اشرايكم يا بنات نفيد ونستفيد من خبرات بعض

[bnt_kwt]

يعطيكم العافيه يابنات
وين الباجي نبي تفاااعل

 

[غادةالكاميليا]

انا العام طرحت بشهر 8 فقالي الدكتور اني احتاج للتنظيفات وتكلفتها 300 دينار ( دار الشفا)
انا من راي ان علاج حالات العقم وتاخر الانجاب في مستشفى الصباح افظل وايد
مافي داعي للخساير واحنا عندنا افظل الاطباء واحسن الكوادر الطبية باستثناء الولادة افظلها بالخاص لوجود الكمام اثناء الولادة

 

[bnt_kwt]

انا العام طرحت بشهر 8 فقالي الدكتور اني احتاج للتنظيفات وتكلفتها 300 دينار ( دار الشفا)
انا من راي ان علاج حالات العقم وتاخر الانجاب في مستشفى الصباح افظل وايد
مافي داعي للخساير واحنا عندنا افظل الاطباء واحسن الكوادر الطبية باستثناء الولادة افظلها بالخاص لوجود الكمام اثناء الولادة

طبعا افضل اختي بس اللي انتي ما تعرفينه انه عمليات اطفال الانابيب بالصباح لازم تنطرين فيها دور لمده 5 او 4 سنين !! تخيلي

بالنسبه لكم انتوا اللي ما فيكم الا العافيه الصباح زينين بس لنا احنا اللي ما بقا شي ما سويناه علشان ريحه الضنا كلش مو زينين بكل شي مواعيدهم بعيده وتعل القلب
واهما شيهمهم فينا اللي ايده بالماي الحار غير عن اللي ايده بالماي البارد وحملنا ولا ما حملنا مو مهم عندهم

 

[++The DuchesS++]

هلا غفران ما سويتي شي بعياده خاصه كلش
اذا كنتي مسويه حطي لنا التكاليف كلها ولا عليج امر

كنت اعالج عند د.امل عبد العزيز
واسعارها مناسبه مو غاليه وايد
يعني السونار ب15 والمراجعه ب10
يعني بالشهر سونار وابر ومراجعات تقريبا 60 الى 70 دينار
وسويت اشعه صبغه بالهادي بدون بنج ب60 دينار
وسويت كماان تلقيح بطيبه كلينك بس طبعا د.امل اهي اللي سوته
كلفني 60 دينار بس سوته يوم واحد بس
مع اني كنت ابيها تسويلي اليوم الثاني بس مارضت
مع انه المفروض يومين ورا بعض
يعني تميت مع د. امل تقريبا 3سنوات بس متقطعه
وبعدين لمن تعبت من المصاريف توكلت على الله ورحت حق الصباح
قسم طفل الانابيب

 

[طم طم]

والله عالجت بكل مكان لك الحمد كلهم مافى نتيجه منهم بس الأسعار مدرى والله عنها ناسيه مو ذاكره الحين مالى غير ربى يرزقنى من عنده دعواتكم لى بس والحمد الله والشكر على كل حال :eh_s(2):

 

[bnt_kwt]

وين الباجي نبي تفاااااااعل

 

[bnt_kwt]

غفران الله يعوض عليج حبيبتي


طم طم الله يرزقج ويرزقنا انشالله


ومو حسافه على الفلوس لانه الفلوس تروح وترد
بس الظنا وينه ؟؟

كل شي يهون جداااام شوفه الياهل بالحضن وكل شي يتعوض

 

[Q8tya_GirL]

بنت الكويت/ اهلين حبيبتي وسورى على التاخير بالرد..اى اللي سوالى اياه باتريك اهوه احسن واحد بالمستشفى

 

[أغصان]

انا سويت عمليتين انابيب في مستشفى العرف عند الدكتور منصور الصليلي
وتكلفة العمليه الانابيب الاولى 1500 دينار ومن ضمنها عملية ازالة كيس على المبيض سعرها 180 دينار مع البنج
والعمليه الثانيه اقل من الاولى بـ 100 دينار خصم مع التكرار عند نفس الدكتور
وكل مراجعه لي عنده لازم سونار فياخذون على المراجعه سعر السونار بس اللي اهو 20 دينار

 

[bnt_kwt]

طير الحب

hmama

نويره مشكورين حياتي على الردود والله يعطيكم كل ما تتمنونه
ويرزقنا ويرزق كل محرومه الذريه الصالحه

 

[$غــ(ز)ــل$]

الله يرزقني ويرزقكم الذريه الصالحه عاجلا غير آجل ويعوووضنا خير
وان شاااءالله كل وحده تبشرنا بحملها بالقريب العاجل

اناولله الحمد ماعندي مشكله بس صار عندي كذا مره لخبطه بالهرمونات لما زاد وزني(طبعا هالكلام من زمان لان صارلي سنه محلله حق كل شي يعني الله يستر الحين شنو فيني وخاصه ان وزني زاد)

