اشرايكم نظام أمريكي أوبريطاني؟؟؟؟

[سمبوسه2]

خواتي أبي مساعدتكم أشرايكم أيهم أفضل أدخل ولدي نظام أمريكي أو بريطاني ؟الصراحة هو مايحب يدرس ألحين هو بيروح gr2 في مدرسة ثنائية اللغه الصراحه وايد يعطونهم مواد رياضيات عربي وانجليزي محتارة وين أوديه وشنو الاحسن؟أبي مساعدتكم

 

[توتا وحب الكويت]

[
QUOTE=سمبوسه2;11513222]خواتي أبي مساعدتكم أشرايكم أيهم أفضل أدخل ولدي نظام أمريكي أو بريطاني ؟الصراحة هو مايحب يدرس ألحين هو بيروح gr2 في مدرسة ثنائية اللغه الصراحه وايد يعطونهم مواد رياضيات عربي وانجليزي محتارة وين أوديه وشنو الاحسن؟أبي مساعدتكم[/QUOTE]

اختى العزيزه
النظام الامريكي سهل وسلس
اما البريطاني قوي جدا وصارم والدراسة يعني دراسة ونظام وكل شي سيده
الله يحفظنا



بالنسبة لولدج عفوا اختي مافي شي اسمه ما يبي ولا ما له خلق يدرس او بالاصح مايحب الدراسة هم عيالنا الله يصلحهم ما يهمهم الا الطلعه والوناسه بس انشاء الله يخلينا لعيالنا نوجهم واحنا نسوي اللي علينا
انتي بعدين خاولي تحببينه بالدراسة على كثر ما تقدرين لانه هو الحين بالبداية
طيب اختى يمكن العيب في المدرسة هو في مدرسة شسمها مدرسته
وترى احسن له المواد الوايده هو
الله يوفقكم انشاء الله

 

[mr000]

أختي النظام البريطاني تأسيسهم قوي وفي ناس وايد تودي الياهل بالبدايه نظام بريطاني تالي ينقلونه نظام أمريكي بعد الصف ال6 لأنه غريد7 يعتبر ثانويه والأمتحانات أتييهم من بريطانيا وتتصلح هناك وماتنفع لادرجات شفوي ولاوسيله بس النظام الأمريكي فيه مرونه أكثر يعني ألحين ولدي بالمتوسط أسبوعيا عندهم اختبارات ولازم كل شهر يطلبون بروجكت أو وسيله أو ريبورت فتتيمع الدرجات يعني مو على الله وعلى أختبار آخر الشهر! وبعدين أختي عوديه عالدراسه لحد يقولج المدارس الخاصه مايبيلها دراسه سواء أمريكي وألا أنجليزي ومن ألحين عوديه يقرا قصص كل ليله ثلث ساعه وزيدي المده لما يروح الأبتدائي لي نص ساعه بس يقرا مو يطالع الصور بس ولازم يبيله متابعه ومجابل بالأبتدائي علشان يتأسس عدل تالي يعتمد على نفسه بالمتوسط!! وأهم شي تودينه مدرسه زينه قديمه وقويه سألي كثر ماتقدرين عن المدرسه قبل لاتنقلينه لها!!

 

[mr000]

وخل أقولج شي أختي عن تجربه آنا ماأدري ولدج بأي مدرسه بس ترى المدارس الثنائيه ماتطلع الياهل قوي بالأنجليزي راح تشوفينه تالي لغته موقويه ومونفس اليهال اللي دارسين بمدارس أجنبيه فقط تالي لما تصعب المناهج بالمتوسط يصير صعب عليه أنه يفهم الدروس عدل ويحفظ كميه من المعلومات ألا أذا أنتي ناويه تخلينه يكمل بثنائيه لما يتخرج! يعني فاهمه قصدي لاتخلينه يطول بالثنائيه لي نهاية الأبتدائي تالي تنقلينه أمريكيه أو بريطانيه لازم تقررين من ألحين يايظل بثنائيه على طول أو طلعيه من ألحين ووديه أجنبيه وخليه يستمر فيها!!

 

[سمبوسه2]

مشكوره اختي mr000

 

[LuLiTa]

البريطانية تأسيسهم قوي ويعلمونه يعتمد على نفسه بالدراسه ,,, الامريكي يعلمونهم بالقفشه مثل الحكومة ,, بس الاثنين مستواهم بالانجليزي اقوى من الثنائية ,,, بس عيبهم انه العربيه و الاسلامية يكونون ضعاف و يا دووب يعرفون يقرون ,,, و مستوى الرياضيات يكون اضعف من الحكومة خصوصا البريطانية ,,,,و بصراحة ما اعرف مستوى الرياضيات في الثنائية