اسودت الدنيا بعيني قبل عينه

[صديقه]

بنات انا محتاجة نصايحكم ومساعدتكم عفية حاولو تخففون عني
انا تأخر الحمل عندي ولما عملت سونار داخلي طلع عندي تكيس بالمبايض وهرمون الحليب شوي مرتفع وهذا ماضايقني لان في علاج بس اليوم انصدمت صدمة حياتي لما قالي الدكتور ان زوجي ما في حيوانات منويه انا كنت رايحه للدكتور اخذ نتيجة تحليلي وتحليل زوجي وقلت لزوجي لاتيي معاي بروح مع بنت خالتي انا توقعت ان يمكن الحيوانات قليله بس انصدمت لما قالي ان ماكو حيونات منويه بالسائل حسيت الدم نشف من جسمي يتلي البجيه وقالي لازم زوجج اييي ويسوي تحليل هرمون الصراحه ماتجرأت اقوله مافيك حيوانات منويه قتله ان بالتحليل مو مبينه حيوناتك فالدكتور طلب تحليل دم ودخلت الحمام ابجي لان ماابي يحس بشي صراحه تمنيت يكون فيني ولا فيه دعواتكم يابنات وافيدوني في علاج والا لا حدي منهاره احس ان النيا اسودت بعينه بس مايبي يبينلي

 

[مظلومه ياناس]

حبيبتي ولا يضيق خلقج ربج كريييييييييييييييم وقادر على كل شي ....... حطي عينج بعين اللي ماتنام عينه يالغاليه وزوجج له علاج والله سبحانه وتعالى جعل لكل داء دواء وانتي حاولي بهدوء وبكل حنيه تفاتحينه بالموضوع علشان تلحقون على عمركم وتبلشون العلاج ............... يا اختي انا والله اكبر دليل شوفيني قدامج عندي ولد اسم الله عليه مالي علي دنياي زوجي اصلا كان مريض وعفوا اذا قلت لج ماكان عنده انتصاب اصلا وماكان يصير جماع الا مره او مرتين بالشهر وسبحان الله حملت ....................... ربج قادر على انه يرزقج لايضيق صدرج وانا اختج

 

[هندااا]

لا تضيقين خلقج ....حبيبتي



ترا الدكاترة يقدرون يطلعون حيوانات منوية من داخل الخصية يعني يسحبونها بابره او يفتحون الخصية ويطلعون حتى لو حيوان واحد تقدرين اتسوين تلقيح مجهري وباذن الله ينجح.....



ترا الطب تطور مو مثل الاول




الله يرزقني ويرزقج ويرزق كل محرووووووووووومة

 

[صديقه]

مشكوره اختي على كلامج وانا اعالج عن دكتور بس خايفه انه مايكون في علاج يعني لو كان في حيوانات منويه شوي جان يمكن قدرت اهدى بس اهوا ما في اي حيونات منويه وهذا الي مضايقني اتمنى الي مر عليها مثل هالسالفه و سامعه بعلاج تفيدني

 

[شموخ العجمية]

ياقلبي لا تحاتين هذا خالي نفس حالة والله الاحين عنده ثلاثة تخيلي دكتور كان يقوله مستحيل التحمل
كله باذن ربج بس انتي ادعي

 

[$غــ(ز)ــل$]

حبيبتي الله يرزقج الذريه الصالحه عاجلا غير آجل
لاتتضايقين وباذن الله تكون مشكلة زوجج بسيطه..انا زوجي ماعنده حيوانات منويه..والحمدلله راضيه وصابره
اول شي لازم يسوي تحاليل هرمونات..واذا الهرمونات سليمه (مثل حالة زوجي)لازم ياخذون خزعه من الخصيه(ابره)عشان يدوورون حيواانات منويه..واذا لاسمح الله ماحصلوا لازم يسوي عملية فتح للخصيه للبحث عن الحيوانات المنويه..عشان تسوون حقن مجهري

يمكن تكون مشكلة زوجج بسيطه يعني مثلا عنده انسداد او ماعنده ناقل للحيوانات المنويه..
واذا تبين اي شي راسليني على الخاص صارت عندي معلومات من كثر ما احوس على المنتديات وادور علاج والحمدلله على كل حال

وبالوقت هذا كوني قريبه من ربج واستغفري وادعي لاني مريت بنفس حالتج والله يعينج ان شاءالله

 

[قلبي*خضر]

يا قلبي عليك

عفيه عليك ما قلتي له

وكل مشكله لها حل وخليج معه اقوفي معاه وسانديه وادعي ربك

وان شاء الله امورك تنحل بالقريب العاجل

وربي معك وقلوبنا

طمنيني عليج يا الغالية

 

[PINK*LIPS 81]

الله يشافيه يا رب يرزقكم ويرزقنا .. حبيبتي لا يضيق خلقج ترا الطب تطور وفي ادويه وااايد وعلاجات حق هالشي ... هالشي كان في خال ريلي وتعالج والحين عنده 2 مشالله الله يخليهم له .. ادعي ربج واستغفري وااايد ...
نصيحه حبيبتي قولي حق ريلج كل شي عن التحاليل لا اتخشين شي عنه هالشي ما ينخش حببتي لازم يعرف عشان يتفهم الوضع ويتعالج بسرعه .. الله يهدي قلبج يالغاليه ويفرحج

 

[صديقه]

مشكورين على ردودكم والدكتور طلب ان زوجي يسوي تحليل دم عشان يشوف الهرمون عنده وعطانا موعد الاسبوع الياي والله كريم بس والله بالصلاة ادعيله الله يشفيه وقريت سورة مريم وبداوم على قراية القران وبتصدق له انشاله نلقى حل بس انا خايفه حالته النفسية تتعب والله ياريت فيني ولافيه

