^اشصار لكم بالطياره من مواقف^

[am faisal]

مرة كنت راجعة من المانيا علاج لضهرى على الكويتية وورا كرسيى عائلة هندية مع عيالهم ازعاج وكل شوى ولدهم يشوت الكرسى على ظهرى وكان معى ولدى كبريت وعصبى يكلم الابو ويرد سورى مرة مرتين الثالثة فك الحزام وزر الابو فوق وقعد يشدخ فية ومرتة تصارخ وعيالة وهو يقول سورى سير
والمضيف يفرق واخر شى بدلو كراسينا وافتكينا منهم

 

[شقاوتي غير]

وناااااااسه صج مواقفكم تخررع بس ونااسه حسستوني معاكم بالطياره والله لايعيد المواقف الشينه يارب

تكفون لايووقف الموضوع كملووووا < عجبها الموضوع هع


خلوني اقولكم عن موقفي اول مره سافرت لسعوديه قبل 5 سنين تقريبا بالطياره السعوديه
انا واختي وولد خالي كنا قاعدين بكراسي جمب بعض بالرده وطبعا اعمرانا صغار انا بالثانويه واختي وولد خالي بالمتوسط

المهههم

اول مره انسافر وبالطريق حق عودتنا للكويت اشتقنااااااااالها خلاص اول مره اسافر ونححس بهالشعورر نبي ننرد الكويت راضين بجوها وبكل شي فيها ويحليله كان في مضيف او طاقم الطيران سعودي كل شوي جاينا نقوله متى نوصل يقول لهدرجة مشتاقين للكويت نقووول اي اي متى نووصل

وخلااص من كثر ماحنا مشتاقين قمنا نصفق ونغني عن الكويت الي هي بلادكم حلوه بس الوطن ماله مثيل وهوي طالعنا يضحك

المهم ان قلبناااااا الطياره فووق تحت قلنا االعن ابو الحياا بس والحمد الله وصلنا واستانساا وبس

 

[' #sǎrǎh . . ']

،،
هههههههههههههههههه

........... مواقفكم تضحك وهم فيهأ تخرعع

 

[حبيبي مشعل]

رووووعه مواقفكم مو صج
مادري انا يمكن حساسه حيل بس في جم وحده دمعت عيني وخانتني العبره من سالفتها تخيلت نفسي مكانها
وفي جم وحده فطست من الضحك
الله يحفظكم
ولا يوووقف

 

[اخت خالتهم]

انا ما كنت اخاف من الطيايير ..
بس ب2007 سافرت ماليزيا على الطيران السيلاني و كان الترانزيت سيلان قطيعه
الطيارة ما كان فيها شي
لما بدلنا الطيارة لي كوالالمبور
امبيييه الطيارة تخرع جنها تبي تتفجج و السقف يهتزززززززززززز اقول حق خواتي يهتز
يقولون عااادي
تخيلو بنات ما كليت شي والله والله اني ماسكه الكرسي بايدي وشاااده يمكن 4 ساعات ونص و انا على هالحال
شوي صارت مطبات هوائية عادية ما تخرع بس الطيارة قرررمبع والله من اي شي السقف يطلع صوووووت
بجيت ومن عقبها خفففففففففففففففففت
لان ما كان في مطبات بس الطيارة تخرع حتى ابوي يقول ما ارتحت

من عقبها وانا فووووووووبيا ما ابتسم و اقعد يم الدريشة عشان محد يفتحها لووووووووووول

عاد السنة اللي طافت رحنا النمسا حجزنا على الاماراتية
لما رحنا المطار كنت اول مرة احجز عليها قالولي نروح ترانزيت الامارات
بجيت هههههههههههههههههه قلت بقعد 4 ساعات عالفاضي ليش مو دايركت ساعتين روحه الامارات و ساعتين زيادة على الرحله

 

[غالي حبكـ]

ام الدرر خرعتيني من طيران الخليج انا حاجزه الصيف لاوروبا علي طيران الخليج الله يستررر اول مرا اجربهم متعوده علي الاماراتيه والكاثي

