اسمحولي انا تقليد سوبر اي وغيري اي بس ؟؟؟

[أم عبوودي11]

السلام عليكم بنات
خل نتكلم بصراحه ونتناقش وان جاني غلطانه فيدوني

اعتقد قاعدين تشوفين اسعار الجناط التقليد وتكرمون الجواتي وغيره وغيره

ولاقلتي غالي قالت انا سوبر اي
البضاعه اصلا صينيه ورخيصه وكلنا نعرف

قسم بالله ان خالي يابلي جنطه تقليد درجه اولي ولاتصيدينها انها تقليد خصوصا اني مستحيل البس تقليد والله ماتفرق تتوقعون بجم قالي تطلع 7 دنانير كويتي وخم لي ولزوجته قارنتها مع جنطه امي ماتصيدينها حتي نوع الجلد
قلت له شنو 7 مو في درجه اولي غالي قالي هذا كله حجي ماخوذ خير وحجي فاضي من صجكم
لاواللي يغث قمصان الصين بو دينارين بو خمسه انزين بيعيهم بعشره هم ربحانه ووايد وندري كلنا اهما بجم صيني قاعدين ينباعون على 40 و50 وبالتنزيلات 25 وان طاح بجبدها بعشره من صجكم جذي مافي ضمير لي هالدرجه الناس صارت بس تبي فلوس انزين ربحوا واستانسوا وزيدوه وونسوا الناس خل تستتانس ياليتني فاضيه جان ايب وابيع على خمسه وعشره وافك كويتيات من هالسوقه والنصب ياليت اللي عندهم ضمير يسونها

اوكي موبس هالسالفه ربحوا ماقلنا لا واحنا اول من يساعد الكويتيات
بس مو على حسابنا شنو سويتي اذا تدبلون الاسعار دبل الدبل ربحي ماقلنا لا وعسا الله يزيدج ويبارك لج بس مو دبل الدبل خافوا الله بس رحمونا ولاتلومون الغرب عيل لانصبوا علينا اذا عيال الديره جذي ولكم النقاش

 

[مرت راعي التاكسي]

صاجة بس منو يسمع


انتي الحين اتكلمين وغيرج عشرة يشترون فلا تلومينهم اذا زادوا الاسعار لانهم لاقين اللي يشترون

الله يرزقهم بس عن نفسي ماعمري شريت من الحريم الا دراعة وحدة بسسسسسسسسسسس ومغصوبة عليها من خواتي وكاهي بالكبت باجياسها

صج يا سيدات الاعمال خافوا الله فينا عشان الله يبارك لكم في حلالكم

 

[العبيدان tenuta]

رد : اسمحولي انا تقليد سوبر اي وغيري اي بس ؟؟؟

كلامج عدل وعين الصواب مع احترامي وتقديري للكل والجميع بس اكو مثل كويتي يقول رزق القطاوه علي الخاملات واعتقد كلنا مرينا ولا زلنا نمر بهالمواقف واكو اشياء ندري عنها واكو اشي اء للحين إحنا مغشوشين فيها أهي ردت علي هالمقروده اللي بتربح لها خمس دنانير عيل أفيدج اكو محل بالعارضيه مخزن كبير يبيع عطورات وهو اللي يوردها حق الجمعيات ومركز وجوه وبيضون. ومكياج. وماركات أصليه بنص القيمة يعني العطر بو 30 يصير12 تري أصليه مو تقليد وتقدرين تروحين تشترين منه. هذا ابسط مثل اقوله لج. وما خفيه اعظم واكو ناس مالها خلق تلف وتدور

 

[أم عبوودي11]

اي ياليت احد ياخذ موقف حتي هنود المحلات لاقيلتيله غالي ومشيتي ايام اول قبل لاتوصلين الباب يردج الحين يقولج روحي الحين يجي غيرج ويشتري

 

[..<< ندى الورد >>..]

رد : اسمحولي انا تقليد سوبر اي وغيري اي بس ؟؟؟

ايه والله صاجه

 

[شووكولاته]

شنط بالمنتدى على 30 وبره على 15

وفيه بخمسه وهني بالثلاثين

 

[جــــود]

<< داشه عرض ام عبيدان ياقلبي وين هالمحل اللي بالعارضيه

كلامج عين العقل يام عبودي انا عن نفسي مااشتري الاشياء المبالغ فيها ومبين عينك عينك نصب شدعوه عندنا عقول والله ميز البني ادم بالعقل

 

[tmtmt]

حبيبتي بس لا تنسين
لذا الشخص راح وشرا بنفسه ارخص من الطلب

اذا طلبتي الموقع نفسه ياخذ شحن على حسب البضاعه قولي ٣ دنانير
غير ارامكس او الشركه الي تاخذ الطلب شحنننها وااااااايد
يوصل ال ١٠ دنانير

شوفي جم تطلع عليها عرفتي

بس هم اكيد في البعض يبالغ باسعاره

 

[q8y-moon]

