة قتل الطفل سالم مبررة اختيارها للقتيل انه الصغير وسهل التغلب عليه اضافة الى ان الام تعشقه كثيرا وتحبه بشكل كبير فلا بد ان اقهر قلبها على فلذة كبدها. ومساء امس الاول انتظرت حتى تأكدت من نوم الطفل فأحضرت سكينا وقمت بذبحه! وبعد خروجي من الغرفة شاهدت شقيقه عبدالله فطعنته في رقبته ثم خرجت شقيقتهما وطعنتها عدة طعنات وكانت تقاومني وبعد تأكدي من مقتلهما «لم تعرف انهما على قيد الحياة بعد اسعافهما»!

قررت الانتحار خوفا من ان يقتلني احد افراد العائلة فصعدت الى سطح المنزل فقمت بنحر نفسي بالسكين ثم القيت بنفسي ولم اتصور انني سأعيش وأمام تلك الاعترافات التي تم توثيقها تم ابلاغ وكيل النيابة والذي يفترض ان يكون قد انتقل الى المستشفى لسماع اقوال القاتلة والتحقيق رسميا معها ومما يذكر ان اربعة عسكريين كانوا يقومون بحراسة الخادمة منذ ادخالها غرفة العناية وقد قاموا بمنع احد اركان السفارة الفلبينية من الدخول عليها صباح امس كونها لم تخضع للتحقيقات في النيابة العامة.

- منقول من الجريدة -


تعليقي : متى راح نتحرك ؟؟؟؟ هذي مو قضيتي بروحي ؟ ولا قضيتج ؟ ولا قضية أختج ؟ بنت عمج ؟ لأأأأأأأأأأأ السالفة أكبر من جذي نتحتاج وقفة عدلة ... في وجه المسؤولين ......
يجب إعادة حسابات القوانين لاستقدام العمالة .

شن شروط قاسية عالخدامة إللي راح تدش الكويت .

فحوص طبية ونفسية وألا (((( يكون قد سبق لها إقامة جريمة أو جناية أو جنحة )))) طبعا إللي ما تعرفونه .......................

أن بعض الجناسي ( إللي نييب منهم الخدم ) تخير المسجون أو المسجونة بالسجن أو




العمل بالكويت وتقبض حكومتهم المعاش النص بالنص ..


وبوافق أو توافق أذا كانت خدامة أول شي راح تفتك من السجن ثاني شي راح تستفيد مردود مادي ( فلوس ) حتى لو حكومتها تاخذ نصه ...


وأحنا ندخلهم بيوتنا ونوكلهم ونشربهم ونعاملهم على إنهم ((( أوادم )))) وهم حشاكم ((( كلاب ))) وخريجات سجون ونتيجة عوايل مفككة الأبو 24 ساعة سكران والأم تروح مع فلان وعلان ... هذي النوعية إللي ترضى بنتهم تشتغل خدامة ...


ترى حتى في تلك الدول : العوايل السنعة ما يرضوووووووووووون بناتهم يشتغلون خدم حتى لو قعدوا تحت خط الفقر وماتوا من الجوووووووع .. إلا الأسر والعوايل بأردى بيئة ومفككة وتربية الشوارع .. ومخدرات وخمر .. هذول أللي يدخلون الكويت ونسلمهم أعيالنا يربونهم لنا ...

إلا ينحرونهم لنا ...

أتمنى إن نتحرك خلاص عاد .. لا تقولين القضية ما تهمني الحمدلله خدامتي زينة ما تدرين ..... هل دلال نقي كانت خدامتهم مو زينة ؟ قاعدة عندهم 5 سنين بلحظة قتلت دلال ؟

والأثيوبية صارلها سنة ونص ويقولون كانت طيبة معاهم وحيييييييييييل زينة فجأة انحرت البنت ؟؟؟؟؟؟؟؟؟؟؟؟؟؟؟؟؟

 

[كتـ زوجي ـكوته]

اعوذ بالله منهم

 

[bnt_kwt]

اول شي يعطيج العافيه قطوه على هالمواضيع المميزه
وبالنسبه لحلقه خالد عبدالجليل ما شفتها للاسف ما اقدر اتكلم فيها

ثاني شي اقولج اللوم الاول والاخير على منو لازم يكون ؟

على مكاتب الخدم اللي اهني بالكويت

بتقولين لي ليش اهما شكو

انا اقولج

لانه مكاتب الخدم اللي بالكويت لهم مكاتب ثانيه ( افرع ) بالدول اللي اييبون منهم الخدم ( الفليبين - سيلان - الهند - اثيوبيا نيبال - اندونيسيا - وغيرهم .. )

