اشرايكم بالي بس همهم يقدمون ويطالبون حقوق ومقترحات للوافدين

[ghalaty]

السلام عليكم ورحمة الله....... الشوارع زحمه موت زحمه كلها وافدين كلهم يسوقون سياره في بلدهم يمكن يركب باص واهنيه لازم سياره.... الدوامات كلها وافدين والكويتيين قاعدين ينطرون وظيفه....العلاج لهم احنا مواعيد الطبيب بالاشهر ..... بيت الزكاة مخباتهم مشقوقه للوافدين للكويتي لاااااا ...التدريس وما ادراك ما التدريس الحين شغلنا الشاغل ندور معاهد ودروس خصوصيه لان حضرت المدرسين مالهم خلق يدرس الصبح تعبان تصوروا اتصل على مدرس من شهر يقولي انا لي وقت الامتحانات راح اكون مشغول لي الساعه 11 بالليل ماشاء الله شنو هذا ولا الهسنه بدعوا مع الثانوي سلق بيض علشان تجديم وقت الاختبارات طبعا احنا واعيالنا ندفع الثمن واللي يبط الجبد الوزيره الفاضله مقدمه مقترح باعطاء بدل ايجار للمدرسين الوافدين 150 دينار ليش ما ادري من زين تدريسهم والا على بالهم محتاجين ترا المدرس بس من موسم المتحانات يطلعون الاف الي خلا حده معلم الشورما يعطي دروس خصوصيه وغير تسريب الامتحانات طبعا الامتحان ينباع على 300 و400 و500 اقول للوزيره ولي يعافيج شوفي مشاكل عيال الديره احسن من التفكير بالوافد ترا الوافد ماخذ حقه وزياده وعلى حسابنا... والا اشرايكم

 

[الحــــياة]

لاوبديرته ماياخذ نص المعاش الي ياخذه عندنا .. صاجه الكويت صارت كلها وافدين ولي عافيج انتي شفتي مستشفى الاحمدي99%وافدين احتلو المستشفى انا انطر بالساعات بالاسنان عشان20هندي جدامي تلوع جبدي اذا جا دوري جيتي على الجرح اختي بس لاحياة لمن تنادي

 

[كويتيهx5]

اي والله وانا اليوم رحت ابي اقدم بالاهلي كلهم وافديين اول مرة اشوف بناك التلر مالوته هنوود

شنووو هذا واحنا عيييال الديره لازم لازم يشوفون لهم حل

ليش ما يسفرونهم احسن لنا ولهم

 

[درة أهل الطولات]

لا تعليق

ارزااااااق

 

[الجوهرة777]

كان هذا موضوعنا قبل جم يوم


نقول بيزيدونهم 150 عبالهم اذا ترسوا عينهم بيتسنعون


ما يدرون انهم اصلا مو محتاجين شغالين دروس خصوصية

في مدرس كان يجي لاختي يقولها ان اخلص البنات الساعة 11 وبعدها ابدي بالأولاد لغاية الساعة 4 أصلي الفجر وأنام ساعتين


وبعدين أروح المدرسة


واللي يبط الجبد لما يتحلطمون مو عاجبتهم العيشة هني

واللي يحر أكثر لما تجي ولية أمر وتقولج يوووووووووووووووووووو أبلة بتي كويتية

 

[**دانات**]

واااااي صج بطة جبد بدال مايحلون مشاكلنا يدور حل لمشاكل الوافدين بالمشتشفى الهندي يضبط الهندية والمصري يضبط المصرية واحنا لنا الله سبحانه اش اقول بس احنا اللي وافدين

 

[الشمريه]

ياشين الحسد
هو يركض على رزقه وماينام الا سا عتين وانتي طول اليل تشخرين استغفرالله كبرو عقولكم

 

[ghalaty]

اختي الشمريه الله يهديج شنو هالاسلوب شنو كبروا اعقولكم وبسكم حسد وتشوخرون اعتقد ان من حقنا نطالب ان نعيش عيشه تليق بالمواطن الكويتي وترا انتي قاعد تردين علينا ويمكن انتي كبر بنت من البنات الي ردوا على الموضوع فلازم تختارين كلامج يمكن انتي قاعد تشوفين ناس حوالينج نايمين ومايشتغلون بس احنا لا نقوم ونشتغل وقاعد نشوف البلاوي بعيد منو بنا الكويت راح الغوص وعاش بالباديه ونقل الماي وبنا السفن وحداده وغيره من المهن لا يكون مدحت وحمدي والا جورج والا ماتدرين ان لمن كانت الكويت ما تملك النفط ما دوا عنا......مسكي اي جريده هاليومين شوفي في مدرس فاضي يدرس حتى لوساعه والمصيبه الصبح ما يبي يدرسون اعيالنا عدل ما يلامون تعبانين والامتحانات بجيوبهم للبيع ولعيالهم وترا الكويتي ممنوع انيجمع بين وظيفتين.....بعين اشسالفت المنتدى اسمه منتدى كويتيات كل ما تكلمنا بشي بمصلحت الكويتيين لقينا ناس ضدنا!!!! ترا حتى الي فيها عرج لازم يكون الوولاء لديرتها مو ديرة امها