 

[حبيبه ببي]

انا لما كنت مسافره لبنان على الجزيره في وحده بويه لابسه غتره وعقال وداشداشه وتخز فيني حيل قطيعه طلع مكاني يمها جان تقول لي شلونج قلبي وتخز وتقول ياقلبي جان اررعص على هذه الحمرا ناديت المضيفه بالانجلش قلت غيروا مكاني وهذه تقولي هاتروح فين ياجميل الله يقطع بليسسها

 

[نور83]

انا موقفي ما يضحك كلش..كان فلم هندي..
كنت وقتها أدرس في بريطانيا و كانت حزة كرسمس و رادة الكويت..وكانت هالسنة هاذي أول سنة يمر على أوروبا صقيع و ثلوج هالكثر..
منطقتي كانت تبعد عن المطار بالسيارة تقريبا 3 أو 4 ساعات.. وكنت يومها مصخنة حرارتي 40..وكحة و نشلة وعوار ضرس و كل بلاوي الدنيا فيني.. و كملتها وانا طالعة من شقتي جان أتزحلق على الثلج و طحت ذيييييج الطيحة اللي حسيت روحي طلعت من مكانها..طحت على عصعصي حييييل بالقاع..
المهم ركبت التاكسي بروح المطار و مو قادرة أقعد على مؤخرتي و لا قادرة أنبطح جدام الريال.. وأتحمل بالسيارة طول الدرب بس مغطية ويهي و أبجي من التعب و الصخونة و العوار..
المهم وصلت المطار..وخلصت و ركبت الطيارة..طبعا الطيارة فل طلبة كويتين رادين الديرة..وقاعدين ننطر الطيارة تطير وانا طبعا الله العالم شنو كانت حالتي..متيبسة مو قادرة أتحرك يمين ولا يسار و الصخونة هدت حيلي.. شوي جان يقولولنا ماراح نقدر نطير لأن وايد ثلج قاعد ينزل و مغطي الجناح ولازم يذوبونه و هالشي يطول.. ولا يصير ينزلونا المطار مرة ثانية..
تخيلوا وضعي..مصخنة و مو قادرة أقعد على عصعصي و ظهري متيبس مو قادرة أتحرك و قاعدة بهالكرسي الضيق و يمي إثنين شباب الله يسامحهم من ركبنا الطيارة و هم يسولفون و يسولفون و يسولفون..مابقى سالفة ما سولفوا فيها وانا على أعصابي لأني كنت أحس بأصواتهم مثل المطرقة براسي..مسكت نفسي وااااااااااايد واااااااااايد مو شوي..
فجأة..جان أبجي..والله بجيييييييييييييت من قلب..جان الشباب يسكتون فجأة و يخزوني..استحيت والمشكلة مو قاردة أتحرك أروح الحمام ولا شي..خلاص حسيت إني إنشليت..بجيت بجية قهر والله لين دخت و نمت..
كل ما أتذكر قلبي يعورني والله..صج والله حسيت إني كنت بروحي وحيدة وما عندي أحد..​

موقفجً عور. قلبي بس الحمد الله عدت

 

[شقاوتي غير]

اب اب

 

[نور83]

جاي الضحى موقفج يخررع
انا ينطبق علي المثل اللي يقول اللي يخاف من العفريت يطلعله !!
من كثر ماخاف من الطياره اللي يقردني بمواقف وكل مره اقول والله ماصعد طياره بس من تصير سفره انا اول وحده مرتزه خخخخخخخ

هذا اول موقف خايس مر علي واللي عقدني
كنا رادين من جده وظربت علينا سرايه بالجو والطياره صارت قطار الموت والله اذكر اني حطيت راسي بحضن امي وقعدت أبجي
شالوا الوجبات بسرعه والمضيف يركض وفتحوا ليتات الطوارئ والتفت بالدريشه واشوف برق ورعد والطياره اتخضخض وتنزل وتصعد وبنت خالي التفت علينا تقولنا صلوا العشا ماتدرون نوصل ولا مانوصل تحطمت من كلمتها اكثر خخخخخخخ

