[ استهتــــــــــــآر الشباب ف المجمعآت .. شالححل ؟؟ ]

[سميتك الغلا كله]

وانتي ليش مهتمه والله لو ولد يقرأ موضوعج يتشقق ويقول مو مصدقه احد يلحقها وكتبت موضوع عشان واحد لاحقها يعني يحس ان البنات مهتمين حق جذي ويموت فرح


خليهم يلحقونج ويقطون ارقام ويسوون بلاوي عطيهم اكبر طااااااااااااااااف

في شي مهم : عمر البنت المتسترة والي مع اهلها احد يلحقها وجذاابة الي تقول غير هالكلام ..!


انا مجربة الحمد لله طول عمري اطلع مع امي ..ومحد يتجرأ يكلمني !
واذا رحت ادوّر ملابس لي وامي بصوب وانا بصوب شوفي شلون عيون الشباب.. ليش ؟ لاني بروحي ! يســتغلون الفرصه

يعني اذا ماتبين احد يلحقج تستري ولبسي عباة راس وخلي امج معاج < وهذي أهم نقطه !

لووووووول شكو مو مصدقه ان احد يلحقني وكتبت موضوع ..
الموآقف هذي صايرله لخوآتي صايره لبنآت خاآلتي لـ رفيقآتي ..
صايره لأكثر بنآت الكويت .. و انا ابي الحل .. مو مستآنسه ولا شي ..
اقولج ضايق صدري وضايق خلقي ولا استآنسنآ وتقولين انتي مستآنسه ؟
حبيبتي انا لمآ اطلع ما البس عباية راس لكن البس عباية كتف .. وانا توني صغيره بالتعش ولبسي محترم الحمدلله مالبس عباه ضيقه ولا البس كمآشه ولا احط ميك اب .. لكن الشباب حثاله ما يخلون اي بنت لحآلهآ ..
وهم اذا رحت مع امي تصير لنآ موآقف شكثرهآ .. الحين اذا الوحده راحت مع زوجهآ غآزلوهآ ولازم يقلبون هوشه شلون اذا رحت مع امي ..
عبالج هم يستحون والله ما يستحون ولا فيهم حيآ عآدي عندهم ..
( طبعآ الأغلبيةة مو الكل ) ,
حيآكم الله بنآت منوريييين .. :*

 

[سميتك الغلا كله]

,’




آب آب

 

[BlackBird]

سواء متحجبة او غير متحجبه لابسه نقاب أو لا بالنهاية الي اخلاقها عالية حتى لو صبي قرب حاول يسوي مايقدر يسوي شي أنا أروح اطلع ويا رفيتي ايون يقطون أكبر طاف يتمادى أقط عليه كلمة يتهزأ ويذلف حتى أيام كنا بالجامعه أو ما يدشون الصبيان مو مصدقين عالم مختلط وبنات وشباب بالأخير عرفنا إنه الي تسكت عن تصرف يحطون ببالهم إنه راضية ويتمادون أكثر

بعدين الحين حتى نقابات أردى وأردى اذا ويها يتغطى عيونها تنطق أنا بالكلية شفت بنات متقبات فاصلين عاجبينهم دكاترة الحمد الله والشكر انتي ياية تدرسين ولا تغازلين الدكتور؟؟؟؟

يعني بالنهاية اللبس المكياج وغيره مو اهو الموضوع الحين حطي لج غطا بالوعه ركبي لها ريلين وكتبي أنثى عليها يلحقونه

المحترمة محترمة لو تنحط بين مليون شخص حتى أوصخ الناس ماراح يتجرأ يسوي شي


ثاني نقطة ليش اهم يتحرشون لان تكونت هالفكرة وتعممت ما عاد فيه غيرة او سالفة عندي اخت ولا بنات بالعايلة صارو قليلين للأسف الي يراعون هالنقطة

