اشرايكم برياض الاطفال نظام حكومي؟؟؟

[توت عنكبوت]

انا عيالي كلهم خاص \

لا للحكومة تعب وقومة الصبح عالفاضي رقص وغناوي

 

[mrs_sugar]

انا خبري بروضة الحكومة من 2003

كانت دون المستوى

الحين عيالي بخاص و الروضة كانت روعة

بس الحين وايد يمدحون روضات الحكومة يقولون تغيرت المناهج و صاروا اليهال يستفيدون

بجرب السنة الجاية ببنتي بدخلها حكومة و اشوف

اذا ما عجبني الوضع برجعها الخاص مع خواتها

 

[هبسا]

عزيزتي كيف حالج مع احترامي للجميع
إلي قالج عن الحكومه موشي وخصوصا عتبي على مدرسات الرياض إلي علقو هذا يدل على انهم هم ما يدرسون ولا يعطون شي
عزيزتي بالعكس ولله الحمد ترى رياضنا من الرياض المعترف فيها عالميا ويريت أحصلج على الإحصائيه
وبعدين ترى والله كله يرجع على ضمير المعلمة تعالي شوفي معلمة تتعب وتعطي بإخلاص ومعلمه مالها خلق نفسها الله يسامحه
عزيزتي ان يييتي حفظ قرآن أعداد كلمات ترى حتى مسميات الأعداد علمناها لعيالنا في الروضة
حبي صلي صلاة استخارة وشوفي ربي شسخرج له
تمنياتي لك ولأولادك بالتوفيق​

 

[Miss_Tiger79]

انا الي اشوفه انه الحكومة ما تنفع عيالنا بهالوقت لانه مافي نفس ذاك الاهتمام والاهتمام بتعليم الطفل بالخاص
اذا ريلج معارض الخاص على الاقل قوليله بس الروضه وبعدين اوديهم حكومة بس على الاقل تأسيسهم يكون زين

واختي هبسا ابيج تقعدين اثنين من اليهال شوفي الي بالحكومة وشوفي الي بالخاص راح تعرفين الفرق

 

[برونزية رشيقة]

يالله تحيييييييهم

انا ابـــــــله رووووضه بس مو حكومه خاصه .. والله نعلمهم كل شي دعاء ويحفظون قرأن وواجبات نعطيهم
وحصص في بعد ندرسهم ونعلمهم .يعني ما شا ءالله كانهم بلابتدائي نعلمهم كل شي
واداب الطعام قبل الاكل وش يقول وبعده وش يقول؟

بس عن روضه الحكومه ما ادري والله ..

بأي روضة إدرسين ؟؟؟؟؟؟

 

[برونزية رشيقة]

أم دودو شيكي الخاص

 

[llooyy]

واللة بصراحة الحكومة حرام يداومون ما تسوى عليهم أنا عيالي روضة خاصة والحين بالابتدائ مدرسة خاصة (فجر الصبا ح )بصراحة مستوى المدرسة ممتااااااااااااازة والمدرسات يدرسون بضمير والادارة قوية تحسون صج مدرسة وانا اشوف الفرق مع عيالي وعيال اخواني تحسون عيالي مستوى وانصحكم ومو حساااااااافة بمدرسة فجر الصباح رائعة رائعة رائعة بادارتها ومدرساتها صج ان الصف فيه كثافة بس عيالي يرجعون البيت فاهمين حتى مع نغيير المناهج الجديدة ماحسيت بالتعب أو بالفرق فجر الصباح وبس واللللللللة نصيحة وادعوالي

 

[vevo]

السلام عليكم انا ما اايد اللي تدرس عيالها من الروضه ترا الياهل له نضوج عقلي واللي اهو يبدي من عمر 6 سنوات واغلب الدراسات تاكد انه انسب عمر للتعليم اهو عمر 6 سنوات وقبل جذي ماله اي اهميه انا ما اقول ما نعلم عيالنا بس مو بمدرسه وواجبات لا نحط هم لعبه ونلعب معاهم هاللعبه وتكون تعليميه او نسوي له اغنيه نوضح له مثلا كلمات نبيه يعرفها اكثر من جذي حرام خلو الياهل يعيش طفولته وترا كلامي من ناحيه عليه درسناها بعلم النفس اللي اكدت دراسه قام فيها باحث انجليزي انه الاطفال اللي درسوا بعمر 6 سنوات كانوا اكثر قابليه للتعلم ونسبه استيعابهم اكثر من اللي درسوا بعمراصغر من 6 سنوات

 

[مخروووشة]

انا مدرسة روضة بصراحة على حسب المدرسة انا اعيالي مستوى اول والموجهه منبهرة منهم اتقول جنة ثانية

 

[^ليلاس^]

يعتمد عالروضه والابلات

اعرف ابله خلت الياهل اللي عنده صعوبات في النطق يتكلم مبدعه ماشالله عيال صفها حافظين قرآن وكلمات واعداد حكومة طبعا

يعني كله يعتمد عالابله نفسها والروضه اذا كانت نموذجيه اكيد ابلاتها هم روعه

 

[سلسبيل 2008]

