اسماء 1456 مواطناً ومواطنة مرشحون للعمل في الجهات الحكومية

[Miss Golden]

الله يبارك فيج يا حياتي

اييي والله
انا يوم ابوي راح راجع قالهم في وحده موقفه اسامي البنات كل ما يقبلونها ترفض الا تبي الماليه الاخت
يقول السستم ما ينزل الاسامي اللي بعدها الا لمن اهي تتوظف عرفتي ؟؟

يعني كانت موقفه توظيفي وتظيف غيري الله يسامحهاا

روحي حبيبتي راجعي فديتج

حبيبتي انا كنت مسويه جذي بس مو بالماليه كنت ابي ديوان الخدمه بس ماله شغل بالعكس

وايد كانوا يدقون علي انا وابوي يسألوني اذا مابي المكان الفلاني عشان اهي تاخذه لان اسمي اول اسم من تخصصي

وكنت دايما ارضى طبعا لاني مابي الاماكن اللي يبونها عليهم بالعافية

الحين شلت هالشغله مابي الديوان لانهم عقب ماقابلوني و قالولي أووووكي تخيلي قبلوا بسسسسس وحده و واحد !!! :eh_s(1):

قلت يباا مابيهم خلاص والحمدالله خيره لاني تزوجت والحين ريلي مايبيني اداوم بعيد بالديره..

كل مره قاموا يقطوني بوزاره واكنسل اذا ماعجبتني ليما احصل المكان اللي يناسبني والله كريم

 

[Miss Golden]

ساعات يكون الجهه رافضتهم

وساعات اهم الي رافضين

وفي بنات الله يهديهم 3 مرات يرفضون

يعني ماري وين تبي يوضفونها بالمريخ يمكن

حبيبتي انا من الناس اللي وايد رفضوا ولي اسبابي الصراحه -----> أحس حقدتوا علي:krkrkr:

لا بس اول شي كتبت بردي اللي قبل هذا اللي تتبي تتوظف واسمي يكون قبلها يعطونها رقمي او رقم ابوي لانه ولي امري و عاادي اكنسل المكان واوافق انها تشتغل مكاني...

بس انا بقولج وضعي مانبي لا مريخ ولا زحل

اول شي انا كنت مدرسة انجليزي و قدمت استقالتي لاني شفت نجوم الظهر ويييع عالتربيه

المهم ماكان تخصصي التربيه اصلا وانا شهادتي من بره الكويت يعني تعبت على دراستي و غربة و فوق هذا اهلي قاطين علي مبلغ و قدره مو شوييه عشان ارد ديرتي وانقط باماكن ما تناسبني نهاائيا!!!!!:eh_s(1):

الله يسلمج مثلا مرتين يقطوني بالصحه...

مرتين بالداخليه..

مرتين بالدفاع ..

و هالاماكن ريلي معاارض عليهم

قطوني بالشئون

التربية مره ثانيه

التخطيط كنت بوافق عليه طبعا هالكلام قبل الزواج بس قريت من بنات المنتدى و سألت عنه ماعجبني كللللش ملش.. وكل وحده برايها

الاماكن اللي اخترتها طبعا ما حطوا اسمي فيها


ايي الحين عقب ماتزوجت ريلي يفضل اني اشتغل بمكان قريب يعني مو بالديره واللويه .. جنوب السره مثلا فيها وايد اماكن مثل الاسكان و البطافة المدنية والكهربا والماء..

والاحمدي بعد خوش مكان لانه عكس الزحمه



بس بغيت اقولج عن نفسي لان مو معقوله ارضى بأي مكان واتوهق فيه وريلي مايكون راضي عشان يتوظفون اللي وراي مع العلم ماكنت ادري بهالسالفة الا توه وانا اقرا كلامكم.. ولا بالعكس وايد دقوا علي مثل ماقلت و استغنيت عن الوظيفة لهم الله يهنيهم

 

[احلا عجميه]

بنات انا جدامي مرفوضين واجد شلون انطرهم يعني وانا شكو
طيب اذا ابي اتجاوزهم شلون الطريقه وعلي اي اساس ادق علي رقم واحد واتجاوزها؟
شنو المطلوب اسويه فيدوني مقدمه من 2008 الفتره الرابعه والعشرون فترة التسجيل
هذا ترتيبي
15 / 106
مؤهل للترشيح لأول مرة(المرفوضين 31)

 

[Miss Golden]

أحلى عجميه..

شوفي انا لاني كنت ارفض كانوا الديوان نفسهم يعطونهم رقمي او رقم أبوي

بس مرات تدرين يدقون علينا الديوان قبل نشر الاسماء ويقولون لنا عن المكان اللي بيحطوني فيه واكنسل قبل لا ينزل اسمي فجذي ما اعتقد يأثر على احد...

انزين بسألج..

شلون عرفتي رقمج بالديوان؟؟

 

[احلا عجميه]

هلا مس
اي يعني عادي اتجاوز اللي قبلي صح؟
اذا في احد تجاوزج بس ابي الطريقه يبيلها كتاب من وين اجيبه؟


رقمي الله يسلمج دشي السايت مال الديوان ودخلي بياناتج وعقب طقي معرفة الترتيب تلاقينها تحت اسمج القائمه وبس

 

[Miss Golden]

احلى عجميه..

اييه حبيبتي وايد تجاوزوني بس مادري شنو اللي سووه بالضبط بس الاكيد انهم دقوا علي أو على ابوي ( ولي الامر )

حتى اذكر وحده يحليلها دقت علي بالليل و ثاني يوم من صباح الله خير عشان تتأكد اني مابي الشغل وطارت من الفرحه لانها ميته وتبي هالمكان


الحين انا بالسايت

فترة التسجيل 25

بس ماكو معرفة الترتيب امبيه شكلي مضيعه!!

