اشرايكم شنو الأفضل ولادة طبيعية و لا قيصرية ؟؟؟

[SweeTa_4ever]

اولللللللللللللللللللله اسمحي لي ... هذي مو قيصرية هذي عذاب ... اشدعوه!!!!!!!!!!

ابرة الظهر فعلا ما تنفع حق كل احد ... انا رحت للطبيب قبل العملية وطلبت منه يفحص ظهري ... وممكن تطلبين دكتور معين ... يعني لما ييت اولد دكتورتي اموصيتني اختار واحد من 3 حق التخدير ... ومو احد غيرهم .. لما ياني دكتور ثاني طلبت واحدة من الثلاثة اللي قالت لي عنهم الدكتورة ... والحمدلله خذيت ابرة الظهر حق القيصرية وما صار بالليل الا قلت لهم شيلوها وكل شي بخير

ثانيا القيصرية ... اول مرة سويتها كانت طوارئ فتخدير عام ... اول ما صحصحت .. قوموني من الفراش .. ويمشوني كل يوم مرتين ... مادري منو اللي مقعدينها بالفراش 4 ايام!!!! وهالمرة مع ابرة الظهر قلت لهم يشيلونها هم علشان اقدر اقوم امشي ...

العوار: اهيا صج ... اقول حق اللي ما جربوا القيصرية انتوا تتعورون بعدين تولدون ... احنا نولد بعدين نتعور ... بس هم أجر اول 5 ايام صعبين شوية .. الحركة والالم ... بس بعدين يخف كل شي ... والجرح الحمدلله مع الخياطة التجميلية ما يبين ... خط ضعيف ... رابع يوم من العملية الدكتورة قالت لي شيلي البلاستر وماكو الا العافية .. ما ياخذ وايد على ما يبرا ...

وكلها شهرين واتردين النادي تلعبين رياضة بعد مو بس حركة عادية ...

وغصبا عليج وانتي بكرامة يودونج الحمام وانتي بكرامة اول يوم ... مو يخلونج 5 ايام ...

واهم ميزة شنو؟؟؟ ماكو شي يتبهدل من تحت ههههههههه ... لا اتقولين تتوسعين ولا بطيخ

انا ما اشجعج على القيصرية ... كلها كتبة رب العالمين ... بس السالفة مو نفس ما الاخت قالت عنها ... جان ولا واحدة رضت يسوون لها قيصرية ...

حاولي تولدين طبيعي تراها نعمة من رب العالمين

انا مع اختيي اشدعوه هالمبااالغه اصلن اول يوم من العمليه بليل يشيلون البربيش ومشووونج واتروحين الحمام والعوار 4 الى 5 ايام والحين كلهم شطار في التخدير

اذا الله كتبلج طبيعي الله يسهل عليييج حبيبتي

 

[love love]

طبيعي افضل والقيصريه بسسسسس اذا دكتورج قالج لازم قيصريه

 

[مراسي الحب]

شيهريو مادري كتبت اسمج صح ولا لأ ههههه ... والله الاوادم اتفلم ... بس يمكن خبرها بالقيصرية قديم أيام الجرح اللي طول البطن ... الحين اتسوين العملية وانتي قاعدة وما تاخذ 45 دقيقة الا انتي خالصة

طيبة كلينك يخرعون بصراحة ... ما اتطمن لهم ...

 

[tota kim]

طبعا الطبيعي احسن ابواايد

 

[}{نرجسيهـ}{]

الله يسهل على كل حامل

 

[تركوازية]

واااااي لا اشلون الحين المشكله انه بالطبيعي لما تتعسرين تخافين على صحه الجنين هذي مشكلتي بس بالقيصريه انتي باذن الله بتحافظين عليه و ما تحاتين يصيرله شي ...

 

[دلوعة بنتي]

اكيد مايبيله .. الطبيعي احسن حبيبتي.. في ناس تتمنى تولد طبيعي وماتقدر فانتي شيلي من بالج فكرة القيصري وخلي كل شي بيد ربج وطبيعي والله يسهل

 

[ترووفه]

حبيبتي

ماافي اي وحده تبي ولادة قيصريه ويفتحون بطنها

الافضل ولاده طبيعيه

 

[تركوازية]

مشكورين

 

[انا والجرح]

حبيبتي وكلي امرج لربج وصدقيني الطبيعي اكيد احسن القيصريه تعب حيل مو اشويه والله يهون عليج

 

[اسيرة زوجها]

