اشترى لها والا لاااااااا

[طيبه بزمن صعب]

السلام عليكم




خواتي





خدامتى تبي موبايل ..............تقول بكلم اهلى شرايكم


قالت لها موبايلي مو موبايل بابا موجود



قلت انا يبي .................. شرايكم


اشترى لها ........ اخاف تبي حق ربعها هنيه

شكرا​

 

[غزلان]

اشتريلها كل الخدمات عندهم عادي

 

[((لاموووووغ))]

اشتريلها عادي بس لازم في رقابع جيكي كل يوم على تلفون اصلن خليه عندج اذا طلعتي خليه عندها تبين شي من البيت تزهبه لج وانتي طالعه بعدين خدامتج مبين وقحه شلون تطلب بعض خدامات تشتري كرت وتقولج مدام عبيه وبكلم اهلي ..
لازم رقابه وخليه بلعربي وخل تحس انج مراقبتها

 

[الباسمه]

الموبايل صار شي عادي
وترى اذا ما جبتيه بالطيبه راح تجيبه من وراج

 

[كويتية و لكن]

حبيبتي اذا عيالك صغار وانتي بالدوام ما عندكم تلفون بيت اشتري لها علشان تدقين تسالين عن عيالك والتلفون والكرت كلة 10 دنانير

لكن اذا البيت في ناس مثل امك اوخالتك او انتي عند الحمولة ويشوفون عيالك وفي خدم غيرها لا تشترينة تري هو خراب الخدم ويواعدون الخدم الثانين للسرقةة او الكلام الفاضي والشغل اخر شي يسونه ويمكن يستخدمنن بيتك صالون لمغامراتهم
قطيعة تقطعهم ما احب بعضهم عيونهم قوية و وقحين عمي

والله يوفقك حبيبتي وان شالله خدامتك سنعة

 

[موت وميلاد]

عادي بيلها واذا بتسوي غلط راح تسوي بموبايل او بدونه

 

[روح الدنيا]

خدامتنا قالت لاختي قولي حق ماما انا يبي تلفوون صغيره


امي عاد مسحت فيها الطاوله


هي تلفون البيت كله لها ماكو هندي بالشارع ما يعرفه .. يعني من جت بعدها بيومين مضبطه هنود الشارع


يممممه منهن جليلات الحيا


وبالنسبة لخدامتج كيفج والله اذا بيتج ما فيه تلفون اشتريلها عشان تطمنين على عياالج

 

[هاناا]

لييييييش

شنو تبي فيه

عندها تليفون البيت


متى ما بغت تكلم اهلها

اصلا لو صار عندها تليفون


ما راح تقعد و لا دقيقة

على طول تدق على تاكسي و تنحاش

غير انها راح تفضى للخرابيط و السهر على التليفون

و ما قدرين تراقبينها

راح تمسح الارقام

قولي لها مافي تليفون نقال

 

[طيبه بزمن صعب]

يمال العافية والله حبيباتي

 

[وهج الخير]

الله يعينك

 

[بنوتـــ عسل ـــة]

نفس اللي قبلي

 

[أم حمد =)]

اذا انتي تداومين وعيالج معاها بالبيت وبالبيت مافي تلفون عطيها .. بس اذا انتي موجوده وبالبيت فيه تلفون شحقه ؟
انا اشوف ان ماله داعي .. تبي تكلم اهلها تتكلم من موبايلج اهي ماراح تكلمهم كل يوم !

 

[$$ صعبة الوصوف $$]

لو ماجبتيه لها بتجيبه من ورآآآج .

أشتريه لها وخليه عندج اذا بغت تدق برا عطيها واذا طلعتي خلي عندها

 

[HeR HiGHNeSs 90]

انا اقول حرام اخذيلها الحين منو ماعنده؟
بالعكس ساعات ابي شي من البيت ادق على موبايل خدامتي وبعدين مبين عليها خوش وحده الي قالتلج يعني كانت تقدر تييب من وراج ف حرام اخذيلها منتي خسرانه شي وانتي كيفج

 

[سعودية!!!]

جيبيه لهااا بس احرصي مايكون فيه كام او بلوتوث.:.:...

