اشرايكم برياض الاطفال نظام حكومي؟؟؟

الحالة
مغلق و غير مفتوح للمزيد من الردود.
إنضم
4 مارس 2008
المشاركات
42,004
مستوى التفاعل
1
النقاط
0
الإقامة
جنوب السره-السلام
اشلونكم بنات
حبيت اخذ رايكم بشغله
انا بنتي مدخلتها مدرسه خاصة نظام بريطاني (روضه) والحمدلله البنت زينه ومو متعبتني من ناحية الدراسه بس اللي متعبني سالفة اني اودي واييب:( خاصه انه المدرسه بعيده عن بيتي

المشكله الحين ودي ادخل ولدي مدرسة خاصه نفس اخته بعد بس ريلي معااااارض يقول اشفيها مدارس الحكومه ( خاصه انه المدرسه يم بيتنا )

لا تقولون لي باص ماحب الباصات واخاف منها

بليز بنات شوروا علي اشرايكم بمدارس الحكومه خاصه الروضه؟
اشلون تعليمهم؟

يعني الياهل يستفيد ولا تيتي تيتي مثل مارحتي جيتي؟ وطقطقه وغناوي؟


ناطرتكم
 

ReeMaN

New member
إنضم
16 أغسطس 2008
المشاركات
2,036
مستوى التفاعل
0
النقاط
0
الإقامة
kuwait
هلا اختى والله في من رفيجاتى بالدوام عيالهم رياض اطفال حكومه اتقول يعطونهم واجبات عربي وانجليزي يعنى في تعليم مو نفس نظام قبل بس صفقي لها ترقص لج ... لا تطورو ماشالله عليهم وانشالله البنات يفيدونج اكثر :)
 
إنضم
23 أغسطس 2006
المشاركات
709
مستوى التفاعل
0
النقاط
0
والله بنتي كانت روضه حكومية بس الله لا يوريج تيني ما كوشي تعرفه حتى إلي بالحضانه حافظته ناسيه مدرسة الحكومة بس ثاني روضه دخلتها مع اخوا كامبرج فرق تيني حافظة قرآن تعرف الاحرف والكلمات عربي وانجليزي
 

أمواج البحر

**مشرفة قسم المناقشات الجادة**
إنضم
20 مارس 2005
المشاركات
9,721
مستوى التفاعل
3
النقاط
0
العمر
45
الإقامة
من يشابه ديرتي ... اموووت بريحة ترابها
هلا اختى والله في من رفيجاتى بالدوام عيالهم رياض اطفال حكومه اتقول يعطونهم واجبات عربي وانجليزي يعنى في تعليم مو نفس نظام قبل بس صفقي لها ترقص لج ... لا تطورو ماشالله عليهم وانشالله البنات يفيدونج اكثر :)

بالضبط هذا الكلام اللي بقوله

حتى يحفظونهم ادعيه و قرآن

وعندهم دفتر للعربي يكتبون فيه كلمات بسيطه و انجليزي بعد

اكيد مو نفس الخاص بس الحين صاروا مو نفس قبل

وهم يعتمد على الروضه نفسها
 

msmshasnsn

New member
إنضم
29 فبراير 2008
المشاركات
2,282
مستوى التفاعل
0
النقاط
0
والله انا ولدي قبل 3 سنين لما كان بالروضه يروح ويرد على حطت ايدج ولا شي من اول لي اخر السنه بس حفلات
اما ولدي الثاني توه اول سنه روضه بس والله غييييييير يعلمونهم مومثل اول ويكتبونهم الارقام و الاحرف ويحفظونهم القران وادعيه
وبعدين على حسب المدرسه والمدرسات
في مدرسات الله يسامحهم مايعطون من عمرهم
 

nouna82

New member
إنضم
23 فبراير 2008
المشاركات
2,799
مستوى التفاعل
0
النقاط
0
الإقامة
q8
الحكوووووووووووووومة xxxxxxxxxxxxxxxxxxxxxxxxxxxxxxxx
 
إنضم
2 مارس 2008
المشاركات
402
مستوى التفاعل
0
النقاط
0
الإقامة
الكويت
انا بنتي بالحكومة سنة اولى بالضبط ما ادري شنو يعطونها هي من النوع ماتقول شنو عطوها بس كافي انها مستانسة وتحب ربعها بالصف

والحين صار لها تقريبا 3 اسابيع غايبة ما تنام بسرعة بالليل والصبح لما اصحيها تكسر خاطري وانا مخليتها على راحتها والروضة قريبة من

البيت لكن لو دخلتها روضة خاصة اكيد بخليها غصب تداوم لاني دافعة فلوس
 

دمثة

New member
إنضم
2 نوفمبر 2007
المشاركات
5,605
مستوى التفاعل
0
النقاط
0
الله يزيد النعمة

بدون تعليق
 

rr202rr

New member
إنضم
7 ديسمبر 2007
المشاركات
918
مستوى التفاعل
0
النقاط
0
انا معلمة روضه والاشياء اللي نعطيها الطفل ممكن يتعلمها الطفل بالبيت بصرااااحه نظام فاشل للاسف ويعتمد على تحفقيظ الطفل الاناشيد والاغاني والرقص الله المستعان اما ناحية التعليم ترى اقولج ان الطفل يستفيد لكن مو مثل الخااااااااص

عموما في توجه يدخلون مواد الانجليزي والعربي والحساب السنه الجايه
واي استفسار دزي لي رساله
 

حلم الطفولة

*عضــوة شرف في منتديات كويتيات*
إنضم
12 يونيو 2008
المشاركات
10,225
مستوى التفاعل
2
النقاط
0
حبوبه ... في نقطه مهمه بسؤالج ... انج قلتي .. ( ريلج معارض ) ... واحنا مانبي تختلفين معاه ,, بس ان شالله يقتنع.
الروضه بالحكومه .. = إهدار لذكاء وقدرات الطفل + تضييع لفطرته !!!

