اسراري لأول مره...مكياج انيق ..نظيف..مرتب..نااعم..سوو كيوت :)..( تفضلوا )..

[مغرمه]

رد: رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا

هلا والله حبيبتي آسفه على التأخير بالرد..

ذوات البشره الدهنيه ...
اول شي هالبشره وايد تتعب مثل ماتتعب البشره الجافه بالضبط..
علشان جذي..لازم تحرصين على ان يكون عندج كريم يعتني فيها يحافظ على توازن افراز الدهون

انصحج بـ ماركة لانكستر طبيه وماينخاف منها وهم تعبي المناطق اللي تحسينها مجوفه
وتملي الخطوط التعبيريه..او اي كريم طبي بس خاص بالبشره الدهنيه..
جربي كريمات العنايه ( واحد لازم يكون مع حماية لفترة النهار..و واحد لليل ..و واحد للعنايه
بمنطقة الجفن والهالات السوده..) ولا تنسين اهم شي الغسول للبشره الدهنيه

بحيث انه ماينشفها لج مره وحده ولا يزيد من افرازات الدهون..ولما تروحين تسوين
فحص البشره قوليلها وين اكثر مكان يفرز عندج دهون مثال اليبهه_ الخشم..

بعدها افضل ماتستخدمين فاونديشن سائل..خليج على الكومباكت بودر ( ماكس فاكتور ، ماك ، ميك اب فور ايفر ، جفنشي)

و وايد يمدحون جفنشي..للأمانه ترا بشره عن بشره تفرق علشان جذي ماحددت لج
خصصي حق نفسج يوم تدورين فيه كومباكت بودر مناسب لبشرتج وماينشفها حيل

بعد ماتوزعينه انصح بـ فرشة ( 178) مالت ماك لأنها تعبي الفراغات وتسد كل مكان
يعني ماتحسين ويهج صار امبقع ..توزع وتوفر لج كفر مو طبيعي وناعمه حيل..وعمليه..

بعدها وزعي الفكس بس البودره مال ماك..واهم منطقه تحت العين تسد لج الخطوط الرفيعه
تعطي شكل مشدود اكثر..
الفاونديشن ابيج تحرصين انه يكون مات اكثر من ما يكون فيه شيمر ..
بس هم ااذا زهقتي وحسيتي بتغيرين حطي اللمعه اللي تبينها بس ديري بالج شوي مو وايد

بس اهم شي لا تنسين الفكس ( البودره ) مال ماك ..وانا حطيت صورته بالموضوع
واغلب مواضيعي من كثر ما اهوا اينن..

الآي شدو اختاري الوان مات .. واستخدمي قطرة ميك اب فور ايفر على اللون علشان
يثبت لج الآي شدو..او حتى الآي لاينر..

آي لاينر ماك اللي حطيت صورته حلو مايسيح..وهم تقدرين تحطين من القطره عليه
علشان يثبته اكثر..

اي سؤال انا حاضره واحاول اسوي سيرج بفافافوم وفيسز وادور لكم احسن كريمات تصلح لكم
لأني اكتشفت ان وايد بنات يعانوووون من البشره الدهنيه..

واي سؤال انا حاضره

الله لايهينج
جزاج الله خير
رووووووووعه الشرح
بعد عمري
حدددددي استفدت
بس بشرح لج طريقتي قوليلي صح ولا غلط
اعسل وجهي بغسول طبي خااااص
عقب احط فاونديشن واحط فوقه كونسيلر على الاماكن اللي ابيهااا
واخليه شوي عقب اوزرع البورده
وابلش مكياااج<<ترى مااحط مرطب ماتتحمل البشره يصير شكلي مو شي يدهن اووووفر
الحين فيه شي ماقلتيلي عنه شنوو البيس؟
وبخصوص الفرشاه مالت ماك والفكس والقطره قريب ان شااااء الله بشتريهم
وبخصوص بودرة ماك
كراميل يقولون تدمر البشره

 

[الدره الصافي]

رد: رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

ثالث شي احبه اقوله..

لازم كل وحده تكون عندها مستحضرات للحفاظ على ثبات المكياج وللمحافظه على مظهر
نضر..

