اسوي التكميم ولا لا موعدي قرب

[mizyana]

سويها وسمعي كلام الدكتور بلظبط اللي صار معاهم مظاعفات مو متبعين الدكتور​

 

[mizyana]

عند الدكتور باسل سميط عجيييييب​

 

[أم صالح]

طيب ليش ماتجربين الحلقه قبل التكميم لانه وزنج مو وايد اذا مانات عندج سنه شفتي ماكو فايده سوي تكميم

شوفي الهام الفضاله ماشاءالله صارت تهبل موايد ضعيفه ولا متينه تقول حلقه
وانا وايد من معارفنا مسوين تحويل وتكميم. يقولون يالييتنا سويناها من زمان صارو شي ثاني *

 

[om MaRyooM]

هذي شغلة نسبية

في ناس جنهم البخت مشالله وفي ناس فعلا يستمرضون
على حسب نفسيتج وارادتج ..

من اهلنا وايد سووها والكل مستانس من النتيجة .. واذا اكلتي اكل صحي وفيتاميناتج ماتنسينهم انشالله
هالاعراض تكون خفيفة

وبنفس الوقت امس يالنا خبر وفاة رفيجة خالتي الله يرحمها كانت بغرفة العمليات
بس هذا يومممها




انتي اذا مو محتاجة وااايد لاتسوينها نصيحة
بس اذا معزمة سوي استخارة

 

[AFRoDiT]

نصيحه ..
لاتفكرين بالحلقه , حتى لو نجحت مع بعض الناس , لكنها اثبتت فشلها عالمياً وهذي بشهادة كل الاطباء ان التكميم انجح عمليات السمنه حتى الآن ..

لحد يقوللج فلانه تعبت وفلانه ماتت وفلانه مادري شصار فيها
انا عمري 25 سويتها والحمدلله عايشه حياتي , اعرف وحده عمرها 40 تعبت وايد وماتقدر تسوق سيارتها حتى

ما اهتميت , ليش؟
لأن عمرها غيييييييييير عن عمري , و كتلة وزنها هم غير

لاتقارنين نفسج بحالات غير عن حالتج
اذا تبين تشوفين تجارب الناس
شوفي ناس نفس عمرج ومفس مستواج الصحي

يعني اذا صار حالة وفاة بسبب ارتفاع الضغط ولا السكر ولا أي شي
وانتي الحمدلله مافيج ضغط ,, لاتقارنين نفسج فيها وتخترعين

توكلي على الله حبيبتي
ربي يكتبلج الصحه والعافيه

 

[~ الــــزيــــن ~]

والله يا الغاليه انا انصحج تسوينها وبقوه
انا مسويتها وضعفاااانه حييييييييييييييييييييل

ولو يرجع الزمن ورا والله العظيم اسويها ومااتردد لحظة وحده
وصح الشعر يحت بس اول الاشهر عقب لا مع الدهون والفيتامينات يتغير

وفي خمول بس مو حيييييييل
الاشهر الاولى صج مااقدر اكل كلش بس الحين لا اكل بالحد المعقول


واذا بتسوينها نصييييييييحه لوجه الله غير الدكتور خالد العنزي لاتروحين ولاتفكرين انج تروحين

 

[بوغاتي88]

حبي استخيري وسويها مافي احلى من الرشاقة والصحة

 

[shawaqah]

الصراحة انا محتارة معاج

بس شرايج نتوكل على الله ونسوي​

 

[أغلى الناس]

بعد عمري مشكورين وماقصرتو والله انا معزمه ان شالله بسويها وبتوكل على الله وبعيش حياتي لي متى هالمتن احس مكبرني وابي الصراحه ريلي يتمتع حاله حال الرياييل وأحس بثقه جدامه والله كريم

 

[أم حمادين]

توكلي على الله بس استخيري قبل احسن

 

[SHEEKO]

سويييييها ولاترددين - اانا مسويتها من 4 شهوور
حيااة ثانية تحسين كأنج توج مولوودة , ومافيها تعب حيل بس أول شي
وبتنسيين التعب لاشفتي النتييجه
توكلي على الله وسويييها

 

[أغلى الناس]

يابنات الموضوع مال المره اللي توها توفت اثر فيني وايد الله يرحمها ويغفر لها. قمت اوسوس واتصلت حطيت موعد عند الدكتور خالد العنزي بساله اذا فيها مضاعفات حق اللي بوزني ولا لا خصوصا ان دكتوري وقعني على ملفي ومادري شوقعني عليه وبشوف شكثر راح انزل نزولي بيكون طبيعي ولا هزيل شرايكم بنات

 

[أم صالح]

والله أنا بعد اثر فيني وايد ولولاها مانمت احاتي اعيالي. خصوصا ان موعدي هاليومين فتاق وشد وانا موتاكم للدكتور خالد بس أخاف من البنج. بس بعد تفكير يا اختي توصلت انه اللي الله كاتبه يصير ولو لي عيشه بالدنيا. بقوم بالسلامة. ولو الله كاتب انه هذا يومي بيسير سواء عمليه او غيره حتى لو بفراشي وبين اهلي والاستخارة اهم شي والله يقومنا بالسلامة يارب *

 

[أم صالح]

اسفه عالبدليات. ولولاها يعني يومها.

موتااكم. اقصد مرتاحه للدكتور *