اسوي العمليه ولا لأ باقي يومين

[عروس كل يوم]

مرحبا بنات

بعد يومين راح اسوي عملية اليزك عند سامي ربيعة وخايفة حيل الي سوت العملية تفيدني وهل في حالات فشلت معهم العملية ونعموا مع هذا الدكتور وشكرا ردوا بسرعة

 

[كويتية مودرن]

انا بعد انتظر وياج اتمنى تنجح عمليتج بالسلامه

 

[نبع الوفا***]

لاتخافين سامي الربيعه شاطر ومعروف وانتي توكلي على الله ومن توكل على الله ماخاب

 

[ام الحلويين]

توكلي على الله حبوبه وسويها

انا مسويتها عنده من سنتين ونص تقريبا والحمد لله

وكان عندي انحراف شديد والنظر رايح فيها ....وتراها بسيطه تاخذ دقايق بس

وبنت عمتي نصحتها تسوي عنده وسوتها من كم شهر والحمد لله صرنا نشوف كل شي عقب

ماكنا عميان هههههههه نعمه هالليزك عسى ربي لايحرمنا من هالنعم والدكتور سامي

اشهر من نار على علم سويها وانتي متطمنه ومبروك مقدما

 

[۩۩ الجـــــود ۩۩]

سامى ربيعه يمدحونه

اعرف ثنتين مسوين عنده ومرتاحين

 

[الجوري74]

والله ما سمعت احد يذمه
موفقه
انا مفكره اسويها عند عبدالله المنصور ان شاء الله
بس موالحين لما يبرد الوقت يقولون احسن
والله اعلم

 

[الجوري74]

والله ما سمعت احد يذمه
موفقه
انا مفكره اسويها عند عبدالله المنصور ان شاء الله
بس موالحين لما يبرد الوقت يقولون احسن
والله اعلم

اقصد لما يبرد الجو

 

[*دبدوووبه*]

حبيبتي استخيري ربج
وان شاءالله ماكو الا كل الخير
وشوفي نفسج
ان كنتي مطمنه ومرتاحه
توكلي على الله
وان كنتي خايفه ومترردده
ان شاءالله خيره لج

 

[ii DareeN ii]

استخيري وتوكلي على الله ان شاء الله سهاله

 

[إستبرق]

والله كل الي اعرفهم سووها وايد مرتاحين ويقولون ماتخوف ولا شي خالتي تقول جنها وحده تمكيجج بس بدفاشه خخخخخخخخخخخخ وانا انشاءالله ناويه اسويها ورى ما اولد حبوبه بجم يسوي العمليه عشان اعرف وموفقه حبوبه وتوكلي على الله بس ترى فتره لازم ماتحوش عيونج النور

 

[عروس كل يوم]

شكررررررررررررررا
ويعطيكم العافية وللة ريحتوني والعملية تكلف 450 دينار

 

[محتاجة لدعائكم]

توكلي على الله وسويها

وانا ناويةا سويها بس مو الحين

بس مفكرة بسامي الربيعة

 

[Harmony]

توكلى على الله و سويها و ما عليج الا العافية
انا سويت عنده خوش دكتور و فاهم لا تحاتيين

 

[ملح بدويه]

توكلي على الله ولا اله الا الله

انا خاتي مسويته من سنتين وما شاء الله عليها زرقاء اليمامه صارت

 

[سوووسااا]

حبيبتي عروس كل يوم بشرينا عنج شصار معاج انا ناويه اسويها عنده عالاسبوع الياي بروح اخذ موعد حق العمليه

 

[QT]

لا عليكم امر

ابي رقمه

وين عنوانه

الرقم اللي عندي مفصول عن الخددمة
ودورت بالجرايد ما لقيت


يا ريت تفيدوني

يا رب اسوي العملية بالعطلة واخلص

 

[سوووسااا]

حبيبتي عنوانه الفروانيه بجانب نادي التضامن بس ارقامه مااعرفها سوري حبيبتي

 

[سوووسااا]

حبيبتي QT هذا رقمه لقيته :eh_s(6):
826826

 

[QT]

اووووووووووووووف بالفروانية؟

يالله

والله حسبت انه بالسالمية او مكان بعيد


تسلموووووووووون

والله العظيم ساعدتوني حيل

ربي ييسرها واروح له


الله يجزاكم خير

 

[QT]

دقيت اطلعت الصيدلية ههههههههههههههههههههههههههههه


ااخذت موعد وربي ييسرها

احتمال بس فحوصات

اما عملية مو الحين عشان الدوام

الله ييسر امورك مثل ما يسر لي ربي امري