 

[النمساوية]

يا حياتي لا يضيق خلقج

لا تنسين ان فوقج رب كريم يرزقج من حيث ما تحتسبين خلي ايمانج بالله قوي

واكثري من الاستغفار والدعاء والله كريم ان شاء الله يرزقج بالذرية الصالحة

 

[حنون المزيون]

الله يشافيه ويرزقكم بالتوأم يارب
حبيبتي لا تدعين على نفسك قولي الله يشافيه ويعافيج وايد أحسن
والطب تطور وكل شيء بإيد رب العالمين بس أسعى يا عبدي وأنا معاك

 

[فراشة مغرورة]

حبيبتي لا تظايقين صدقيني رب العالمين كبير ( خلق نمله و ما نساها ) تبين ينسى عبده ؟؟
كثري من الدعاء وصلاة الليل وحاولي كل يوم بعد صلاة العشا تقرين سورة الواقعة تشرح صدرج و تفتح لج ابواب الرزق و زين سويتي ماقلتيله . انا من رايي لا تقولين له ماعندك حيوانات . قوليله في نقص أكيد الدكاترة بيعطونك الدوا الي يزيدهم و لا تظايقينه دام أهوا ريلج وباجر بيصير أبو حق عيالج , اوقفي معاه و ربج مع الصابرين

 

[Hello_kitty]

حبيبتي لا تضيقين خلقج ما انزل الله من داء الا ومعه دواء

الله يقدر والأطباء عاجزون

حبيبتي هوني على نفسج زوجج لا اول ولا اخر واحد وايد سمعنا واكيد انتي سمعتي عن ناس وايد قالولهم مالكم

امل بالإنجاب ويابوا اعيال بدال الواحد اثنين وثلاث

اقري قصه العقيم والرسول صلى الله عليه وسلم شنو انصحه؟؟

لو تتسكر ابواب كل الدكاتره الله سبحانه وتعالى

لا يوصد لــــــــه باب

وليس بينه وبين عبده حجاب

حبيبتي انصحج بالحجامه والرسول صلى الله عليه وسلم نصح فيها

تعالج العقم وتأخر الإنجاب

 

[out of reach]

يالله يارب يسهل امرج ويشرح صدرج ويفرح قلبج من حيث لاتعلمين اجلا غير اجل يارب

 

[أمونة الحلوة]

حياتي انتي لا يضيق خلقج ولا شي ترى الطب تطور وايد الحمد الله مو مثل اول وكل شي له حل ان شاء الله ويمكن تكون حالته بسيطه يمكن عنده انسداد علشان جذي التحليل مافيه حيوانات منويه كلش او يمكن كان تعبان يوم يعطيهم العينه خليه يرد يعيدها مره ثانيه والحين في ادويه وابره تزيد شوي من العدد وفيه تلقيح صناعي وحقن مجهري تساعد مثل هالحالات على الانجاذ باذن الله

خليه ياكل عسل وفيه غذاء ملكات النحل ترى وايد زين

او يشرب دارسين مع زنجبيل

ترى مثل هالشغلات الطبيعيه تزيد من عدد الحيوانات المنويه

وربي ان شاءالله يشافيلج زوجج يارب ويرزقكم بالذريه الصالحه

وانتي داومي على الاستغفار والصدقه بنيه الانجاب وقراءة سورة البقره ومريم

 

[bnt_kwt]

لا يا حبيبتي لا تخافين ولا يضيق خلقج الطب تطور
ووايد نفس حاله زوجج وكاهم ماشاء الله تبارك الرحمن عيلوا وعيالهم كبروا
مافي شي بعيد على رب العالمين

وولد اخو مرت خالي الله يرحمها كان في نفس الشي مافي صفر
وزوجته الاوليه طلبت الطلاق منه وما صبرت عليه تزوج بنت خالته
وقعدت مده طويله وسبحان الله الحين عنده 6 يهال ماشاء الله تبارك الرحمن

الأمل بالله كبير اختي

 

[foozia_87]

قولي اللهم اجعل بيني وبين زوجي مودة ورحمه وكثر نسله وبارك فيه ..
والمشكله باذن الله بسيطهومالج يمكن هرموناته نازله واذا عالج راح تطلع الحيوانات المنويه لي بره واذا ماله علاج مالج الا اطفال الانابيب وربي يسر امرج بالدنيا والاخره ..
حبيبتي لازم تفاتحينه وتوصلين له المعلومه عدل وتفهمينه انه في حل وصبري ان الله مع الصابريه
ووقفي معاه بهل شده وخليج دوم يمه وحاولي تدلعينه وتلمينه قد ما تقدرين ترى تخففين عنه وااااااااااايد
والصبر مفتاح للفرج

 

[eng.q8]

الله يرزقج ان شالله والله كريم ان شالله

 

[الاسطورية]

يارب تكون صدفه يومها مافي حيوانات منويه
وان شاءالله يكون التحليل الياي سليم

الله كريم يرزقج ان شاءالله

 

[Dancing^Queen]

حبيبتي لاتقنطين ورحمه ربج موجوده
خلي ايمانج برحمه ربج وقدرته قوي
وان شاء الله برزقج مو ياهل واحد توم بكل حمله يارب
ومو معناه ان عدد الحيوانيات المنويه صفر ان زوجج كتب ابد الدهر عقيم !
ان شاء الله يكون في علاج ويستجيب بسرعه ويرزقج بتوم
ياما ناس كان الكاونت لهم صفر
وتالي بقدره قادر ورحمه ربج مع علاج رزقهم بذريه