اشرايكم بتلفون سامسونغ الضعيف حيييل ؟؟؟

[رضاب 66]

بنات الله يعافيكم اشرايكم بتلفون سامسونغ الضعيف حيل ؟؟
هل استعماله زين وكاميرته زينه ؟؟
وكله على بعضه عملى ولا لا ؟؟

 

[nenoo]

حبيبتي انا توني اليوم شاريته وحيييل عاجبني ومستانسه منه خفيف وحلو وكامرته زينه

 

[MaYoOoma]

والله انا سامعه فيه يمدحونه بس مستحيل اشتريه احس اني هندي ماحب السامسونج بس كل واحد وذوقه ^_^
وتوه يايني هديه سوني اريكسون K810i

 

[[ . . Jee Jee . . ]]

آنا ماحب بعد نفس ميوم بس اي واحد تقصدين ؟ ليش اختي دايما تشتري سامسونج وعندها واحد ضعيف :/

آنا ماعرف امدح واذم لانه ماستخدمته واتوقع لو استخدمه ماعطيج الراي الصح لانه اممم مو متعودة عليه بس لما شفته عند اختي

عجبني في الوان الشاشه و الكاميرا حلو تصويرها .. بس


ميووم شفته تلفونج عند رفيجتي ماشاءالله حلو
تتهنين في حبيبتي

 

[النبيطة]

انا عندي الاحمر وعاجبني اسرع من نوكيا

كاميرته حلوة وحتى الفيديو بس انا ما احب استعمل الكاميرا في الموبايل كثير لأنه لو يضيع مشكلة وبعدين يثقل على الموبايل
بصراحه عملي وخفيف وانتي من اي ناحية خايفه جربي لا تشترين جديد خوذي مستعمل

 

[ام فجر 2007]

اختي رضاب انا من النوع اللي امل من الهواتف النقالة بسرعة يعني ماياخذ عندي كل جهاز اكثر من شهر بس شريت السامسونج طلع خوش جهاز الحين صارله عندي اكثر من اربع شهور ولافكرت اغيره استعماله سهل وخفيف وكامرته فضيعة ويكون بعلمج ان رفيجتي لما سافرت اوربا لاحظت ان كل الغرب يستعملون سامسونج ويسمون النوكيا جهاز الأغبياء اشتريه وانا اختج وانتي مغمضةانا جهازي السامسونج الضعيف ولونه احمر

 

[rayaan]

أنا توني شاريته وحيل عاجبني وانصحج فيه

 

[why not]

انا عندي اياه وعاجبني حيل احسه انوثة

 

[Chocolate Milk]

انزين اللي تتتكلمون عنه ملمس الزهور جم رقمه ؟


والضعيف جم رقمه

 

[MaYoOoma]

نجمه تسلمين حبيبتي

 

[lolo77]

انا وايد سمعت عنه
واللي ماخذينه يمدحوونه

توكلي عالله وقوليلنا رايج فيه

 

[om yousif]

هذا موبايلي وايد مرتاحة علية ,اول ما شريته مو متعوده عليه تعلمنا على نوكيا , بس حلو حبيته المنيو مو صعب ,, بس في عيب واحد الشحن بسرعة يخلص بس تعودت عليه شريت شحن سيارة اذا توهقت

 

[^كويتية^]

مادري محد مدحه!
المسجات عباله على ما تكتبينهم .. والكامره مو شي كلش ملش

 

[طماشه]

حطولنا صورته

لان في وااايد سامسونج ضعيف !

 

[مسك]

والله انا مرتاحه عليه وااايد مريح وشكله راقي ​

 

[@جورية@]

D900 عجيب واستعماله سهل:eh_s(15):

 

[شندوخه]

جم سعره بنات

 

[QASHQOOOOSHA]

عندي واحد وايد حلو عملي ومافي شي معقد

 

[@جورية@]

أنا شريته بـ 102 دينار بس هالحكي كان شهر 4 ، بس الحين أكيد أرخص

 

[لوالو_q8]

اذا قصدكم عن اللي لونه اسود بعدين نزلو الوان ultra
انا عندي الاحمر حده زين والشحن مايخلص بسرعه ووياه بطاريه اضافيه يعني حده زين