اشرايكم يا بنات نفيد ونستفيد من خبرات بعض

[bnt_kwt]

الله يسلمج من الشر

 

[Cacawa]

خوش موضوع

انا بالاول رحت طيبة كلينك وعطوني حبوب وابر تنشيط ما اذكر والله بجم كانت بس حالتي النفسية تغيرت وايد وصار فيني وسواس مو طبيعي

عقبها حولت حق ماجدة اليتامى وانا كنت قاعده بقاعة الانتظار سبحان الله حسيت بضيق مو طبيعي وحتى عقب ماشفت الدكتورة قالت راح اسويلج اشعة الصبغة واسالتني اذا ابيها بتخدير وبلابدون تخدير انا خفت زيادة لاني ماكنت ادري اشلون طريقة الاشعة وقلت لها مع تخدير وبس من رديت البيت دقيت على عيادة الدكتورة وقلت لها ماراح اسوي الاشعة

وبعدين الله يسلمكم رحت حق مستشفى الاحمدي وقال الدكتور ان لازم نسوي اشعة الصبغة وتوكلت على الله وسويتها تعبت شوي بس الحمدالله عدت على خير

وعقبها شفت ان مامنهم فايده رحت حق الدكتورة امل عبدالعزيز الله يجزاها خير سوتي كل شي عطتني بالاول حبوب كلوميد وعقبها سوت لي التلقيح الصناعي بـ60 40 حقها و20 كان حق غسيل الحيوانات المنوية بمستشفى الهادي سويت التلقيح مرتين وما الله كتب ان يصير شي ومن هني اكتشفت ان المشكلة بريلي ووصتنا على دكتور خليل العوضي والحمدالله كان شي بسيط وتعالج منه وعقبها حملت لى الشهر الثالث ومات اليهال ما الله كتب

الحمدالله على كل حال

 

[bnt_kwt]

الله يعوضج خير يارب
ويرزقج ويرزقنا

والله لا يضيع تعبنا يا كاكاوه

ومشكوره وايد عالمشاركه حبيبتي

 

[فرحه عمر]

هلا خواتي بصراحه موضوع رووووووووعه
و المثل يقول من شايف مصايب الناس هانت عليه مصيبته
انا قصتي قصه مع الدكاتره بس مدام مو هذا موضوعنا
انا سويت حقن مجهري بالهادي العمليه تتراوح مابين 900 الى 1200 مع العلاج بس انا دايما ازيد تحسبا لاي ظرف و فعلا استدعى يزيد العلاج فكلفتني 1500 و دفعت 25 لليله اضافيه بالمستشفى لان صار معاي نزيف بالعمليه الاولى ( العمليه عباره عن مرحلتين الاولى بنج عام و الثانيه ماتحتاج بنج
) و اطلب انه يتابع حالتي و بس و الحمدلله الله رزقني بنوته شييييييييييطانه

 

[bnt_kwt]

الله يخلي لج بنتج

وماشالله العمليه مو مكلفه بالهادي

 

[nice-girl]

مشكورين وايد على الموضوع انا بصراجة سويت اطفال انابيب عند باتريك 1500 من غير الادوية الحمدالله الله ماضيعلي تعب ويبت بنوته وسويت مرة ثانية عند دحازم الرميح نص العلاج قالي اني مومستجابة معاه بالعلاج وقف العلاج نزلت الدورة كلفني 750 بس على دفعات بما ان ماكمل العلاج مادفعت المبلغ كامل وانا الحين عند دعماد غزاوي انشالله الله يكتب لي ويرزفني الذرية الصالحة ويرزق كل محرومة وهو طالب فلوس الغملية اطفال انابيب 1300 طبعا من غير ادوية ومراجعات الله كريم ادعولي

 

[bnt_kwt]

حبيبتي الله يخليلج بنوتتج
والله يرزقج باخوان لها يارب

والله لا يضيع تعبج

 

[ام الكتكوته]

مشكوره اختي بنت الكوين على موضوعج الحلو

انا اور شي رحت حق نجمه الي بالسلام

سوت لي كل التحاليل وقالت لي الحمد لله كل شي سليم

وبعدين رحت عند ليلى ابو الليل بانترناشيونال كلينك

وشافت التحاليل وقالت لي الحمد لله كل شي سليم

وسوت لي اشعه بالصبغه كلفتي 60 دينار

والحمد لله قالت لي كل شي طبيعي بعد

وبعدين صار فيني نزيف اثر التهابات الاشعه بالصبغه

وخذت مني هم 60 دينار تقريبا بين ادويه وسونار داخلي

والله انها حيييييييييييييييييييييييل نهيبه

اقل مراجعه 30 دينار من غير كلام على طول

سونار 15 وكشف 15

وغير الادويه

وبعد ما نزفت بصراحه كرهتها على كثر ما سويت متابعة تبويض

وكلوميد وانا ما احتاج كلوميد

لان الحمد لله التبويض طبيعي عندي

ومتابعة التبةيض عندها 40 دينار

وقطيت فلوس لما قلت بس

وبعدين الحين قمت ما اروح حق احد

ولا اراجع عند احد

اقول خليها على الله التاخير من الله

لان كل ما اروح مكان يقولون لي ما فيج شي

والحمد لله على كل حال

 

[ام فوفو]

نايت

الله يخليلج بنوتج يارب
ويرزقج تووم اولاد ويفرح قلببج فيهم وتنجع العمليه هالمره


حور الجوري

انصحج توروحين حق دكتوره دعااااااااااااااااااااااااء عجييييييييييبه الي بالسلام
ماشاء الله عليها انا اراجع عندها
وتصدقييييين بس تاخذ منج على الدخله 10 وسونار 10 وبعدييييييييييين طوول الشهر السونار من غير فلوس
والدخله تصير 7 يعني طول الشهر مع الزيارات والادويه ماي 50 ديييييينار
ورفيجتي سوت عندها تلقيح صناعي لان زوجها عنده مشكله ماشاء الله تبارك الله من اول شهر حملت

الله يرزقنا يارب ويفرح قلوبنه

 

[فطوم حيص بيص]

سلالالالالالالالالالام قوه حبيبتي انا اول شي اخذت حبوب وما نفعت معاي بدار الشفااا ما اذكر كم كلفت والله وثاني مره رحت عند نجيبه القطان عطتني ابر تنشيط كلوووميد وما كتب لي الله احمد واسفه والله ما اذكر كم كلفتني والله يرزقني ويرزق كل محرووومه يارب

 

[bnt_kwt]

حبيبتي الله يسهل عليج q8ya1986 وانشالله ما يضيع تعبتج اللهم امين

 

[ام فوفو]

الله يرزقج يارب ويفرح قلبج