المشكله من وزجي الله يشفيه يااارب
واستخدم علاج شعبي انواع واشكال ماكو فايده والحين يستخدم فيتامنيات وحبوب
وللحين ماحلل

وأبي أطلب منكم طلب حبايبي
ادعوا ان الله يشفي زوجي حبيبي ويعوض صبرنا خير ويرزقنا بتوأم معافين عاجلا غير أجل

 

[bnt_kwt]

شيام الله يرزقج ويرزقنا ويشفي زوجج وكل مريض

 

[bnt_kwt]

حمامه اهني بس عن العيادات الخاصه
انشالله اذا حابه تنقلين تجربتج عن العدان نزلي موضوع بروحه احسن
عشان لا يتشتت الموضوع

 

[أم بتول]

أنا كنت أراجع عند دكتورة اتخرع
و الحين بغيرها بس محتارة
بين
ليلى أشكناني و فوزية القطان
و إذا بغبتوا اتعرفون حالتي ضغطوا على الوصلة
http://q8yat.net/showthread.php?t=104077

 

[Queen-q8]

بنات انا بسأل انا دكتورتي قالت لي بأسويلج منظار رحمي ومنظار بطني الأثنين عشان اذا في التصاقات والا شيء وطلع الموضوع ب 600 وبنج وفتحات بالبطن هونت بصراحة خوف وبنفس الوقت مابي العب بعمري ازود من الحين

بس انا عندي موعود اليوم وتقول احتمال اسويلج اشعة الصبغة بس بغيت اعرف اشعة الصبغة تطلع اذا الرحم فيه التصاقات والا بس الانابيب واذا كان فيه التصاقات تشيلهم والا بس تكشف ياليت تعلموني


ثانيا

عملية التلقيح الصناعي ليش متفاوتة اسعارها يعني ناس 80 وناس 400 وناس 700 العملية وحدة والتفاوت كبير ياليت توضح اللي سوتها ب 80 شنو سوولها بالضبط والا ب 700 شنو سوولها عشان خذوا هالمبلغ ؟؟؟

 

[bnt_kwt]

هلا غالي الاثمان بخصوص اشعه الصبغه اتوقع حق الانابيب تبين اذا فيهم انسداد ولا لأ

وبالنسبه حق فتح الانابيت اتوقع بالمنظار ينفتحون


وبالنسبه حق الاسعار حبيبتي ما تدرين انه بكل شي صار تجاره
واكثر دكاتره بالكويت يربحون دكاتره امراض النسا

400 و700 اتوقع مستشفى لندن شغلهم كله غالي جنه كل الكويتيين مليونييريه
خلف الله ما يدرون على وعالمعاش

بس ماشاء الله تبارك الرحمن شغلهم حلو وزين ومشالله حالات نجاح عمليات اطفال الانابيب والحن والتلقيح عندهم نسبهم مرتفعه مقارنه بالاماكن الثانيه

ووحده من اهلنا توها مسويه طفل الانبوب عندهم برمضان
والحين اهي حامل الله يتمم عليها ويثبت جنينها

ويرزقنا اللهم امين

 

[bnt_kwt]

للرفع
للرفع
للرفع

الموضوع مفيد ترا مادري ليش مافي تجاوب من البنات

 

[ام فوفو]

انا الو بدايتي مع عاليه الفضلي تندمت قد شعر راسي لانها اانسانه تجاريه درجه اولى

وغير النطره وغير انها ماتشوفينها الا 5 دقااايق

اسعارها ناااااااااااااااااااااااااااااااااااااااااااااااااااااااااااااااااااااااااار وتعطييييييييييييج علاجات او تحاليل مو مطلوووبه وزياده

بس لمه رحت حق دكتوره دعاء بالسلام فرق فرق فرق كبيييييييييييييييييييير بالاسعاااااااااااااار صراحه بلاش

والحمدلله تاخذ على اول سونار بس 10 والباجي بس تاخذ سعر الدخووووول من 10 الى 7 دنانير
وطبعا ا الدويه من الصيدليه نفس الاسعار ماتفرق واااايد

والحلوفيها تبدي خطوه خطوه

عاليه بدت معاي ب10 ابر وكلوميييييييييييييييييييييييييييييييييييد تخيلوااااا

بس دعاء بدت من حبتين كلوميد فقط الى وصلت الى 4 ابر والحمدلله التبويض زيين عندي وتعدل عن اول
بس مالله رزقني الحمل وهي الحين طالبه اشعة صبغه والله يعينه يارب ويرزقنه الحمل اقريييب

 

[bnt_kwt]

مشكوره ام فوفو على افادتج لنا
والله يرزقج ويرزقنا

 

[ام فوفو]

تسلمين ياقلبي يابنت الكويت