 

[(كويتيه عسل)]

انا مره كتبت عن الوافدين وااااااايد بنات قامو علي :0bee2e8d89:

http://www.q8yat.net/showthread.php?t=289538


وااااااااااااااااااااااااااااااي لاتذكريني

وتبطين جبدي

هذي وزيرة التربية اللي تطالب بحقوق الوافدين ميته قهر منها

كلامها يحررررررر

 

[ghalaty]

كويتيه عسل الله يحر الي يحرج يا قلبي شفتي التعليم اشلون صاير سبب الدروس الخصوصيه واهي تبي بدل ايجار لييييييييييييييييش!!! يبا فيه وااايد كويتين اولى بالفلوس تصوري الثانويه اخر عالكورس هذا اصعب الدروس شرحوا بطريقة سلق بيض بسرعه بسرعه لان قدموا الامتحانات واحا الحين بس ندفع للمدرسين الخصوصين هذا الا لقيتي مدرس فاضي انزين خل تعطين الفلوس واحنا ندفعها لهم حق دروس ومشترا امتحانات ول بنظل نكتب ونكتب عن اي شي ما يعجنا والي مو عاجبه يروح منتدى للوافدين لان احنا ما غلطنا على احد وقاعد نتكلم عن حقوقنا

 

[(كويتيه عسل)]

كويتيه عسل الله يحر الي يحرج يا قلبي شفتي التعليم اشلون صاير سبب الدروس الخصوصيه واهي تبي بدل ايجار لييييييييييييييييش!!! يبا فيه وااايد كويتين اولى بالفلوس تصوري الثانويه اخر عالكورس هذا اصعب الدروس شرحوا بطريقة سلق بيض بسرعه بسرعه لان قدموا الامتحانات واحا الحين بس ندفع للمدرسين الخصوصين هذا الا لقيتي مدرس فاضي انزين خل تعطين الفلوس واحنا ندفعها لهم حق دروس ومشترا امتحانات ول بنظل نكتب ونكتب عن اي شي ما يعجنا والي مو عاجبه يروح منتدى للوافدين لان احنا ما غلطنا على احد وقاعد نتكلم عن حقوقنا

اهيا بهالطريقه تقوي عينهم وتشيشهم يعطون الطلبه دروس خصوصيه


هذا بدال لا تحط قانون صارم يوقفهم عند حدهم


والمفروض بعد الطلبه مايسكتون اي مدرس مايدرس عدل


يطلبو منه يعيد يشرح الدرس مره ومرتين مافيها شي هذا من حقهم


واذا ماشرح عدل المفروض يشتكون عليه ويوقفونه عند حده


واي مدرس يعرض دروس خصوصيه يشتكون عليه ويسفرونه

 

[sweet cake]

كويتيه عسل قريت موضوعج بس اول صفحه..

والله شكل البنات عايشين على الجيل القديم شوي.. انا صارلي 4 سنين متخرجه من الثانوي وبحياتي كلها الوافدات اللي شفتهم يدرسون بضمير نسبه بسيطه جدا.. والله الكويتيه تحرق قلبها علينا الا القليل منهم..<<<<<<< آآآآآآآه قلبه مترووووووووسه

 

[AnGel GirL]

صاجين احنا الكويتين ننطر نطره موعد طبيب والوافدين يدشون بأي وقت لان الدكتور من جنسيتهم

اما المدرسين حدث ولا حرج

أبي اعرف وين الوزيره الفاضله عن اعلانات التدريس الخصوصيه اللي بكل جرايد الاعلانات ؟؟
والمدرسين ماقاموا يدرسون بضمير عشان الطالبه تطلبهم هالشي اصلا تحجوا عنه بالمسلسلات المصريه بس كيفهم يمكن الرواتب مو ذاك الزود بديرتهم بس بالكويت رواتبهم زينه
مسكينه اعرف وحده تقط اكثر من 800 عالمدرسين والله حرام

 

[ghalaty]

لا الحين بعد ما يعجبهم اذا الطالب قال لهم انا مو فاهم يقومون الدنيا عليه اعرف استاذ اولياء الامور اسنين يشتكون عليه ما يشررح عدل ويغلط على الطلاب والاداره مو قادره تسويله شي او حتى يكلمونه يقولون اهوا هاي هاي يعني من الوافدين الطبقه المخمليه !! بي انا برت جبدي فيه شفته بالصدفه ما خليت شي بقلبي لان اهوا حتى اجتماع اولياء الامور ما يحضر قتله استاذ اذا انت شايف نفسك هاي هاي روح سافر ديرتك اشلك بالكويت والله اعيالنا داخوا من المناهج ومدرسين الصبح ما يبي يدرسون ويغلطون على اعيالنا والوزاره تبي تكا فؤهم ببدل ايجار لا ما راح نقبل ... والي يقولون الكويتين ما يدرسون عدل لاما شاء الله اصلا ياحلاتهم اخلاق يصادقون التلميذ وقلبهم عليه بس ما ادري شالسالفه الي حاطينها بمخ الناس الكويت مايشتغل جنه الي دش الغوص حمدي ومدحت:eh_s(14):

