اسراري لأول مره...مكياج انيق ..نظيف..مرتب..نااعم..سوو كيوت :)..( تفضلوا )..

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

فــــاصـل التوفــــير..



"انا اشتري اللي احتاجه..
ما اشتري شي زايد عن حاجتي "

بإختصار شديد ..‘ إلقي نظرة , حول " تسريحتج = مايتسواليتج "..
إذا كانت تتضمن مستحضرات ما استخدمتيها ولا مره...
ومرتزه بلا هدف على الطاوله..

تأكدي وثقي بالله..

إنج ‘ كويتيه ,



ويازينّآ وياحلاتنّآ..

ولو نطل بالفواتير اللي امحذفته بكل مكان..والله يابنااات ذااك اليوم يمعتهم كلهم بشوف جم يصيرون ..فواتير شهر او شهرين... بدون اي مبالغه كانوا على وشك يصكون الألف دينار..

مع انها امور ماني بحاجه لها.. !

وبما إن في وحده من بنات المنتدى عجبني وااااايد سؤالها..قالتلي " شلون اقدر اشتري مكياج
متكامل واحتاجه 100%..بمبلغ مايزيد عن الـ100 دينار"..وكااان سؤال ذكي ونموذجي

مابي اصير من فئة اللي " يقولون مالا يفعلون "..واقولكم طرق وانا نفسي ما اتبعها
لأني مينونة مكياج وshopping بس انا متاكده انكم اذا حسيتوا ان الطريقه بتفيدكم
وانتوا بحاجه لهاا..راح تطبقونها اميه بالاإميه....


بإختصار قضبتي الـ 100 دينار واتجهتي للـ أفنيوز ....:

اساسيات المكياج راح نشتريهم من ماركتي المفضله " ماك"..
اما الباجي..راح نشتريهم من مكاان اوفر لكنه ينافس ماك بدرجة امتياز..


وطبعا لا تنسون ان احنا بنشتري مكياج " يومي" مو للسهره ..:

راح نشتري من ماك 4 شغلات راح تكلفنا 40 دينار.وخرده.:



(1)

1- ستيديو ستيك فاونديشن ..ولازم تحرصين لونه يكون مايل للبيج

او اللي جذي شكله...

اثنينهم يعتبرون كونسيلر..بس اختاري وااااحد منهم بس..
وانا افضل الدائري..مع ان البنات كلهم يحبون هذا..بس الدائري عملي اكثر..

(2)

راح نشتري الكومباكت بودر ( البودره المضغوطه)..
وانتبهي الحين لنقطه مهمه:
لازم درجته تكون منااااااااسب لبشرتج علشان يوفر لج تغطيه ممتازه..

(3)
اشتري حمرتين للأستعمال اليومي واتمنى يكون لونها يميل للوردي ماينمل منه مو للبيج..البيج يعطي بشرتج مظهر متعب..وارشح..


captive

ليش افضل هالدرجه بالذات ؟!
تقدرين تخففينها تحصلين على لوك بينكي..تقدرين تغمجينها على المزاج ..
وتقدرين تحطين فوقها قلوس وهم تحصلين على نتيجه ثالثه..
مناسبه لكل البنات السمر والبيض والحنطاويات..

و

please me

لكن ديري بالج لا تحطين منها لما يكون ويهج متعب..ولما تحطينها بكل الاحوال كثري
البلاشر ..

يتبع..

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

(4)
حبيبي و ولدي ..الفكس السائل من ماك..واللي سألتني شلون استخدمه قبل ولا بعد المكياج
بعد ماتحطين البيز رشي منه على ويهج ونطريه يجف ..راح تلاحظين وانتي توزعين الكونسيلر
ان مااكو آثار للمسات ايدج وان الكونسيلر صااار ثاااابت وتقدرين تتحكمين بالمزج..
وتقدرين ترشين منه بعد المكياج يعطيج مظهر نضر ومنعش..

الحين بنروح مكان ثاني..


make up for ever

راح نشتري البيس..وافضل ( البفنسجي) للإستعمال اليومي..لأنه معروف ان البنفسجي
للبشره المجهده ..

بجذي نكوت طيرنا 50 دينار..وخرده..

راح نتجه الحين إلى..



صيدلية بوتس اللي يم بروي..واخذي السله بيدج بنشتري اكثر من شغله..

باقي عندنا 50 دينار..
راح نشتري ..

ماسكرا لوريال السوده ( ممتاااازه بس ماتبين من اول استعمال )..وسعرها 6 دنانير..

كحل نيفيا.. ماحصلت صورته..لكن ممتاز للإستعمال اليومي..

راح تشترين 3 بلاشرات..
واحد مشمشي + واحد وردي + واحد بني

وانصح يكونون من بورجوا او ريميل ..والاثنين حليوين لأن علبهم عمليه وفرشهم تونس..

وهذا من ريميل

وحطي بقوقل بلاشر ريميل بتشوفين الوان عجيبه ..ماقدر انزلهم هني يطلعلي مايصير !!



اختاري بس 3 الوان..فرشة بلاشر ريميل تشوق للكونتور تونس ليش انها خشنه شوي وضعيفونه..


وفي باليتات صغيرونه عمليه من ريميل وبورجوا..اختاري الافضل لج وافضل
درجات ( الترابيات والبنيات والبيجيات)..

وانا احبه ليش انه يفيدج بعد حق الكونتور يعني 2 في واحد

وفي علب مربعه هم باليتات عمليه واتينن اشتري حسب ميزانيتج ألوان يوميه
ومثل ماقلت افضل الترابيه

وعند الباب يم الكاشير.. في مرطب للإيد بنص دينار خمطيه كااك..