انصح بهالمجموعه من ماك..طبعا قبل فتره كان في مجموعه لهالمستحضرات بسعر وايد
مغري...لكن اللي ماتعرفونه ..ان اي مجموعه تنزلها ماااك ويكون سعرها جداً رخيص
من سابع المستحيلات يكونون نفس المستحضر بمواده يعني لازم فيه شي..
او قريب ينتهي..او مو نفسه..يعني لا يغشونكم..انصحكم تشترون كل مستحضر بروح






اول شي الاسود هذا بيس ( بيز) ماك..واااايد شايني..اتوقع مايصلح لكل انواع البشره
علشان جذي جربيه بالمحل للأمانه علشان اكون صريحه معاكم...وحتى لو كنتي حابه
تشترينه..لا توزعينه على كل الوي...بس على راس الخدين ( الوجنتين)..وعلى الذقن( الحنج)
وقمة خشمج ( نص الخشم)...ونقطه صغيره على اليبهه..اذا كانت يبهتج واسعه لا تحطين منه
اذا كانت بشرتج جداً دهنيه لا تستخدمين البيز هذا ابتعدي عنه نهائيا..


اللي يمه ( الفكس)..هاذا حبيبي و ولدي و دنيتي..مستحيل اطلع بدونه...اذا كنتي حاطه
مكياج شوي تحسينه شاحب..ولأن البشره بعد ماتمتص كريم الاساس تعطيج مظهر شاحب
او اذا استخدمتي الكومباكت بودر ( البودره المضغوطه ) وعطتج مظهر اجلح لأي سبب من الاسباب...رشي من الفكس كـ خطوه نهائيه واحتفظي فيه بجنطته كل ماحسيتي ويهج
نشف رشي منه..( و وايد مهم للبشره الجافه والمتقشره..راح يفيدكم انشالله..)
بس سكري خشمج لما بترشين..ساعات لما تتنفسينه تحسينه يخنق شوي...


الريموفر مال ماك ..مستحضر زيتي يشيل الميك اب..اهوا زين لكن وااايد له بدائل ومايستاهل
بصراحه..زيت الزيتون يغنيج عنه...بس ما اقدر انكر انه ريحته وايد حلوه ويعطيج لمعه بعد
ازالة المكياج

مم شنو بقى...اي ..المدور هذا..عباره عن ماده مثل البودره..اذا كنتي تستعملين
الفاونديشن السائل كخطوه نهائيه وزعي بالفرشه من هالبودره على ويهج..بس قبل البلاشر
راح يسكر لج المسام يعطيج مظهر نظهر خصوصا تحت العين ..مايعطيج مظهر متكتل للكولسينر
تحسين بشرتج نظيفه...ومشدوده..و وااااايد احبه..



يتبع

مشكور حبيتي خبير ميكابcaramil :eh_s(17):

ممكن اسالج حق شنو استخدم بيز شنو احسن انواعه

 

[حقووقيــــــه]

رد: رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

حقوقيه كله عبالي انتي اختي قبل جذي كان نكها بس بييييه الحين صارت محاميه وخلصت وملصت
والفال لج :*

كل مره لما تكلميني احسج اهيااا

..سبحان الله بنات الحقوق فيهم شي واحد مادري شنو اهوااا :eh_s(10):

بس الاكيد مو نفس تناحة ابلات التربيه :$ خصوصاً ابلات العربي كاااااااااااك تعالي وشوفي اشكالنااا بالكلاس انا صيبانه بين قمل ...دازني الهوا...مع احترامي لهم لا يعصبون ربعنا :eh_s(22):

لوووووول الفال لنا نتخرج ونفتك انشالله :eh_s(2):
الله يوفقها انشالله ...
وصاجه فيهم شي مشترك لوول بس انا غير لوول
لا والله يا حلااتهم الابلات اللي انتي منهم .. فديتج
ونكمل حشنا بالخاص لوول
لا يعصبون البنات :krkrkr: ;p

 

[حقووقيــــــه]

بيور بويزن .. وستيلا ايننوووووووووون .. رومانس اينن بس للاسف انقرض علي قولت وحده من البنات ;(
اللي تلقاه تاخذه بدون كلاااام

وفي اينجل .. وفي بولجاري الاسود و ريتشي ريتشي و وايد بعد
وذا ون دولتشي اند قابانا

 

[caramil]

رد : رد: رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تف

الله لايهينج
جزاج الله خير
رووووووووعه الشرح
بعد عمري
حدددددي استفدت
بس بشرح لج طريقتي قوليلي صح ولا غلط
اعسل وجهي بغسول طبي خااااص
عقب احط فاونديشن واحط فوقه كونسيلر على الاماكن اللي ابيهااا
واخليه شوي عقب اوزرع البورده
وابلش مكياااج<<ترى مااحط مرطب ماتتحمل البشره يصير شكلي مو شي يدهن اووووفر
الحين فيه شي ماقلتيلي عنه شنوو البيس؟
وبخصوص الفرشاه مالت ماك والفكس والقطره قريب ان شااااء الله بشتريهم
وبخصوص بودرة ماك
كراميل يقولون تدمر البشره