يعني يفترض انه لما خادمه اتيي اتقدم اوراقها بديرتها عشان اتيي الكويت منو يجيك عليها من الالف الى اليااااء ؟؟

مو يالله حييييييل يدخلون علينا الميانين والمجرومين

من امن العقوبه اساء الادب
هالمقوله تنقال عن الخدم نفسهم
تلقينها تسوي لها بلوه اهني بالكويت
يقطونها المخفر وبعدين السجن بعدين تتدخل سفاراتها اتطلعها
يسفرونها بجواز ثاني اتطلعه لها سفارتها تقعد لها شهرين بديرتها
اتغير الجواز بالمره يطلع لها رقم جواز يديد وتغير اسمها وعمرها وكل عله فيها
وترجع ثاني مره الكويت اشلون المكتب اللي بديرتها يعرف انها راعيه سوابق او عليها مشاكل
المفروض يبصمونها ويشوفون اذا كان عليها سوابق ولا لأ

بس اللي حاصل خلاص اذا تغيرت كل بياناتها اترد الكويت وجنه الورد وتسوي لها بلوه ثانيه وهلم جره

ماااااكو فايد ومافي حل بنظري

لالالالالا وازيدج من الشعر بيت اللي تنحاش ولا تسوي لها بلوه يبلغ عنها كفيلها
ثالي يسفرونها اداره الابعاد اهي بالكويت

ويقومون يحطون منع كفالات على الكفيل المسكين المغلوب على امره اللي لامن فلوسه اللي راحت عليه يوم ياب هالمجرمه
والمعاشات والمصاريف اللي صرفها عليها واخر شي لازم يدفع فلوس تذكرتها لاداره الابعاد عشان يقدر اييب مجرمه ثانيه

الله يكافينا شرهم ويجيرنا منهم والله يحفظنا ويحفظ عيالنا من شرور هالخدم ويسخر لنا الخيرين والطيبين منهم

 

[أم عبووووود]

مشكووورة قطوة واااايد على هالموضوع لان وااايد مهم خصوصا ان الفترة الاخيرة صار الذبح عندهم شي سهل لأن من امن العقوبة ساء الادب وانا شخصيا بالنسبة لي مواضيع الخدم حساسة حتى لو مو انا المتضررة لكن تبقى مواضيع حساسة جدا

بالنسبة لحلقة خالد العبدالجليل كانت وااايد تعور القلب والبنية ياعمري رقبتها جنها شوارع حسبي الله عليها من خادمة لو مو الله ثم اخوها فيصل ( اصلحج المعلومة عمرة 7 سنوات ) ولا جان راحت هالياهل الحمد الله ان اخواها فطين ربي يحفظه من كل شر

وانا اعتقد ان هالجرايم سببها الاساسي المكاتب الفاشلة اللي عندنا بس يبون ربح ماادي وما يفحصون الخدامات بديرتهم يعني اشذنبه سالم ربي يصبر قلب امه تذبحه الحقيرة علشان تنتقم من امه مو حرام لو انها سوية ما فكرت تذبح ياهل حسبي الله عليه

قبل الخدامة من تقولين لها بوديج المكتب تطقطق لكن الحين قوية عين وتقول يالله ودي مكتب صاروا نسر ، قبل كانوا محتاجين اكثر من الحين وبعدين هم في بعض العوايل الله يهديهم معاملتهم مو حلوة كلش مع الخدم حتى الاكل يقفلون عليه وهذا احنا بعز وخير ونعمه فيعني اسباب مختلفة بس لاحد يجمع ويقول اهل الكويت يظلمون الخدم لأن اصابع الايدج الوحدة مو نفس الشي.

ربي يحفظنا ويحفظ عيالنا من شرهم

 

[&شوارفسكيه&]

شر لا بد منه

 

[norema-sarto]

حسبي الله عليهم

ويارب ترحمه برحمتك...وتبعد عنا كل شر

وتحفظ عيالنا من شر الخدم وغيرهم

" االلهم من أرادني بسوء فأشغله في نفسه...ورد كيده في نحره
وأجعل تدبيره في تدميره....حسب الله ونعم الوكيل "

لازم نعلم عيالنا كيف يتصرفون ...والله الحافظ إنشالله