 

[غلا الأيام]

الله يعطيج العافية

والله يوفقكم يا رب

 

[kuwaitya-frawla]

واي انا جدامي وايد لو بروح ادق على منو ولا منو ههههههههههههههه

 

[احلا عجميه]

مس طقي لمعرفة الترتيب تحت فديتج

 

[رمال من ذهب]

حبيبتي انا من الناس اللي وايد رفضوا ولي اسبابي الصراحه -----> أحس حقدتوا علي:krkrkr:

لا بس اول شي كتبت بردي اللي قبل هذا اللي تتبي تتوظف واسمي يكون قبلها يعطونها رقمي او رقم ابوي لانه ولي امري و عاادي اكنسل المكان واوافق انها تشتغل مكاني...

بس انا بقولج وضعي مانبي لا مريخ ولا زحل

اول شي انا كنت مدرسة انجليزي و قدمت استقالتي لاني شفت نجوم الظهر ويييع عالتربيه

المهم ماكان تخصصي التربيه اصلا وانا شهادتي من بره الكويت يعني تعبت على دراستي و غربة و فوق هذا اهلي قاطين علي مبلغ و قدره مو شوييه عشان ارد ديرتي وانقط باماكن ما تناسبني نهاائيا!!!!!:eh_s(1):

الله يسلمج مثلا مرتين يقطوني بالصحه...

مرتين بالداخليه..

مرتين بالدفاع ..

و هالاماكن ريلي معاارض عليهم

قطوني بالشئون

التربية مره ثانيه

التخطيط كنت بوافق عليه طبعا هالكلام قبل الزواج بس قريت من بنات المنتدى و سألت عنه ماعجبني كللللش ملش.. وكل وحده برايها

الاماكن اللي اخترتها طبعا ما حطوا اسمي فيها


ايي الحين عقب ماتزوجت ريلي يفضل اني اشتغل بمكان قريب يعني مو بالديره واللويه .. جنوب السره مثلا فيها وايد اماكن مثل الاسكان و البطافة المدنية والكهربا والماء..

والاحمدي بعد خوش مكان لانه عكس الزحمه



بس بغيت اقولج عن نفسي لان مو معقوله ارضى بأي مكان واتوهق فيه وريلي مايكون راضي عشان يتوظفون اللي وراي مع العلم ماكنت ادري بهالسالفة الا توه وانا اقرا كلامكم.. ولا بالعكس وايد دقوا علي مثل ماقلت و استغنيت عن الوظيفة لهم الله يهنيهم

لما ترفضين في بنات بدالج توظفوا زين جذي

مشاالله عليج وزارات الديره كلها عرضوا عليج وظايف ومو عاجبج مشاالله عليج عشان ما تقولين عطيتج عين

انا والله لو اي وزاره راضيه

 

[ام الورد83]

اشكالنا مطولين (حبايب قلبي ) ولا ابشرج صارلي 3 سنين مقدمه

 

[Miss Golden]

مس طقي لمعرفة الترتيب تحت فديتج

اييه حبيبتي طقيت مشكورة بعد عمري :**

 

[Miss Golden]

لما ترفضين في بنات بدالج توظفوا زين جذي

مشاالله عليج وزارات الديره كلها عرضوا عليج وظايف ومو عاجبج مشاالله عليج عشان ما تقولين عطيتج عين

انا والله لو اي وزاره راضيه

لوول لا عادي افا عليج :d

انتي شنو شهادتج و تخصصج رمال؟؟ والله اغلب اللي يختارونهم دبلوم ترى والسالفة حظ

انا الاماكن اللي قطوني اياها ماتنفعني بكل الاشكال خصوصا عقب ماتزوجت ريلي مايرضى بأي مكان ولا قبل الزواج عادي لو اداوم اي مكان بعيييد او يخلصون متأخر بس الحين وايد صعبه..


يالله ان شاءالله المره اليايه اسمج نازل و تقر عينج

 

[Miss Golden]

واي انا جدامي وايد لو بروح ادق على منو ولا منو ههههههههههههههه

حبيبتي يمكن يشوفون انتي شنو تخصصج و يخلونج تكلمين اللي قبلج بنفس التخصص

اعتقد اللي كلموني انا وابوي نفس تخصصي بس دورهم وراي عرفتي..

ان شالله الدفعه اليايه ينزل اسمج

 

[kuwaitya-frawla]

امين الله يسمع منج و ينزل اسمي بالدفعه اليايه

 

[خشف بدو]

فراوله انتي اي دفعه مسجله اسمج بالديوان؟

 

[حبايب قلبي ثلاث]

انزين انا المرفوضين 3ماكو شغل اقعد ادقدق على كل وحدة واللة تعالي رفضي فرضا وحدة تفلسفت علي ولا مودها على حظي مو اوكي واللة عادي تصير صكة بالتلفون معاها.:eh_s(4):

 

[رمال من ذهب]

لوول لا عادي افا عليج :d

انتي شنو شهادتج و تخصصج رمال؟؟ والله اغلب اللي يختارونهم دبلوم ترى والسالفة حظ

انا الاماكن اللي قطوني اياها ماتنفعني بكل الاشكال خصوصا عقب ماتزوجت ريلي مايرضى بأي مكان ولا قبل الزواج عادي لو اداوم اي مكان بعيييد او يخلصون متأخر بس الحين وايد صعبه..


يالله ان شاءالله المره اليايه اسمج نازل و تقر عينج

انا من التجاري تخصصي دبلوم قانون