حبيبتي انا كتبت رد حق وحده نفس سؤالج عن البشره الدهنيه وقلت لهاا تقدر تزور
دكتور مختص يصرف لهاا كريمات خاصه ببشرتها والاهم انهم مو نفس كريمات الجمعيه
يكونون افضل وااايد و خاصه لذوات البشره الدهنيه واذا في عندج حبوب شباب
يقدر يصرف لج حبوب حسب حاجتج ونسبة لعمرج تخفف الحبوب او تشيلها مره وحده

بالنسبه لطريقتج زينه بس يعتمد على نوع الغسول .. لازم يكون خاص بالبشره الدهنيه
والكولسينر اللي تستخدمينه لا تستخدمين الساائل الدهني..استخدمي شي جاف اكثر..واذا ماحصلتي انا اقولج طريقه جربيها يمكن تنفعج..
لا تحطين فاونديشن سائل..جربي بودرة جفنشي فيها ثلاث درجات الدرجه الفاتحه وزعيها
تحت عيونج كـ كولسينر ..تغطي وحليوه جربيها بالمحل اذا حسيتي انها مو مناسبه لج عطيني خبر
انا ادور لج بودره جافه اكثر بحيث انها ماتطلع ويهج لا بمظهر دهني ولا بمظهر جاف زياده
عن اللزوم..

القطره راح تفيدج اذا كنتي من النوع اللي يتفنن بالآي شدووو ويرسم كذا لون
اما اذا كان الآي شدو تبعج لون واحد ماراح تستفيدين منها وايد..

الفكس انا افضل البودره اكثر من السااائل..وبالنسبه لسؤالج انه مو زين..
انا اول مره اسمع ..راح اسوي بحث مفصل عنه ..

اول بأول اعتني ببشرتج..

راح اييب لكم منتجات للبشره الدهنيه انشالله اذا الله قدرني قريب حييل.. واحط صورهم
بالمنتدى

 

[caramil]

رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

يعطيج العآفيه حبيبتي

الموضوع حــــــده يشوق

واستفدت منه كثيــــــر

انا ودي بـ كومباكت باودر
و كونسيلر

شنو تنصحيني ؟؟

ماننحرم منج

يعتمد على نوع البشره بس انا بالنسبه لي الممتاز جداً من ناحية التغطيه
بودرة ماك المضغوطه ..والستيديو ستيك فاونديشن ( الكولسينر المدور)..

بس للأمانه ارجع واقول منتجات مااك وايد تتعب البشره اذا بتستخدمينهم
رطبي بشرتج بإستمرار بكريمات طبيه واعتني فيها اول بأول..

واي سؤال انا موجوده..


ملاحظهه: تأكدي ان البودره مناسبه للون بشرتج علشان لما تمتصها البشره
مايقلب لونها رمااادي..هالنقطه جداً مهمه..

 

[caramil]

رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

خلاص بروح آخذه جيفينشي :****

ترى جد صدمتيني

ذوقج نفس ذوقي بالعطور
بويزن الاحمر حييل حلو عطر المام
وستيلا هذا غرامي عطري مال الثنويه بس انا نوعي امل بسرعه من العطر


انزين عيل بنصحج بجم عطر شميهم وعطيني رايج .. احسهم بيعجبونج

ستيلا ان توو

الوور

رالف لورين رومانس .... وهذا اكثر واحد بعجبج بس اتوقع انقرض

كينزو وبتدعيلي:yaaaaaarb:

بكتب اسااميهم وانشالله بشمهم اذا اطلعوا حلوين بدعيلج لأني جد مو لاقيه عطر
قنبله مثل بويزن الاحمر اليديد..

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

بالنسبه للأخت اللي اسألتني عن البيز..

البيز ينحط بعد مرطب البشره..او تقدرين تحطينه بروحه..

انا افضل احطه بعد المرطب..وكل بشره وحسب حاجتها..

البيس عباره عن مرطب + حماية للبشره من كريم الاساس نفسه ومن اشعة الشمس ويعطي انعكاسات تغطي على عيوب
البشره ..و يعمل على تغذية البشره نوعاً ما علشان ماتطلع بمظهر مرهق او متعب..يعني حمايه وترطيب واضاءه
وييغلف البشره تغليف كامل علشان يحميها من كريم الاساس لأن كريم الاساس واستخدامه اليومي يتعب البشره ويهلكها..

وكل بشره تحتاج بيز بلون معين

مثال...البنفسجي للبشره الحنطيه والسمره
الابيض ..لكل انواع البشره
الاخضر..للبشره اللي فيها نمش او فيها بقع حمراء
الوردي..للبشره الشاحبه الصفره..

