استنجدت فيكم بس ما عبرتوني وكنت :( ورحت دار الشفاء صرت :)

[barbya_q8]

لمشكورين عالردود حبايبي

والخلطات الي اقصدها خلطات كريمات مع اني ما استخدمت الا خلطة وحدة ومن 5 سنين يمكن
واستخدمت ماجك كريم وانا بشرتي رقيقة يعني لو احف يتنتف الجلد صوب الحاجب واضاهر هالشي زادها وقالت لي بالحرم الكريمات الي فيها كورتيزون وتستخدمونها على مدي طويل اهيا تسبب في توسع الاوعية الدموعية الي اهي العروق الحمراء


انا ما سويت الليز لي الحين لان مو بذاك الوضوح في صوب الخشم والخد بس اذا احط كومباكت ما يبين فماني مستعيلة ومادري جم التكلفة ؟؟


وبخصوص الاخت الي سألت جم كلفني

15 مراجعة لان انا عندي ملف


60 د تقريبا الادوية

 

[zntoosha]

يسلموو حبوووبه
بس فيني فضووول اعرف شنو الخلطااات الي سببت هل شعيرااات الدمووويه

 

[@يسرى80@]

جزاج الله خير حبيبتي .. طلعتي أحسن مناا وسامحتينااا

 

[ام**العسولين]

حبيبتي بغيت اسئلج عن الكريمات اللي وصفتهم الدكتوره لج

كريم مرطب ماركة qv او سيتافيل
غسول سيتافيل
سيروم سوسكن فيتامين سي
كل واحد منهم شيسوي بالبشره واهو خاص لشنو بالضبط
لان انا احب سوالف الكريمات الطبيه
ويعطيج الف عافيه على نقلج لتجربتج

 

[barbya_q8]

ام العسولين :

مرطب qv مرطب للبشرة الحساسة وفيه نسبة حماية ومن واقع تجربتي بهالجم يوم حلووووو ومايدهن الويه وتمتصه البشرة وايد عجبني وسعره 5 وشوي مو غالي

الغسول جنه كريم ما يرغي مع الماي تفركين ويهج وهذا مريح للبشرة وبنفس الوقت مافيه مواد قلوية ولا صابون عشان الويه ما يتحسس

السيروم يعطي نظارة للبشرة ويغذيها


يسرى اى سامحتكم بس مو تعيدونها


zntoosha
اعطيج مثال على الخلطة تكون كريمات مركبة مثل ديرموفيت وكريم تايلندي ووكريم من الجمعية كتابته زرقة مدور ابيض منيرفا اعتقد واضافات مااعرفها وحدة كانت تسويها وويها قطنه تشوقت وسوت لي وما استمرين الا شهرين وقطعتها من 5 سنين او اكثر وعقب حطيت ماجيك بيوتي هذا الي بعلبة جنها مربى لا يقصون عليكم كلهم فيهم كورتيزون

وسلامتكم

 

[Gatwa]

مشكوره ياقلبي ماتقصرين

 

[barbya_q8]

العفو ولو خواتي ياما استفدت منكم وتعلمت شغلات والحق ينقال ولازم افيد واستفيد

 

[nono93]

عليج بالف عاااااااااااافيه

 

[مسك]

رد : استنجدت فيكم بس ما عبرتوني وكنت ورحت دار الشفاء صرت

بالضبط نفس حالة بشرتي الحين متحسسه من الجو مسببتلي ازمه خصوصا اني اعتني فيها وايد وهذا الي يحر

مشكوره بصراحه فدتيني وايد

موفقه يارب

 

[ام كوشه منكووشه]

رد : استنجدت فيكم بس ما عبرتوني وكنت ورحت دار الشفاء صرت

الحمدالله انها يت على جذي بس وزين سويتي رحتي حق دكتوره لان كل ولا الويه لا تجازفيين فيه ومشكوره على المعلومه انشالله كل الخوات يستفيدون منها

 

[هنـــد]

سيروم سوسكن عندي رووعه

 

[زعفرانه]

رد : استنجدت فيكم بس ما عبرتوني وكنت ورحت دار الشفاء صرت

عليك بالعافيه وتتهنين ببشره جذابه ان شاء الله

 

[احلى سماء]

مشكووووووووووووووره