اي انا سامعه عنده الي بالعارضيه بس مو محل جنه بيت صح؟؟؟

 

[شموع الفرح]

بصراحه انا عندي مبدا بدال ما اقط على التقليد 50و60 احط عليها 50 و 60 ثانيه واشتري الأصلي وايد ابرك ولا شرايكم
وترا الملابس روحوا ستي سنتر فى محلات بضاعتهم من الصين والأسعار ارخص

 

[النشبه88]

المفروض من نشم ريحة نصب ما نشتري منهم احنا مو بعازتهم والسوق فيه كل شي وشحقه تقليد ومو شرط حتى الغالي كلش ... في المعتدل بس المهم انه تاخذين اللي يسوى سعره ويكد
وشكرا عالموضوع

 

[عرش الأنوثه]

صح كلامج والله ام عبودي يبالغون بالاسعااار حيل وكلها تقليد يروجون برا يشترونه رخيص وييون هني يبيعونا غالي عبالهم بشعرنا دهن

 

[منوووووله]

حلوو انج تشترين اصلي وهم مافيها شي لوشرينا تقليد درجه اولى كلها جناط او لبس

وحده يابت بضاعه من الصين الجنطه ماطلعت عليها 15دينار يوم قلت بشتريها صكتني 70 دينار@@

هاذامواصلي لواصليه جم بتقول @@

 

[ORKDI]

عطيج معلومه عمتي صار خبيره بالصينه من كثر ما تروح لها

تقول ما في محل من اللي يسوى تقليد قعد راسي


في اخر سفره تقول طحت على محل شنو مصيبه

والله ما تقولين تقليد اصليه اميه بالميه

تقول اخذ لي جنطه حلووووووووووووه 12 دينار بس

جان تقول حق الصينيه طلع يتكلم انجليزي تدري هذي بالكويت يبعونها 70

جان يضحك جان يقول اصلنا التقليد الدرجه الاولى ما تطلع من الصينيه اله وحده او ثلث بس

ما تطلع بكميه كبيره

مثل اللي ياخذون بضاعه من الكويتين ما ياخذون درجه اولى ياخذون درجه ثانيه اول ثلثه وهذي تعرفين انه تقليد

قالت عمتي لا انا متاكده

قال تبين تشوفين بعينج يطلع لها دفتر فيه ارقام كويتيه

يقول كل هذيل ياخذون مني تقول دفتر متروس ارقام

جان تقول لها عمتي انزين اهم يقولون لنا درجه اولى

قال لا لانه الجمارك الصينيه ما طلع تقليد بكميه كبيره

ثاني الشي الكويت ما ادخل التقليد بكميه كبيره

يعني اذا تبين اعطيج وحده ثنتين لي عشر

مو كثر

@@ صادوه هههههههههههههههههههههههههههههههههههااااااااااي


وبعدين في بنات بصراحه يجبون تقليد يفشل

موديل قوشي تقليد ال في

شلون ما ادري

 

[♥ąϻᴑŁ♥]

رحمــة اني مــآآحب التقليد ولا ايـي صوبـــه ~.!!

 

[أم عبوودي11]

اللي يقولون مانلبس تقليد الموضوع موموضوع تقليد او اصلي الموضوع النصب ليششششششششششش وعلى بنات ديرتج هذي القمنده

 

[عاشقه مودي]

رد : اسمحولي انا تقليد سوبر اي وغيري اي بس ؟؟؟

صدقتي أم عبودي !!
تبين الصج صارت التجاره ما تمشي الا بالنصب أستغفر الله ...


يعين الله بس

 

[* ليــــدي *]

ماكو رقااااااابه

 

[noorq8]

ومنو يقول لج ان المحلات ماتنصب !!!
عندج الحين محل لحظه من فضلك بفرع برج جاسم ,أنا عادة أشتري من فرع زهره ومن 4 أيام بالصدفه رايحتلهم بزهره جان تقول ترى اليوم تنزيلات بفرعنا ببرج جاسم تتوقعين كم التخفيض ؟؟؟
90% !!!يعني بو 100 دينار صار بعشر دنانير وفعلا شريت لكن تراهم مو بايعين بخساره هم ربحانين ,تفضلي هذول تجار ومحلات وشوفي النصب لي وين والله الحرمه جدامي شاريه نفانيف بنوتات بو 3 سنوات من 170 دينار لي 17 دينار وففرصه اللي عندهم عيال صغار لايفوتكم وفي أحذيه عجيبه للجهال ......................عطيتكم عرض مغري عاد لايفوتكم .

 

[FeShinGoOo]

رد : اسمحولي انا تقليد سوبر اي وغيري اي بس ؟؟؟

موعيب ان ترفع السعر وتربح وتطلع لها جم بيزه تعيش فيها بس اللي يقهر ان فرق السعر يوصل 6 ولا 7 دبلات ..!!
يعني اوكي اخذي فلوس الشحن وزيدي فوقه دبل السعر مو كافي ؟ لبسش الطمع والجشع ؟؟