اشرايكم بالزوج اللي يشرط على زوجته. ماكو وظيفه؟

[sh_mashael]

انتي تقولين شروطچ و اهو يقول شروطه

وافقتوا !!

ملچوا

ماوافقتوا

انتهى

 

[!! دلوعته !!]

اب اب

 

[مشتطـه]

هههههههههههه تبين الصج وناسه جان زين بس

بشرط


يكون معاشه راهي ويعيشنا
ويصرف لي 800 دينار شهريا بحسابي بما اني جامعية


يعني خل نفرض اهو 1600 معاشه

يعطيني النص وله مني اصرف وياه عالبيت كأني موظفة


جربت حياة البطالة صج وناسه خصوصا اني ما اسهر كلش
تجابلين العيال وتتفرغين للزوج

وجربت اسبوع دوام واااي مأساة


بس صعبه الوحده طول عمرها بطالية احس مو حلوة بحقي اني مو موظفة واحس بييجي اليوم اللي امل من البيت

 

[منال $]

الي اولة شرط اخرة نور
ادا هي والله شايفة انة يستاهل انها تتركك شغلها عشانة وماراح يقصر معها فليش لا تهتم ببيتها وعيالها
هالايام صار الشب يدور عالبنت الموظفة دوارة عشان تساعدة بمصروف البيت
وبعيد عن الموضوع ولكم باك ابداع

 

[سيلينا]

طبعا حلو ان الوحده تكون مستقله براتبها ويكون لها دور في حياتها غير الترتيب والتنظيف والطباخ
ومنها ترى الوظيفه بعد تخليها تغير جو وتتعرف على ناس جدد كل فترة

بس اذا مقتدر ماديا وقادر انه يوفر لها راتب يمشيه لها ليش لا

( بما ان توني داشه الدوام وحدي نعسانه اتمنى اني مو موظفه بس ابي راااتب )

 

[حبيبي مالكني]

دامه شرط بالبداية اهو كيفه
يمكن اهو يبيها تتفرغ له ولبيته
بالعكس انا احترم هالخصلة فيه
بس ما حب الريال الي يشترط ان زوجته تشتغل
احسه يستغلها

 

[Pinky -cat]

والله حبيبتي عز الطلب ، في احلى من انج تجابلين بيتج وحياتج وتهتمين بنفسج وريلج وتقومين مرتاحة الصبح وتعيشين
حياتج صح ، وربي فعلا احلى شي بس طبعا لو الزوج مو مقصر ومكفي البيت ومكفي احتياجاتج

 

[Beautiful soul]

كيفها هي رضت وعقب بتاكلها
الحياة صارت صعبة والمصاريف زادت وغير عن هذا حتى لو عطاها مصروف كم بيعطيها مثلا
اقولج ماراح تكفي واصلا غير على ان الموظفه لها راتب يسدها في نفس الوقت يكون لها حياة عمليه خاصة فيها وتنشغل فيها شوي
مب حاطه يدها على خدها في البيت تنطره

وعموما كل حد ينام ع الجنب اللي يريحه

 

[pink123]

انا شخصيا حصلي الموقف
اذكرتني لهم قريبتي وهم من جماعتها وماخبرتنا انه الولد مايبي وحدة تفكر بيوم لوجاهاوظيفه تتوظف او حتى معهد دراسه مافيييه تحت اي ظرف من الظروف
انا حاليا طالبه لو حصلي بعدين وظيفه ماراح اقول لا
بس قريبتي ماخبرتنا قالت قلت ان شالله يعجبونكم وانه دامك طالبه زي قصدها الوظيفه مومضمونه تجيك
طلعوا من عندنا. وقالوا لقريبتنا مرة ثانيه مثل ماقنالك شررط. اخونا !
وجت خبرتنا قريبتي
وقلتا الله يستر عليهم وعلينا ويوفقه باللي احسسن منا
احناااا وين عايشبن واحد يبغى يخليني في البيت !! في اي زمن
عمومااااا اللي يشرط هالشروط وش يحس فيه وتلقينه يالله يعيش نفسه ويقعد يحرمك من اتفه الاشياء على اساس انتي متزوجه ولازم تتتحملين المصاريف والديون اللي عليه !!
هذي جحيم مو حياة
عموما طولت بردي بس عشان اخبركم تكذذب اللي تقول بجلس في البيت راحه هذي كذابه لانه ماحصلهااااا
انا ما احصلييي ولسى طالبه لكن مستحيل اخلي شخص يدفني بالحيا
يستقد م شغاله اذا يبغى طبخ غسيل تنظيفه تربية اطفال شيلي المقاضي بس هذي فايدتي:eh_s(10):
............
اللهم صلي على محمد

 

[حبي حبيبي]

اذا يقدر يصرف علي ومايخلي علي قاصر
عادي

 

[قلــبهـ]

بالعكس ،

اهو شرط قبل بغض النظر اذا كان شرطه منطقي ولا ، محد بيغصب أحد ،
وعني ، اشوف شرطه حلو له ولها ..

​

 

[زوجة عزيز]

بالعكس وايد احسن و افضل
جربنا الاستقلال المادي و هالسوالف
بس يستاهل اني اترك بيتي وعيالي و اداوم وانا مشحوونة معصبة ولا قلقة
اقعد بالبيت و ادير بالي على مملكتي
ولما اشوف روحي تضايقت ولا مليت اقدر اطلع و اروح و ارد
وحتى الاجانب ترا المرة الراقية مايخلونها تشتغل
اذا متزوجة واحد عصامي يخليها اتربي عيالهم واهو يشتغل
والمفروض هذا الطبيعي
الا اذا ضاقت فيها الوسيعة اتسوي تجارة

معاها والله في البيت اريح الوحده اشلها بقعدة الصبح والتعب اذا اهي متزوجه :eh_s(7):

 

[ككوته]

انا زوجي شرط علي اقعد بالبيت وقعدت اللحين صارلي ثلاث سنين الحمد الله ما احاتي باجر دوامي واقعد وايدي على قلبي احاتي ولدي وين اوديه فترت الدوام ومن الناحيه الماديه الحمدالله ربي كريم ومايقصر ��