والموقف الثاني
كانت الرحله من ابدع مايمكن سهاله واتينن واساسا قصيره ماكملنا الساعه لان رادين من البحرين
بس عن مدرج الهبوط مادري شصار الكابتن يبي ينزل والهوى يكفخ بالطياره لي وراااااااااا مره مرتين ثلاث اربع !!
اللي والله الناس قامت يصرخون ويتشهدون واسمع صرخه واحد يقول اللهم اجعلني في العلييين وانا ارد عليه آمييييييين من الخرعه .. تالي الحمدالله هبطنا بسلام بس بعد شلعه القلب والناس لم تطلع يقولون للمضيف خرعتونا الله يهداكم



وغير الطيران الداخلي قطع قطع قطع قطع يخرع جني راكبه باص نقل مو طياره

:krkrkr::krkrkr::krkrkr: شندوووخةً موتتنينيً من الضحك وانا ضايق خلقي

 

[شيخة الحلوة]

هههههههههههههه


انا قعدت اضحك ع بعض المواقف بصوت عالي ما قدرت امسك نفسي
ههههههههه وعيالي نايمين خخخخخخخخخخخخخ



انا موقفي انا ماااحب الاقلاع والهبوووط والله شفتو اللي يقولون قلبه طاااح ببطنه هذه انا ههههههههههه
صج صج احس الحجاب الحااجز عند مصاريني ههههههههههههه

المهم انا لو اروح العمرة بعز الصيييف لااااازم معاي شال
اي اي اي شاااال
حق الطيارة لان استبرد من الخوف هههههههههههههه

المهم مرة رايحه العمرة ولا المشكله لازم اقعد عند الدريشة واطل منها هههههههههههههههه مو خوااافه شحقه تشوفين ماادري ههههه
المهم
ياكثر قرقتي
واحنا نمشي نمشي نمشي بتقلع الطيارة ريلي يقول شووفيني لا تشوفين برا وانا اقوله لااا عادي مو خايفه هالمرة قال انزين فقصتي ايدي يا المووخايفه هههههههههههههههه
اثاريني ماسكتتتتتتتتتتتته حييييييييييييييل وموحاسه بعمري خخخخخخخخخ

وانا اقوله لالا عااااادي
واحنا بالاقلاااااع ماادري شنو صار مثل المطبة الهوائيييية القووووووووووييييييييييييييييييية الا انا قلبت نوخذة واصرخ


هووووب هووووب هوووووب
هههههههههههههههههه


والله حييييييييييل اصرخ ههههههههههه اللي قعد الريال اللي يم ريلي يضحك ماقدر يمسك نفسه وانا شووية عصبت ان ليش يضحك علي وريلي يخش ضحكته جاااان نبطها ضحك
ههههههههههههههههههههه

وانخشششش بالشال هههههههههههههههه


ومرررررررررة رادة من مصر مطبات هوائية واقعد اصرخ مع كل هزة قوية بصوت حاااد واااي واااي واااااااااي ههههههههههه

 

[كويتيه من قلب]

مواقف مضحكه ما تنسى اكييد

من سنين كنا رادين من سوريا ونركب هذيج الطياره الجانبو الكابتن فوقنا

والطياره شغاله وفي حركه وتاخير وعرفنا ان الطياره فيها خلل عاد قلوبنا زاغت ننطر يقولنا انزلوا

جان يدش معنا قبالنا اثنين مكانيكيه يا حليليهم معهم شنطه جان يقولون ما في شي بس التواير عندها خلل بسيط

تبي اللي يدخلها ويطلعها يمااه واحنا صابنا حقر بقر بس نطالع بعيونا تحسبينا تكلمنا وقلنا والله ما نطير لا والله

ساكتين0 والمهم تطير الطياره وهذولا طاروا معنا يا حليلهم هم اللي ارفعوا التواير وهم اللي نزولوها بايدينهم

