هونج كونج بصراحة احلى دولة زرتها ،،
اذا ودج بمكان عائلي فهي مناسبة جدا للعايلة ,, لكن المعيشة فيها غالية نوعا ما
يعني اذا تدورين الرخص فما انصحج فيها لانج ما بتستمتعين
بصراحة اول ما فكرت اروحها الكل قالي اسبوع وايد عليها
لكن لما زرتها تمنيت اني حجزت سفرتي كلها فيها و ما رحت تايلاند
لكن احلى شي فيها انها مزيج بين الشرق و الغرب ..
يعني الترتيب و النظام فيها ممتاز كأنج ف دولة اوروبية
الشي الوحيد اللي مو حلو ،، الاكل صعب تلاقين مطاعم حلال
لكن فيها منطقة اسلامية و فيها مطاعم هندية و مسجد كبييييير ماشالله
المشي فيها احلى متعه حتى اليهال استانسوا ،، لانها آمنة من حيث نظام السير و الحركة
و فيها مثل ما قالولج البنيات : ديزني ، اوشين بارك ، مدام توسو (متحف الشمع)
عرض الليزر و افنيو اوف ستارز ، و المراكز التجارية و الاوت لت
و لا يطوفج الفيري و التليفريك جربيهم
و رحلة سعيدة ان شاء الله
