استقبال اربعين الولادة على منو الام والا الخالة

[ام دلال ومنال]

احنا طبعنا ام الزوج تعزم وزوجي اهو يدفع التكاليف حرام اخسسر امي يكفي اهتماها لي بفترة النفاس انتي والبيبي هذي اكبرر طلوعه بس ام زوجج عجيبه بس يمكن ماتدري ان امج اللي بتدفع ؟

 

[ام احلى خلودى]

الاصول تقول ان الخاله تسوى الاستقبال واذا ماعندها تاخذ من ريلج ... واذا كانت امج متكلفه بالاستقبال المفروض خالتج تستاذن منج وتعزم عدد معين لان الاستقبال فى بيتكم ..... وعلى طارى البخل على الاقل عندج عذر خالتج بخيله اما انا خالتى مو بخيله وهذا ويه الضيف ماشفت منها ولاشى لا استقبال لا هديه ولا بطيخ عندى وعندج خير

 

[om_dodo]

العشا تسويه خالتج من فلوس ريلج
واذا مايبون يسون عشا مولازم
احسن لج انتى واريح لج
اما سالفة امج مسويه عشا هذا من حقها وعلى راحتها
بس كل ماله داعى تعزمين خالتج
على الاقل امج الله يحفظها تسويه عشا بينكم انتى وخالاتج وعماتج وقرايبكم
اما ام زوجج ومدرى منو اصلا" مو حلوه لج جدام الناس امج مسويه لج عشا خو وين اهل الريل
هذا طلوعه من الاربعين مو ملجه بعد شنو مايبى يفرحون بحفيدتهم
الله يعينج وتقبلى وجه نطرى
طوفى الحياة الزوجيه اذا بتعيشين لازم تصيرين شويه سلسه

 

[رواضي قطر]

اب اب

 

[رآآحٺ آيآمڪْـ]

مـع كـلأأم ؤإحشنئء زمـآنـك ..~ْ

 

[Tulips]

شوفي اللي معروف انه ريلج اللي يسوي العشا و الام تعزم .. بس اللي بيدفع اول و وتالي اهو ريلج

بس خالتج ما حسبتها صح وراحو عليها معازيمها لووول

 

[منو انت]

تبين نصيحه لوجه الله قولي حق زوجج ان العزيمه خاصه ( حتى لو كانت مو خاصه ) وقولي ان العدد محدود وعلى هالاساس البوفيه والحلويات هالسوالف وقولي انكم تبون تستانسون مع الناس الخاصه يعني قولي العزيمه مو رسميه ولا كبيره وانا مستحيه اقول حق خالتي ياليت انت توضح لها هالشي لان ماابي احرجها واحرج ضيوفها اذا صار وقت العزيمه وماكان لهم مكان وبعدين قولي اذا اهم ضروري يشوفوني الاسبوع اللي بعده ممكن يشرفونا في بتنا ( اللي اهو بيت زوجج ) واهم شي تقولين هالكلام بهدوء علشان مايزعل

لان خالتج بصراحه مالها حق تعزم في بيت اهلج

 

[Candel in the Desert]

واي انتو وايد مكبرين الموضوع .. انا اشوفه عادي جدا .. بالعكس ادا عمرهم ما يولج ولا قدروج خل تكون هذي البدايه وخليها تكون اول مره عشان يكون في مرات يايه .. وحلو الانسان تكون عنده معارف وربع اشدعوه كل هذا على لقمة اكل .. يبا الناس بخير وعافيه واذا بيونج بيون عشان يتحمدون لج بالسلامه مو عشان الاكل .. واذا ما عندج تكلفة الاكل او مكان كبير سويها مثل استقبال المستشفى وزعي عصير وبعدين موالح بالمواعين الكبيره تتوزع مع شاي وبعدين حلو مع القهوه وعزمي انتي وخالتج كل الي يعز عليكم .. وابجذي ماتكونين احرجتي نفسج ولا خالتج ..والموضوع واييييد سهل تري بس احنا نكبر المواضيع وايد

انتي كنتي ناويه على استقبال المستشفي صح؟ اكيد دافعه حق الموالح والحلو ! طلبيهم الحين وزيدي شويه عليهم وخلصنا

 

[engnera]

كنسلي الاستقبال دام ما سوتلج لا تنادينها

 

[** محبوبه**]

احنا ماعندنا سوالف الاستقبال بعد الربعين يختج احسن احس أنها خاصه بين الريال ومرته
وليش الناس ماتجيج بنفاسج وتقهويج على سلامتج ؟؟؟
وأمج كافي عليها تعب النفاس وبعدها تكلفينها
على الاقل قولي لريلج يعطي امه الفلوس ويقول سوي عشا طلاعة مرتي واعزيمي الي يغلونج باليوم الفلاني وبس