والله مفروض شاكيين عليهم الطياره فيها يمكن مئتين مسافر كبيره وغامروا بارواح الناس ويقولون عادي

واحنا طوول الرحله نطالعهم ما نبيهم يروحون اي مكان عشان التواير منو يطلعها الا هم

والله ستر علينا والحمدلله وصلنا لديرتنا سالمين

 

[غلاي 89]

مواآآآآآآآآآآآآآآقفكم عجيبة ههههههههههههههههه
بس ريحة المشروب الخايس حسبي الله عليهم صج تغث وتلوع الجبد شلون يتحملونه اصلا ويخلون الواحد ما يرتاح طول الرحلة :eh_s(14):
وسالفة الترفس بالكرسي تنرررررفز :eh_s(4):

 

[Aloolah]

عيل سمعوا سالفتي و ضحكوا طبعا انا فلم هندي

كنا رادين انا و اختي و الصغيره من فرنسا لان ابوي و امي بالعلاج و احنا ورانا دوامات
المهم بما ان انا و اختي اضغر من ١٨ فلازم واااحد من الموظقين يودينا و جذي
طبعا كانت الرحله ترانزيت و انا طوووول الوقت بجي و اشاهق و اختي عااادي عندها المهم كان وراي فرنسي قاعد و يسولف و يا عمره عاد انا اشم هالزحييير الي عندي و اسمعه و ابجي بروحي هاده ابوي مريض المهم عدت الرحله على خير خذاني موظف من المطار كويتي حق الجناط و انا امشي وراه و بجي و اهو يلا امشي بسرعه و انا طبعا متنرفزه و هذا زودها و قومي عاندي و اقوله يعني شتبيني اطيرو الله بس يزف و هو ينافخ و معصب لانه شال الجناط و طبعا ما شالله ما خليت شي ما شريته و اخر شي قالي كسرتني ظهري يا الدعله

 

[بنك بااستا]

متاابعه

 

[miss alsh]

مواقفككم تهبل XD


أنا أذكر مره و احنا رادين من جده كان ويانا واحد كويتي ويا مرته و عياله
تخيلوا معاي من جده لي الكويت تقريباً ساعتين
يعني إذا أكلتي أي شي بتنسد نفسج لين توصلين
أول ما طارت الطيارةة وزعوا الوجبات و أكلنا الحمد الله و شبعنا و انسدت نفسنا
جان يقول الكويتي حق المضيفه ابي ببسي حقه و حق عياله
شوي جان يطلعون عياله بطاط و يقعدون ياكلون o.o
تخيلوا ما مرت نص ساعه ع الغداء اللي أكلناه
جان يطلع الابو حب و يقعد ياكل و يا مرته
جان يقول واحد من عيالهم يبا أبي حليب
جان تطلع المره عصير و تقعد تشرب ويا عيالها
و كل شوي منادين المضيفه يبون أكل
و صراخ و أغاني و يتهاوشون و يسولفون
كل الطياره تنرفزوا منهم
* تخيلوا وياي اللويه اللي صارت : قراطيس مقطوطه ، قشور الحب بالقاع ، بقايا بلاويهم بكل صوب ... الخ *

يعني ما شااء الله أنا مو حاسدتهم بس راعوا شعور الناس لوعتوا چبدنا
و المضيفين متنرفزين منهم
و فوق كل هذا لمن بغينا نهبط ولدهم ما كان رابط الحزام و بالهبوط طار من كرسيه بغى يطيح جان يخمطه المضيف و يقعد يزفه < ما ينلام

صراحةة الله لا يبلاكم بناس چذي :/

 

[&موناليزا&]

في موقفين صاروا لي بالطياره ما أنساهم أبداااااااا

موقف فيهم كنت مسافره بروحي والمشكله رحله ترانزيت وطويله

صج بعض الناس ينطبق عليهم مثل :

اللي مايعرفك مايثمنك

 

[حبيبه ببي]

اب اب