لا الطبيعي واقري سورة الزلزله اين تطلقين اخر طلقه وربي سهالات وبتولدين وبتطلعين الجناح وانتي تضحكين وربيي مافي شي يسهل والولاده الا ذكر ربي انا كنت اقرها ولما تعبت كنت اختي تقراها على بطني ولما حما الطلق معاي وانا بجريه كنت اغمض عيوني واصرخ وادوخ واشوف بياض واسمع صوت مثل همس يقولي ان الله مع الصابرين لدرجه اني كنت احتسب الاجر بالولاده لله وحسيت بوناسه معمري حسيتها حسيت ان رب العالمين معاي وكانت ولادتي سهاله من ربي والحمدلله اللي يسر لي ولادتي وعسى الله يسر عليج ولادتج وتفائلي بالخير

 

[نبضة]

اختي أقل مافيها الطبيعي تتعافين منها بسرعة .. والقيصرية تاخذ وقت أطول !!

 

[Om _ Almona]

ما اكو أحين من الولادة الطبيعية

الله يهون عليج وتولدين بالسلامه يارب ويرزقج بالضنى الصالح يارب

 

[أحلى عقربة]

اهو على حسب وضعج انا ماكان في بالي أسوي قيصرية ويوم قالولي قيصرية قمت أبجي ... بس عقب الولادة الحمدالله ماعانيت بس العوار كان خفيف لان كنت اخذ مسكن وبعدين احس ان منطقة الخياط بالطبيعي واي حساسة صعب اتحمل الخياط فيهاااا ...

والحين انا طالبة قيصرية من الدكتور وقلته ما بولد طبيعي ...

الله يسهل على الجميع ...

 

[eng.q8]

الطبيعي والله يسهل عليييج

 

[opera]

الطبيعي احسن ولو اني ماجربته

انا ولدت قيصريه .. ظليت اسبوعين عوار وماقدر اتحرك والجرح كان يحرني وااايد والتهب علي بعد ورحت المستشفى و فتحوه مره ثانيه وسولوه تنظيف ... وااااي عذاب

ماكنت اقدر امشي عدل ولا اكح ولا كنت اقدر اضحك :\


ودي المره اليايه اولد طبيعي

 

[wafa82]

حبيبتي انا ولدت قيصريه واتمنى اولد طبيعي المره اليايه لاني تاذيت وايد بالقيصريه بس طبع الانسان دايما يبي اللي ما يحصله بس القيصيريه تعب جربي الطبيعي مع ابره الظهر اكيد احسن بوايد والله يهون عليج ياااارب

 

[shai5at_elbanat]

السلام عليكم
انا والده قيصري 4 مرات والحمدلله
حبيبتي لا تاخذين بتجربه احد راح اتخافين خليج بنفسج وعلى اللي يقوله الدكتور لان في ساعات القيصريه تكون احسن من الطبيعي وخصوصا اذا كان الحوض صغير اذا ولدتي طبيعي راح يصير معاج انفجار بالرحم نفس اللي كان راخ يصير معاي
المهم السهاله من الله اولا وعلى شطاره الدكتور
انا كل ولاداتي ما تأذيت اول يوم ولاده اكون شبهه مخدره ما ادري عن شي وثاني يوم يشيلون كل شي مني من بربيش من مغذي واقوم امشي واروح الحمام وما اقول ان مافيني الم لا فيني بس بسيط يعني اقدر اتجمله حتى السستر تقوللي تبين بنج اقولها لا مابي والخياط حده نظيف ومايبين جنه شمخ وما يبين واروح الحمام وانتي بكرامه وكل شي طبيعي والحين انا والده صارلي 6 شهور والحمدلله العب رياضه ومعده بعد وحتى كان عندنا عرس وانا توني بالثالث وقمت رقصت حتى امي تزفني تقوللي لا يحسدونج
سوري ادري طولت عليج بس حبيت اقولج تجربتي بس من مميزات القيصريه انج تنظفين بسرعه وما تحاتين لهوم ولا نفاس

 

[دوهتري]

رفع

 

[زهرة الزهور]

اذا جربتي الطبيعي وقدرتي عليه كملي عليه احسن لك ولصحتك والولادة التانية ان شاء الله بتكون اسهل من الاولى
بس اذا حالتك ضروري قيصرية ترى القيصرية سهلة مو متل ما يقولون ايه صدج عوار اول 3 ايام بس انا اطلع من المستشفى 4 يوم امشي عادي كان شي لم يكن والحمد لله
الله يسهل عالجميع