 

[ايمان80]

ااااخ
حتي مسج الاستقبال مترددة ادزه لها ولاهل زوجي
اخاف تدزه من وراي حق معازيمها
وتصدمني

وريلي ماني مدخلته بهالسالفة صراحة شبعنا مشاكل منها او غيرها علي اسباب تافهه

بس هم اهو ماقصر سوا تمايم بنته حق الرياييل ووزع باجي اللحم علينا واهله

وبيسوي عشا ثاني حق اهلي. واهله الرياييل

بس امه دايم جذي بمناسباتي تحب تكشخ علي حسابي وتعزم الكل وتدق علي وتحن
اخرها بعرس اخوي من جم شهر سوتها زعلة ودخلت ريلي بالسالفة وصارت مشكله

بس مناسباتها او مرت حماي او اهلهم والله محد درا عنا انا وامي
الا جم وحدة من اهل ريلي فيهم الخير اهما يعزموني .. حتي خالتي ماتقولي
وجم مرة اطيح عليهم رايحين استقبالات وعروس بدون لايقولون لي.. بس الله كاشفهم

 

[PuPa^^SWeeT]

لاتكبرينها عادي خل تعزم اللي تبييه عادي

و مافيها شي

خل يشوفون انه الحمدلله الزين منج و السنع منج

 

[فلافل وبطاط]

انا خالتي زين سوت لي استقبال في بيتها بعد زواجي باسبوع
وحطت سخانات نفس طريقة البوفيه بس هي وخواتها طبخوا
كثر الله خيرها واعزمت عماتي وخالاتي

وانا بولادتي ماسوت شي ولا اشترت شي جهاز حق البيبي
قايله حق ريلي عطني 100 بجهز مرتك والبيبي ريلي ضحك وقالها روحي شوفي
امها وابوها شنو مسوين
لان كان ايي زوارة الجمعه وابوي وامي خذونا وفاجأونا بتجهيز غرفه كامله من السرير لي فوطة البيبي
فديتهم
واستقبلت الناس عادي في بيت امي اللي وصلني حياه الله
واهل ريلي سويت لهم يوم قالوا بنتجمع وانيي اهم ومن يعز عليهم وسويت طريقة بوفيه وطلبت عصاير وحلوو
وخالتي بس كاشخه وقاعده وسوت لي ورق عنب / طبعاً كل هذا من خير ولدها رفع راسي وراس امه وامي كافي ريلي يقوم بالواجب

حبيبتي الخير وايد وبلغيها بس تعزم المقربين لان مافي مكان

والله الحافظ رقي نفسج والبيبي والله يحفظكم من كل شر

 

[ام الحوراء زينب]

توني ادري ان الاستقبال على ام الريل

الله يرحمها خالتي متوفيه
وريلي ماعنده اهل كلهم ماتو بعيني بس ابوه الله يطول بعمره
فالاستقبال اكيد انا اللي بسويه على حسابنا انا وريلي وبعزم اهلي كلهم ورفيجاتي

وحبيبتي كلش كلش قولي حق خالتج كنسلنا الاستقبال مو لازم اييون
بس عزمي اهلج احسن

 

[!الجادل الصعب!]

خلي النآس تجي وحيآها الله .. بالاول والاخير انتو الي عآزمين مو خآلتج اذا ماتبينها يعني تتجمل على حسآبكم ..
وسآلفه العزيمه ترآ شكليه مو كل النآس يسوونهآ ..وفعلآ الزوج هو الي يدفع بالنهآيه ..

 

[دلع انثه]

الخاله لازم تسوي

 

[بيتي بوب بس كويتيه]

استقبالي علي حساب أمي مسكينا تعبت بالنفاس وباستقبالي
الحين انشاء الله ان ولدت استقالي بالمستشفا
والي ما لحق أييلي البيت احدد لهم يوم بالأسبوع
ومو ضروري خالتي تسوي إحنا ما عندنا جذي

 

[حشمه]

اهلي واهل ريلي نسوي استقبال بالمستشفى بس

ماعندنه نسوي شي لطلعتنه من الاربعين

 

[أبلة مرايم]

الاستقبال على الزوج

 

[الأماكن]

المفروض أهل زوجج اللي يسوون الاستقبال ... <<< بالعادات والتقاليد .

و دام الحجية عزمت ... خلاااااص طوفيها ... منها الناس يسلمون عليج و تفتكين من العزايم

و معوضة يا معودة ... و الخير وايد ....

و تدرين لو مكانج ... ما أسوي إستقبال و لا بطيخ .... بالفلوس اللي ببلع الحريم فيهم ... أروح انا و زوجي فندق نهيص و نستانس

​