عزيزتي كيف حالج مع احترامي للجميع
إلي قالج عن الحكومه موشي وخصوصا عتبي على مدرسات الرياض إلي علقو هذا يدل على انهم هم ما يدرسون ولا يعطون شي
عزيزتي بالعكس ولله الحمد ترى رياضنا من الرياض المعترف فيها عالميا ويريت أحصلج على الإحصائيه
وبعدين ترى والله كله يرجع على ضمير المعلمة تعالي شوفي معلمة تتعب وتعطي بإخلاص ومعلمه مالها خلق نفسها الله يسامحه
عزيزتي ان يييتي حفظ قرآن أعداد كلمات ترى حتى مسميات الأعداد علمناها لعيالنا في الروضة
حبي صلي صلاة استخارة وشوفي ربي شسخرج له
تمنياتي لك ولأولادك بالتوفيق​

انا ايدج بالكلام اشلون مدرسات روضة يقولون هذي الكلام اكيد ما يدرسون ولا روضاتهم حق الرقص وترزز بالجرايد
النظام المتطورة الي متبع بالرياض يعتمد بالدرجة الاولي علي ضمير المعلمة وابداعها مو مدرسة تحط درس واحد وتبدع فيه وتقدمه كل يوم حق الاطفال لين تدخل عليها المشرفة والناظرة ويشفونها

وبعدين الي تمدح الروضات الخاصة والي الحضانات انا عندي اطفال داخلين حضانات معروفة مستواهم نفس الاطفال الي ما ادخلوي لا وبعد اقل
الذكي ذكي ولو امه وابوه ما يدرون عنه والي مستواه عادي لو ادرسينه برة وتدفعين كل الي عندج ما راح يتغير هذي قدرات فردية الله سبحانه ميز ناس فيها عن ناس



ورسالة حق بعض المدرسات الي بس يتحلطمون ومو عاجبها الوضع ليش لحد الحين قاعدة بالوظيفة اذا الدوام مو عاجبج غير يلي ليش لحد الحين قاعدة

اتقوا الله باطفال هذول اعيال الكويت اطفال اليوم رجال المستقبل

 

[أم حمودي**MALL**]

انزين بنات ياريت تفيدوني
وين الورضات النموذجيه بجنوب السره؟؟؟؟

 

[^ليلاس^]

بجنوب السره في بالزهراء

 

[قمر الليالي]

انا عن نفسي راح ادخل بنتي بالخاص لان عيالي الباقيين مااستفادوا غير الرقص والغناوي والاحتفالات
وقالوا ان الحكومه تغيرت مع ان ولدي كان السنه اللي طافت فيها ماتعلم الا اشلون يرقص وهذا غلط
لان السن هذا بسرعه يحفظ المفروض يعطونهم قرآن وعربي وانجليزي لان لو راح اولى ابتدائي راح يتوهق بالتأسيس
وعندي 3مدرسات بالروضه يقولون نقلنا عيالنا بالخاص لان الحكومه رقص في رقص في رقص
بس الاهم من هذا ان زوجك يكون مقتنع في الشي هذا
حاولي في زوجك واذا رافض امشي ع كلامه ولا تعارضينه

 

[الصابرة المحتسبة]

المدرسة الأولى اهي البيت اشتريله الدفاتر التعليميه تلقينها بكل مكان حتى ابو اميه ......... وديه الحكومه ............ ترى كل مكان فيه الزين وفيه............. والله المستعان .

 

[بنت البحرين]

حبيبتي انا طلقت رياض الحكومه بثلااااااااااااااااااث

تحملي الروحه والجيه عشانهم

وخليهم تاسيس بس

وبعدين دخليهم مدرسه حكومه

 

[دمثة]

الله يستر

 

[rr202rr]

عزيزتي كيف حالج مع احترامي للجميع
إلي قالج عن الحكومه موشي وخصوصا عتبي على مدرسات الرياض إلي علقو هذا يدل على انهم هم ما يدرسون ولا يعطون شي
عزيزتي بالعكس ولله الحمد ترى رياضنا من الرياض المعترف فيها عالميا ويريت أحصلج على الإحصائيه
وبعدين ترى والله كله يرجع على ضمير المعلمة تعالي شوفي معلمة تتعب وتعطي بإخلاص ومعلمه مالها خلق نفسها الله يسامحه
عزيزتي ان يييتي حفظ قرآن أعداد كلمات ترى حتى مسميات الأعداد علمناها لعيالنا في الروضة
حبي صلي صلاة استخارة وشوفي ربي شسخرج له
تمنياتي لك ولأولادك بالتوفيق​

لا حول ولاقوه الا بالله سوء الظن حده منشر عندكم والتفسيرات على كيف كيفكم
احنا مدرسات ونقلنا الواقع هل هذا يعني ان احنا ما نعطي ماندرس مانعلم مفاهيم وخبرات
الله المستعان بس حاسبيوا بنات على كلامكم احنا نصحنا البنت من واقع تجاربنا وعلى قولتهم شهد شاهد من اهله
الرياض عندنا مو متطورا بالشكل المطلوب قلنا في توجه لادخال مناهج مختلفه وعسى يقلب لنا الرياض رأس على عقب
عموما اتوقع خلال الفتره اللي طافت اخترتي وين تحطين ولدج اختي
الله يوفقج​

 

[أم حمودي**MALL**]

مشكوره عالرد حبيبتي
وانا خلاص سجلت ولدي بمدرسه خاصه
لاني كللللللش مو مقتنعه بالحكومه