اسعار الولاده بمستشفى رويال حياة ابريل 2013

[soso7elwa]

السلام بنات

اليوم يبت لكم اسعار رويال حياة الاخيره

اذا دكتورج من المستشفى

نوع الولاده ليلي كاميليا الياسمين لوتس اوركيد بدون حديقه اوكيد حديقه

طبيعيه 700 / 1000 /2000 / 3000/ 3550/ 3850/ يومين
بالمساعده 800 / 1100/ 2100 / 3100 / 3650 / 3950 /يومين
قيصريه 1075/ 1765/ 3000/ 4450/ 5150/ 5550 / 3 ايام
رسوم عن كل
يوم اضافي 115 320 580 930 1130 1230



سعر الليله في جناح ديزني للاطفال 75دك
سعر الغرفه في الليله في جناح ميموسا 120دك طبعا هذا يستحق الدفع اذا قعدتي بغرفه الولاده اكثر من 6 ساعات ما ولدتي بس تعدين الساعه السادسه يدفعونج 120 دك يعني لج 6 ساعات بغرفة الولاده

طبعا زيدي عالاسعار 250دينار لان المستشفى تاخذها منج لا تساليني ليش على قولة اللبنانيه هذي سياسة المستشفى اقولها تامين تقول لا هذي للمستشفى يعني ليش مادري سواء دكتورتج من المستشفى او مو من المستشفى تدفعين هال 250دك ( يعني مادري شقول نبوقج وانتي قولي اي )



الاسعار اذا دكتورج بره المستشفى

نوع الولاده ليلي كاميليا ياسمين لوتس اوركيد بدون حديقه اوركيد حديقه

طبيعيه 450/ 750 /1750 /2750 /3300 /3600 يومين
بالمساعده 525 / 825/ 1825/ 2825/ 3375 /3675 يومين
قيصريه 725 / 1415 /2650 /4100/ 4800 /5200 / 3 ايام
رسوم يوم
الاضافي نفس الجدول الاول

وطبعا مو تنسون اتزيدون ال 250 دينار الي حق مادري شنوو سياسه المستشفى حمدلله والشكر
يعني كاميليا 1000 دينار بدون سعر دكتورج


هذي اخر الاسعار
قاعة الجوري 600دينار يوم كامل مع عدد 3 مضيفات وقهوه وشاي وماي والموالح والبسكوت
قاعة الجاردينيا 800دك يوم كامل 4 مضيفات قهوه وشاي وماي وعصير والموالح والبسكوت

 

[حمامة صالح]

الله يجزاج خير

 

[روعة خيال]

ما عليج منها انا ولادتين و الثالث ان شااءالله برويال و ما ياخذون شي بالعكس ادفع بعد ما اطلع

 

[Aloe Vera]

معلوماتج غلط اسمحيلي

أنا والدة مرتين هناك و الثالثة عندهم ان شاء الله

ما يأخذون زيادة ولا دينار بدون سبب يعني يا مؤاخذة إبرة ظهر او طالبة خدمات ضيافة او مصبغة و جذي

و المبلغ اللي الورقة تدفعينه نفسة نفسة

و توها أختي والدة بالكاميليا ١٠٠٠ شامل الدكتور و كل شي


و بعدين الأسعار صارلها ٣ سنين ما تغيرت من ولادتي اللي طافت نفسها

 

[مشتطـه]

سبحان الله ما افكر اولد فيه كلش


انا عشقي للسلام احببببببببببببه


وبعده دار الشفا

 

[ELFAD3Ah]

مشكوره

 

[soso7elwa]

هلا بنات انا اللبنانيه بطت جبدي الصراحه تقولي حتى لو دكتورتج من بره المشفى تدفعين 250 تدفعينها شلون يعني مادري واي شي اقولها تامين ولا شن تقول لا
قتلها انا مو مقتنعه بكلامج تقول هذي سياسة المستشفى
والله مادري الصراحه انا نفسي مو فاهمه
انزين اذا بغيت اكلم احد هناك من تنصحوني اسال لان اللبنانيه بطت جبدي جنها تقولي احنا حراميه كيفنا؟؟
وانا الصراحه هالشهر ولادتي ومال خلق بعد افكر مره ثانيه باللويه هذي

اي حبيبتي الو فيرا الاوراق الي عندي مكتوب فيها تدفعين 250دك في حالة الولاده القيصريه بعد ال 4 عصر وبالعطل

توني دقيت عالفلبينيه الي بالرسيبشن تقول هذا السعر الاساسي الي بالجدول مافي زياده الي للطلبات الزياده حق البيبي او الطبيبه بغت تحليلات ثانيه معينه قتلها شنو ال250 قالت قيصري الصراحه ما فهمت شي لووووول

الي والدين برويال حياة طبيعي بليز شاركونا ؟؟ ما نبي مصبغه ولا غيرا نبي كاميليا مثلا والسلام

 

[درة التاج]

سلام عليكم
حبيبتي سعر الولادة الإجمالي الي يأخذه منك المستشفي
يعطون 300 دينار للدكتورة الي تولدك اذا كانت من المستشفى
واذا كانت مت برا يعتمد علا دكتورتك كم تتفق معاك
وطبعا سعر الولادة الطبيعي مو نفس القيصري
الزياة مثل ماقالت Aloe Vera ممكن طالبة اكل او مصبغة
ابرة ظهر او طولتي في غرفة الولادة
ترا يعلمونك في قسم المحاسبة شنو الزيادة بالضبط

 

[Aloe Vera]

اذا والدة قيصري بعد وقت معين و ما تكون حالة طارئة تدفعين ٢٥٠
اذا ولادة طبيعية و ما فيها مشاكل ما تدفعين زيادة

أنا والدة مرتين ماخذو زيادة و دكتور تي كانت من برة المستشفى

 

[فيلا 5]

مرحبا بنااااااااااااااااااااااااااااااااااااااااات الي والده قيصريه بالليلي او كاميليا تفيدنا جم طلع عليها بليزززززززززززززززززز

 

[M!SS.LOBY]

يعطيج العافية

 

[فيلجاويه كيوت]

يسلموووووووووو

 

[لمة طفل]

شنو كاملينا
وشنو ديزني
فعمونا ابمصطلحات
وحق شنو سعر ٤٠٠٠ و٥٠٠٠
شدعوه

 

[؛؛sokrrah؛؛]

اب اول مره اغير عن الهادي وافكر برويال حاليا

 

[om attami]

​

انا والده قيصريه ب 2012

دكتوري من برى

ما اتذكر اي غرفه اخذت كاميليا او ياسمين او اوركيد والله ما اتذكر

بس اللي اذكره ان سويت استقبالي بالقاردينيا

وطلع كله 5000 الا شوي

والله انصحكم بالمستشفى واخذت ابرة ظهر

صج غالي المستشفى ويحاسبونچ حتى على الكرسي الزياده بس مااااا افكر اولد ان الله كتب مره ثانيه الا فيه

 

[om attami]

​

اهم شي الزهايمر حايشني واااااااايد مبچر

تأكدت من قصة ولادتي اللي قبل كاتبتها

اطلعت كاميليا

 

[أأأميرة الورد]

شدعوه هالاسعار ؟؟؟
وايد مبالغة فيه المستشفى هذا

الله يعينا صج