وتقدرين تسوين بحث بـ google يفيدج وايد..

وطبعاً ماركه عن ماركه تفرق..وبشره عن بشره تختلف..واللي يناسبني مو بالضروره يناسبج..
واللي يناسبج قد يكون سيء بالنسبه لي..

اتمنى تسوين بحث للي يناسبج حبيبة قلبي :*

واي سؤال انا موجوده

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

هاذي صورة بيسات ماركة ميك اب فور ايفر علشان تاخذين فكره حبيبتي

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

 

[مشتاقه لعيونه ~]

شي شي شي !!!!!!

 

[كويتيه مزاجيه]

يعطيج العافيه

 

[*درر*]

والله ماقصرتـــــــــــــــــــتي مشكوووووووووورا

 

[مارينا1]

مشكورة الله يعطيك العافية:sfg:

 

[الدره الصافي]

رد: رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

بالنسبه للأخت اللي اسألتني عن البيز..

البيز ينحط بعد مرطب البشره..او تقدرين تحطينه بروحه..

انا افضل احطه بعد المرطب..وكل بشره وحسب حاجتها..

البيس عباره عن مرطب + حماية للبشره من كريم الاساس نفسه ومن اشعة الشمس ويعطي انعكاسات تغطي على عيوب
البشره ..و يعمل على تغذية البشره نوعاً ما علشان ماتطلع بمظهر مرهق او متعب..يعني حمايه وترطيب واضاءه
وييغلف البشره تغليف كامل علشان يحميها من كريم الاساس لأن كريم الاساس واستخدامه اليومي يتعب البشره ويهلكها..

وكل بشره تحتاج بيز بلون معين

مثال...البنفسجي للبشره الحنطيه والسمره
الابيض ..لكل انواع البشره
الاخضر..للبشره اللي فيها نمش او فيها بقع حمراء
الوردي..للبشره الشاحبه الصفره..

وتقدرين تسوين بحث بـ google يفيدج وايد..

وطبعاً ماركه عن ماركه تفرق..وبشره عن بشره تختلف..واللي يناسبني مو بالضروره يناسبج..
واللي يناسبج قد يكون سيء بالنسبه لي..

اتمنى تسوين بحث للي يناسبج حبيبة قلبي :*

واي سؤال انا موجوده

 

[بحر الرمال]

واااي بيس جفنشي رووعه اول مانزل هبيت فيه و اول مره بحياتي يخلص مكياج و ارد اشتري منه, عندي لونين الوردي و البيج
الوردي اسمه acti strawberry
و البيج اسمه acti peach
الوردي يعطي لوك وردي و بريء للويه احطه بدون فاونديشن مرات,
و البيج يخلي الويه صافي بدون لا يبين اني حاطه شي
اللي تبي تاخذ انصحها تاخذ الاثنين
انا بشرتي بيضا على حنطاوي, يعني nc 25-30 فهاللونين لايقين علي اكثر شي
اخليكم مع الصور

بهالصوره رقم 6 اهو البيج acti peach و رقم 8 اهو الوردي acti strawberry

هذا الابيض ماجربته بس اتوقع حلو

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

اي انا امخططه على البيج لأن الوردي له مود خاص يعني مو دايماً احب اكون بينكيا..
ساعات احب يكون ويهي بيجي اكثر

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

لوكات مختلفه..

عندج بارتي..يمعة بنات.. ومو عارفه شلون راح تكون طلتج
شوفي واختاري لج لوك.. راح تدوخين لأن كلهم حلوين
وانا من وقت لي وقت اطالع وابوق منها افكار..:eh_s(15):



عرفتوها هاذي اللي امهبله فينا :eh_s(11):





















فرق ورب الكعبه فرق...
شوفوااا شلون الحلو حلو لو يلبس خيشه والخايس خايس لو يلبس اكشخ شي :eh_s(10):




ماحبيت هالستايل عليها كلش جنها مينونه على هالفرق مع انها هبة هالحركه..






وايد تلبس بنفسجي اينن عليهااا حتى مكياجها وااايد تحط بنفسجي..



حتى السلك مو ذاك الزود عليها بس امرتب وراقي..





























شكلها بدون كحل اسود مو حلوو وايد


http://arabsh.com/

 

[Killer^Girl]

يا حلو كيم

 

[مهياف]

يعطييييييييج ألف عافيه موضوع شامل ومتكامل >> زقرت شغلج

الله يهنيج ويسعدج والله لو يصير اقيم ما اتردد على طووووووووول اطلق تقييم

الموضوع يحق له التمييز والتثبيت >> رايي الشخصي

واتوقع الكل يوافقني على هالراي موووو ..؟​