راح يبقى جم دينار تعشي فيهم على حسابي هاا :eh_s(8):



اذا اتقنتي مكياجج اليومي راح تحصلين على لوك نظيف وكيوت واينن مثل:

مالج شغل فيها صج جيكره شوي بس مكياجها متقن وذرب

ودمتم سالمين :eh_s(8):

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

صج نسيت أأكد على اهمية الآي شدو الأبيض..

لازم كل بنت يكون عندها آي شدو ابيض ..

ومن اي ماركه اهيا تحبها ماكو فرق..

لكن ارشح بورجوا وماك..

وشكرا لكم وتصبحون على خير

 

[_zahra]

الشكر لج علي مجهودج المتواصل

 

[بنت أسامه]

رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

Y36eeeeech el 3afyah ya 8ombelat el msween
Loooooooool

 

[Killer^Girl]

يعطيج العافيه وايد عجبني بارت تجهيز المكياج ب 100

 

[Killer^Girl]

بارت النحت للاسف اغلب الصور مو طالعين
يعطيج العافيه مجهودج كبير

 

[SaRaH - KHOBAR]

للاسف بارت النحت الصور مو طالعين

تسلم ايدك على هالتقرير الرائع

 

[قفشه بشكر]

مشكورة أختي على الميكب الروعة ومشكورة الصراحة أستفدت منج بالفرش ملوت الميكب بس بغيت أسألج مسكرة ما كس فاكتر اليديدة زينه لرموش ولا مو شيء يمكن موضوعج قديد بس جذبني ومشكورة حبيبتي​

 

[بنت أسامه]

رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

up
up
up
upppppppppppppppppppppppppp

 

[بنوته كلي دلع]

موضوعك بطططططططل
وكل اغراضج تجننننننننننننن
ما شاء الله تبارك الله
الله يهنيج فيهم يارب

 

[Taktoka]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

واو موضوعج 10/10
ومتعوب علية

ماشاء الله عليج​

 

[بنت أسامه]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

up
up

 

[travel_addicted]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

ما شاء الله عليج كفيتي و وفيتي:eh_s(17):
اب صراحة لازم محلات المكياج يعطونج عمولة لانه اسلوبج عجيب و انا من نصيحتج رحت شريت بيز جفنشي اللون المشمشي و شريت القطرة مالت make up for ever :eh_s(9):
ان شاء الله اجربهم و يطلع حلو :eh_s(7):

 

[الدره الصافي]

موضوع روعه

الله يجزاج كل خير

 

[الحنونهـ]

موضوع مميز تسلمين حبيبتي عليه

 

[Killer^Girl]

شرايج ف بيس جيفينشي الي شريتيه الفترة الاخيرة ؟؟

 

[ام سعود ديكسون]

هلا غلاتي كراميل>> نكج لذيذ هههههه
وانتي عسل

مشكورة وايد استفدت من موضوعج
يا عل عيني ما تبجيج والله ما اطلع من يزاج

وطريقة زيت الزيتون كمزيل ميك اب رووووعة
مع ان بشرتي دهنية بس سبحان الله ناسبني لكن ما يروح ماسكرتي وكحلي
اروح وارد اطلطل بالمراية اشوف تأثير الزيت تبارك الرحمن

العناية والمكياج لابد منها حتي لو صكت الوحدة ٥٠ سنة لج ولنا طولة العمر كرميل
انا بالثلاثينات بس مالي غناة عن روحة السوق / الصيدلية او العيادة
واللي تستحي تحط برا البيت او زوجها ما يرضي خل تونس عمرها بالبيت

ورفع لعيونج
لي عودة للموضوع يا الغالية

 

[Dalo0o3a Cute]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

تسلمين عزيزتي وآأآأيد استفدت من الموضوع
والصراحه جربت الزيت الزيتون كمزيل للمكياج حيل حلو
ونصايحج روووعه للميك اب ,,,وجاري تطبيق مكياج ب100 دينار
ويعطيج العافيه على مجهودج

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

بعد قلبي والله فديتكم نك نك

ام سعود ياحياتي تسلمين يالغااليه على هالدعاوي الزينه
اما زيت الزيتون ساعات صج مايشيل الماسكرا نقعي رموشج فيه و تركيه
تشوفينه يتيمع بزاوية العين وتعالي شيليه بكلينكس بروحه مشالله ينشال..
فوايد زيت الزيتون مانخلص لو بنعددها تحافظ على شباب البشره وكل شي مو بس البشره
لو تعرفووون شييسوي زيت الزيتوون والله تشربونه..
الحمدلله والله ماتدرون شكثر مستانسه على هالردود اللي تسرسح على القلب

كان المفروض اليووم يكون درس رسم العيون ..وتكبير العين..وخطة الكحل اليوميه مع خطة الكحل للسهره..او المناسبات
لكن منهد حيلي والله قاعده ارد على الرسايل وستيين الف بدليه وبدليه ..ليش ان اليوم يوم النظافه ببيتنا لوووول
كل 21 من الشهر الخدامه تستريح وكلناااا لابسين الصدرياااات وطايحيين له تفرك وتصبصب بالماي
حتى بو عشر سنين قحففف من الشغل لووووووووووووووول والله وناسه بنات خلوا عيالكم واخوانكم يتشاركون
بالنظافه لو يوم بالشهر ينظفون من قلب مو نفس الخدم لووووووووووووول صااايرين تنظييفكووو

والحين استأذن شاااور حار ونلقاتكم غداً بإذن الله ..

تصبحون على خير