غناوي ... صراااخ ... رقص .. ومفاهيم بدائيه ... حساافه تقولين قاعدين يعلمون ياهل عمره سنه ! :(

إذا قدرتي ... تحاوري بهدوء مع زوجج .. وان شالله يقتنع .. والله يسهل أمورج.
 

*أم*خالد*

New member
إنضم
20 أبريل 2008
المشاركات
3,408
مستوى التفاعل
0
النقاط
0
انا مدرسة روضة

خليه بالخاص احسن لج .. لأنه منهجنا سخيف سخيف سخيف سخيف
ويبط الجبد

ماكو حروف ماكو شي .. رقم مره بالأسبوع .. كلمة يديده كل اسبوع بدون تعليم لـ قواعد القراءة
يعني شي سخيييييف

لاتودين حكومة نصيحه من مدرسة روضة حكومية
 

nice-girl

New member
إنضم
20 مايو 2007
المشاركات
8,838
مستوى التفاعل
0
النقاط
0
الإقامة
AL-Yarmouk City
شفيكم يامدرسات تذموون بالنظام
انا عن نفسي ولدي متعلم الدعاء قبل الاكل و حتى انا علمنياه
والابله دازه دفتر معاه كيتب اسمه واسم الله عليه احس بده يفج الخط على قوله المصريين
وانا روضه ولدي اليرموووك
 

sunshine22

New member
إنضم
11 نوفمبر 2004
المشاركات
6,061
مستوى التفاعل
0
النقاط
0
صراحه قلتيها

صج صج روضات الحكومه

تيتي تيتي
ولاحظي كله الابلات لايعه جبودهم واحنه جنه بيبي ستر واحنه جنه خدامات والخ................ماكو عطاااااااااااااء بالروضه
وكله يحولووووووووووووووون

احسن شي الخااااااااااااااص خصوصا خصوصا الحضانه والروضه والابتدائي بعدها عادي رديهم حكومه
لان التأسيس صار عدل واوكي

نفس البيت اللي ينبنى على اساس قوي وردي
اذا الاساس قوي ...........الباجي يتغير
واذا الاساس ردي.........لازم تهدينه مره ثانيه كله وتبدين من جد وجديد


هذي وجهه نظري واللي اشوفها اقرب للصح
 
إنضم
3 يناير 2009
المشاركات
1
مستوى التفاعل
0
النقاط
0
يالله تحيييييييهم

انا ابـــــــله رووووضه :) بس مو حكومه خاصه .. والله نعلمهم كل شي دعاء ويحفظون قرأن وواجبات نعطيهم
وحصص في بعد ندرسهم ونعلمهم .يعني ما شا ءالله كانهم بلابتدائي نعلمهم كل شي
واداب الطعام قبل الاكل وش يقول وبعده وش يقول؟

بس عن روضه الحكومه ما ادري والله ..
 
إنضم
30 ديسمبر 2008
المشاركات
1,134
مستوى التفاعل
0
النقاط
0
الإقامة
الكويت
لوعة جبد الحكومة بس مو كل خاص زين بنتي قضت عمرها بالروضة خاصة ( بلي غروب ) بسلوي3 سنوات حضانة وروضة الشي الوحيد إلي استفادة منه لغة انجليزيه قويه محادثة وليس كتابه أو قراءة ميح بالعربي وهي الحين حكومة أبتدائي مو قادرة تماشي زميلاتها الوافدات خريجات مدارس عربية خاصة يعني بو 300 أو 400 دينار أقوي من بو 1200 دينار ( مدرستها الحكومية بحولي ) علشان جذي مو قادرة تماشي زميلاتها وبالعربي ماخذه جيد وبكل المواد امتياز / الحين مستحيل ادخل اخوها ( بلي غروب) play groop وطبعن حكومة( نو واي) الخاص افضل كرعاية للطفل واهتمام من الناحية النفسية ما يصارخون وذلون الياهل او ابلة متنرفزة من ريلها وتحط حرتها بهاليهال بس هم الخاصة نوعا ما ماديين كلشي بفلوسك
 

فديتج

New member
إنضم
11 أغسطس 2008
المشاركات
333
مستوى التفاعل
0
النقاط
0
روضة الحكومه فااااااااااااااااااااشله والله حرام الياهل يقوم من الصبح ما يستفيد ولالالالاشي
وكله أغاني ورقص ما أدري متى نتطور؟؟؟؟
 

أم عبووووود

**مشرفة ركن أولياء أمور الطلبه**
إنضم
22 أكتوبر 2008
المشاركات
6,109
مستوى التفاعل
0
النقاط
0
ان شاء الله الحكومة ةالخاص فيهم البركة
لكن احنا نعرف ان اي شي تحطين فيه فلوسج اكييييد افضل فالخاص افضل بوااايد انا جربت الاثنين مع عيالي لكن اللي طالع من خاص وراح الابتدائي يعرف كوعه من بوعه مو مثل اللي طالع من الحكومة مايدري شالسالفة بس على كلام البنات الحين غير وتطوروا هذا اللي انا ما اعرفه وبعدين صدقيني التأسيس من الام مو المدرسة
وانا افضل انج تستخيرين رب العالمين والله يوفق عيالكم وعيالي يارب
 
الحالة
مغلق و غير مفتوح للمزيد من الردود.