وهذا الأساس الشر يعم والخير يخص

بالنسبة لي لما أشوف هالأشكال أفكر بهالجملة"أنا بنتي ولا ولدي أعطيه حق منو بالمستقبل -.-""""""""""""؟؟؟؟" غير هالأخلاقيات التعبانه كافي الأشكال البنات مرخصين روحهم والشباب رجولتهم ضايعه صراحة على هاللبس والتسريحات وتيجان وكل سنة طالعين بهبات لا لها أول ولا تالي -.-"""""""

 

[سفيره الكويت]

الديره الوحيده اللي بالمجمعات بدال لا يشترون يغازلون انا لفيت دول العالم وتسوقت مثل الكويت ماشفت مشافيح هني

 

[ابي اصير ممثلة]

خخخخخخخخخ خليهم يغازلون اخر شي بيملون

 

[بنوته كيكه]

بقول شي اول شي كلام اختي دلع العتبان صح
وثاني شي صدق انه فيه بعض الشباب قليل ادب تحرش فيه البنات
بس ترا فيه بنات قليلة ادب اتحرش بوحد مع زوجته
الزمن هذا بقولك كثر الفساد حده وخصتن مارينا مول وغيره تجي وحده تمشي
تزوع بتسامه ولا تجي واحد تلبس ضيق وقصير
ماقول الي عسا ربي يهديهم وصبح حالهم شباب وبنات

 

[VET-Nour]

ههههههههههههههههههههههههههههههههه
الله يكفينا شرهم بسس ؛*

 

[بهلوله]

والله حبيبتي اللي محترمه نفسها ما احد يتعرض لها ابدا

وبعدين لاحظو لبس بناتكم صايرين فناتك شوي

حتى اسلوبهم مياعه ميعرفون يتكلمون على ابو انه ذرابه عندهم

حمدلله والشكر

تقعد تتمشا هي وصدقيتها بكل المجمع وشللون ميلحقونها مع لبسها ومياعتها

خلى اهلهم يعدلونهم ويعدلون بناتهم ولبسهم

عشان الشباب ميحرشون فيهم الميايعات الاجيال اللي مدري شلون صايره

استغفرالله بس بكل مكان جامعه كليه سوق مجمع كل مكان

واللي محجبه لابسه للج عبايه مخصره والنقاب وراسمه العيون رسم

شنو السالفه شنو صاير بالدنيا اشفيها الناس اهلم وينهم

رجالهم وينهم

ولاحول ولاقوه الا بالله

 

[Queen.H]

أصلا شبابنا عقلوا والله ..


انا صارلي سنه ما رحت سوق و لما رحت الأفنيوز اخر مره كانوا عاقلين و راقيـن ..

انتو شبابكم يخرعون لا تسوين روحج اللي شبابنا ما يغازلون ..؟!!

 

[سميتك الغلا كله]

^^
حبيبتي مَ فهمت ردج ..

بنآت انا مااآقولكم فيه بنآت مَ يغلطون .. لا اعترف ان فيه بنآت يغلطون ويغآزلون ..
لكن هم الشباب .. واكثر شي من الشبآب .. اصلا الحين البنت حتى لو تطلع مع اهلهآ يغآزلونهآ ..

 

[ابـيـض واسـود]

احنا البنات اذا شفنا وحده بكاامل زينتهاا نقعد نطاالعهاا << يعني نشوف كشختها وجذي

اجل شلون الرجال لاشاف وحده متزينه ومتكشخه ؟ نادراً الي بيغض البصر عنهاا لانها بشكل عاام تلفت النظر

بس حتى المنقباات والمتغطيااات ماسلمو من التحرش والمغاازل

مايخالف الله فوقهم ويتسجل بكتاابهم

 

[بنت العقربيه]

فعلا فية استهتار ووقاحه من كلا الطرفين وياما شفت بنات هم الي يلاحقون الشباب لكن نادرجدا يغازلون الي تغطي وجهها لذلك اذا رحتي مجمع غطي وجهك عشان ترتاحين والله يهدي الجميع ومثل ماقالوا الاخوات ان تغطية الوجهه فرض والاية تدل على ذلك واضحه وضوح الشمس والحمدلله اغطي وجهي ونادر جدا اني اتعرض لمضايقات
وقال تعالى : ( يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً ) الأحزاب/59