 

[دمعةعين]

شدعوه شهالتحامل هذا كله

انا كويتيه جنسيه اولى عشان لا تقولين فيج عرج

يعني الحين هالوافدين مالهم حق يعيشون...هذي قسمة الله لهم انهم يتغربون

بعدين في اشغال بالديره مافي كويتي يرضى يشتغلها زين منهم انهم شايلين شغل الديره

روحي الوزارات وشوفي مكاتب الكويتيين فاضيه كلهم مزرقين ولا مرضيات الا من رحم ربي وشوفي مكاتب الوافدين قاعدين وقلاص الجاي جمبهم

انا معاج بشغله وحده بس بدل الايجار هذا لان احنا الكويتين لنا الحق بهالفلوس بدال ماهم مو راضين يطيحون قروض ولا منح ولا شي احنا احق فيها

بس اننا نكره وجود الوافدين بالديره اخالفج فيها...هم بشر حالهم حالنا ربهم ربنا يدورون لقمة العيش
ما افي كويتتين يضاربون ببورصة اوروبه ليش ماقالت اروروبا ليش هذول مخاشرينا وقاطين فلوسهم عندنا ومضيقين علينا
وعيالنا يدرسون بره ليش ماقالو هذول ياخذون فرص عيال البلد 0بالعكس احتضنوا عيالنا

شوفي عيالنا صارو كلهم جامعين بفضل هالدول حتى الهند تدخلنا جامعاتها حتى لو بتقولين بفلوسنا 00بقولج بس عطونا اهما الفرصه اللي ما عطتنااياها الكويت ..كل المسئله كلن يفيد الثاني

 

[فـــخـــر]

لو الله يفكنا من احسد بس ..

بنات ترى كل شي ارزاااااااق الله كاتبها ..

 

[G!RLooNa]

a55555 wallah men tenfete7 hal.salfa an8eher

3la golat ommy el.q8 derat ajaneb mo deratna

kel shy lohom

o betzedhom 150 b3d 3la shno :0

ma77ad msawy za7ma '3arhom

me7taleen el3a9ema o e7na ga6enna bgal3at wadren

7awaly o bneed elgar o 5e6an 7aghom

o el.q8yeet ygo6onhom bel.5eeran

el,q8y ma y9er yeshte'3el bakthar men wa'6eefa

bs el,wafed y9eer !!!

o yakether el,klaaaam elly bgalby 9j 9j shy y7er

bedal ma el,deera teshte'3el 7ag ahlha ga3da teshte'3el 7ag 3weer o zweer

o emmaskenhom a3la elmna9eb bel wezarat :0


offff wallah ana bel,jam3a o el,computer ma y7awwel 3araby chan 6ala3t kel elly bchubdy

 

[اروى77]

صاحبة الموضوع انتي من صجك يايه تتناقشين بهالموضوع هني !!!!!!!!
عيل تحملي ياحبيبتي اللي راح اييج:tomato2:
ياقلبي هني مافي نقاش في شي اسمه هجوم هواش تجريح ..
عموما
انا معاج بهالنقطه
لسبب
احنا انتخبنا النواب عشان يشوفون مصالحنا مو مصالح غيرنا
بالاْول خل ينفذون وعودهم ايام الانتخابات بعدين يتفرغون للوافدين

 

[Hello_kitty]

يعني انه اول مره اشوف ديره من الكرم الزايد الوافدين يتساوووووون بالمواطنين؟؟من متى هالشي!!

انه ما تقهرني الا سالفه الزحمه اشدعوه احنا عددنا زاد هالكثر والله احنا الكويتين ما زدنا يا حليلنا بس الأجانب من هب ودب

عطوهم لياسن والكل يسوووق وسياييرهم قرمبع حدث ولا حرج محد مسوي ازمه سير وحوادث غيرهم!

اول لي طلعنا الضحى واي الكويت تهبل شررررررررحه والشوارع فاضيه الحين ليل نهاااااااااااااار زحمممممه

واللي تقول حسد شكوووووو حسد؟؟بس بالأمانه والضمير الكويتي لي راح بس سياحه عندهم ولا جرب يشتغل هناك اشلون معاملته؟؟

بيساااااااااونه بعيالهم يعني كل مواطن من حقه يتميز عن الأجانب بديرته ما فيها شي!!

 

[:: Diva ::]

شوفي حبي هم ما يحتاجون ان احد يطالب بحقوقهم لانهم ماخذينها و زياااد ه
سواء قانونيا او من تحت الطاوله مثل ما يقولون !!