 

[manhattan girl]

عادي حطيلها بس خل تعرف انج مفتحه عينج عليها عشان لا تلف و ا تدور و تسوي سوالف خدم هالايام كلهم عندهم موبايل و حطي في بالج شغله اهي يت و طلبت منج يعني تقدر تسويها من وراج بس اهي صارحتج حطي هالنقطه في بالج بعد

 

[جوـوـوري]

اشتري لها دام تبي ...احسن جدامج ولا من وراج
والحين كل الخدم عندهم موبايلات سواء علني ولا بالخش والدس .....خدامتنا الاولية قالت لامي ماما انا يبي موبايل يكلم ولد مال انا امي قالت لها متي ماتبين تكلمين اخذي تلفوني قالت لامي اوكي ماما مافي مشكلة
ولا بعدها بجم شهر تهاوشت مع خدامتنا الثانيه لا تشوفينهم وقت الهوشه لووول كل وحده طلعت فضايح الثانيه لوول شر البليه مايضحك ....الله يكافينا شرهم ...طلع عندها موبايل .....مالت عليها من ورانا ...

فـ اشتري لها ......

 

[miss mama]

ما تدرين انها مووضه بين الخدمه !!!؟؟؟

حتى انا قالت لي ابي موبايل !! جان اشخطهااا بعصبيه (( ليش يمه ؟؟؟؟؟؟؟؟؟)))

ردت علي رد مقنع ( طبعا مدرستها خدامه اهلي لانه الي عندي ثوووله ما تعرف كوعها من بوعها ..ردت علي قالت(( عشان انا يبي يكتب مسج بدال الرساله ))

طبعا اول شي كسرت فيها وقلت لها لاااا عندج تلفون البيت متى ما تبين خلي اهلج يدقون..وفوق هذا كله تخيلي والله العظيم كل شهر زوجي يعطيها كروت اتصال عشان تكلم اهلها ما يحسب عليها ولا ياخذ منها فلوس مدلعينه اخر دلع

بس الي كسر ظهري انه اعرف الخدم لا حقدو ينتقمون منج بعيالج..فا انا يوم شفت نفسي قمت انزرها واكلمها باسلوب شوي خايس..قمت عاد علقتها قلت لها خلاص يصير خير اقول حق بابا واشوف شنو يقول....................ولطعتها شهرررررررررررررر واهي تنطر..راحت من وراي كلمت زوجي قالت له ابي موبايل !!!!..اختارت الوقت المناسب ( هذا وانا اقول ثوله طلعت سووسه)..فا راح زوجي شرالها خط وتلفون وحطينا عليها شروووط قلنا لها التلفون هذا ان شفناه بيدج يا ويييييييييييييييلج يا سواد ليلج خشيه واذا بتكلمين اهلج كلميهم بليل بعد ما كل عيالي يناموون ...واهم شي اهم (( انا عطيتها نظرررررررره قلت لهاان شفتج معطيه الرقم حق اي خدامه داخل الكويت يا ويلج اخذ منج التلفون فاهمه؟..قالت اوكي ..وهذا الحين..اخر اليل تطقها سهره على التعبث بتلفونها وما تصحا الا 11 الظهر صارت اهي المعزبه !! ما تقوم الا لما ارفس الباب عليها اسحبها من كشتها هههههههههههههههههههههههه... اقول عطيها تلفون بعلمج احسن ما يكون من ورا علمج..ورااااقبيهااااااااااااااااااااااااااا واذاا تقدرين بوقي مسجاتها من فتره لفترة وحاولي ترجمينها عشان تشوفين شنو وراهاا

 

[دنيتى زوجي M]

لو ماجبتيه لها بتجيبه من ورآآآج .

أشتريه لها وخليه عندج اذا بغت تدق برا عطيها واذا طلعتي خلي عندها

صح كلامهاا انا رفيجتى جذي يابتلها بس اذا بغت ادق تعطيها وتكون قاعده يمها واذا خلصت تاخذه غيره لا

 

[فاقده ابوهاااا]

انا اقول لا تشترين لها لان هذي البدايه راح تكون والله انا اول ما يبت خدامتي شرطت على المكتب لا تليفون ولا طلعه ومع الايام قالتلي ابي تليفون وقلت لها لأ جان تقولي وديني المكتب وخذيتلها لاني محتاجه لها ومع الايام اشوف عندها موبايل ثاني وقامت تطلع كل اسبوعين مره ولا اخر مره لما شافتني اكلم رفيجتي بالمسنجر بلندن استحلت الشغله قالت ماما انا ابي كمبيوتر والله وراسكم