اشرايكم بالغانم ؟؟

[**reem**]

شلونكم حبايبي
بنتي بتروح اولى ابتدائي وابيها تكون بمدرسة خاصة شرايكم بالغانم يقولون حيل شديدة بمعني دراستهم اكبر من مستوى الطفل وطلباتهم وايد وانا ماحب جذي وناس يمدحون الدانة يقولون هالسنة نظام امريكي وستاف يديد وحدي محتارة فياليت الي تعرف شي تفيدني ؟؟؟

 

[بدوره 22]

هلا حبيبتي

بناتي بالغانم .... الكبيره بتروح قريد 4 والصغيره كي جي 1

وعيال اختي درسوا فيها لي قريد 9 المدرسه تأسيسهم وااااااااااااايد قوي ويخلون الياهل يعتمد على نفسه..

وشدتهم حلوه مو الشده اللي ما يتحملها احد ولا جان ما خليت عيالي فيها لان انا مثلج ما حب الشده الزايده عن اللزوم.. وبعدين الناظره ترى كانت في مدرسة البيان ومطبقه وايد اشياء هناك عندنا ... قاعده اتكلم عن المنهج طبعا

ماجربت الدانه بس اعرف ناس عيالهم هناك وطلعوهم ... على كلامهم يقولون ان المدرسه كل مره لها منهج ومو مستقرين على وضع واحد

 

[**reem**]

سلمين بدورة بس مو الزحمة زايدة عندهم زيادة عن اللزوم

 

[**reem**]

سلمين = تسلمين
سوري بدلية

 

[بدوره 22]

شلون يعني زحمه ؟؟ بالفصول ؟؟


لأ ابدا ماكو زحمه بالعكس بس موقع المدرسه بايخ اذا كنتي تقصدين المصافط

 

[katkota76]

أنا بنتي درست بالغانم من كي جي 1 لي جريد 5
وولدي السنة الياية يروح قريد 4
وأقولج دخلي بنتج فيها وأنتي مغمضة لأنها وايد زينة

وبقولج شي أنا ولدي قبل ما أدخله الغانم كنت مدخلته الدانة
كان ب كي جي 1 وكان اسمها المدرسة الدكية
بس والله تلوع الجبد وتحسفت اني ما دخلته مع اخته
وما استفاد منهم ولا شي
بس الحمدلله لحقت عليه ووديته الغانم ب كي جي 2
والحين ما شاالله عليه مستواه يهبل بالعربي والانجليزي

 

[Creazy]

ســـــــلام

الحمدلله بنات طمنتوني انا الحين مسجله ولدي بالغانم

كي جي 1

وكنت افكر بمستواها

 

[سيدة الكويت]

جم رسومها بالسنه؟

 

[**reem**]

مشكورين ماقصرتوا بس انا خايفة ان بنتي ماراح تلحق وياهم لانها كانت بروضة حكومة

 

[بدوره 22]

لا لا تحاتين ريم

بنتي اول ما دخلت كي جي 1 كانت ما تعرف انجليزي وايد لان حظانتها كانت عاديه

حطوها اول اسبوعين بصف وعقب ودوها صف ثاني ولمن سالتهم ليش غيرتوا ؟؟


قالوا ان مستواها وايد تحسن عشان جذي نقلناها

وراح تلحق بس نطري عليها شوي شوي ترى مو بيوم وليله

 

[Creazy]

اختي ريم الكي جي 1 و2

ب 1350 دينار للسنه وطبعا بالاقساط

قسط شهر 9 و 12 و2

 

[**reem**]

تسلمووون حبايبي على الردود