استفسار وزن الجنين الطبيعي في بداية التاسع؟

[يااسمينه]

السلام عليكم
عادة على بداية الشهر التاسع او نهاية الثامن كم وزن الجنين الطبيعي ؟انا بداية التاسع تقريبا لما أخذت أشعه الا تقولي دكتورة الاشعه ان الجنين دبه وزنه 2كيلو ونص وانا في العاده الي اجيبهم بعد الولاده 2 كيلو و200غرام بالكثير والدكتوره تقولي على مايجي وقت الولاده وزنه مش اقل من 3ونص !!والصراحة خوفوني وصرت اوسوس لا تكون ولادتي صعبه والا مثل قريبتي ولدوها بعمليه بسبب كبر الجنين..

 

[english muffin]

انا صديقتي يابت 3ونص طبيعي ماشااء الله

 

[*peace*]

٣ونص ترى موكبير ومتين حيل بنتي ولدتها ٣ونص نتفه بس خدود ولي فصخناها عصاقيل

لاتحاتين عادي

 

[om 7sony]

حبيبتي ٣.٥ مو متين وايد
بالعكس طبيعي حيييل
اختي ولدت بنتها ٣.٧ والحمدلله سهالات كانت ولادتها
لا تحاتين
الحمدلله وزن بيبيج حلووو

 

[][غـ com ــلا][]

حبيبتي على حسب الحوض
اذا كان يتحمل ولاده اكثر ٣.٥ولا
لا
انا ولدي جبته على ٤،٦٠٠كيلو
لاني طويله وابوه بعد وكل واحد
وحجمه وكانت دكتورتي بتولدني
باول التاسع بس مارضيت قلت
متى ماحان ولدته تسهل قالت
البيبي كبير قلت عادي امي
جابتنا ع الاربعه ماصار شي

والله يسهل عليج ي رب

 

["GloRia"]

الله يسهل عليج ياارب

انا كل مايسولي سونار وزن البيبي 3.120 وتقولي كبير وخرعتني

لما ولدتها وزنها 2.800

ترا السونار يزيد البيبي ...

 

[auoma]

ويي من صجج مرة اخوي تيبهم٤ كيلو نتفه شكلهم٢،٧٠٠ وبسرعه يزلق الياهل على قولتها
لاتحاتين وايد انا بنص التاسع يبت ولدي ٣،٣٠٠ ماشاءالله ونتفه

 

[tbola]

لا سمالله عليه مومتين اب صحه وعافياا

 

[سنو - وايت]

وزنه موكبير زين لاتحاتين السهالات من الله

 

[marshmelo0o]

لا حبيبتي مو كبير

 

[يااسمينه]

الف شكر والله يحفظكم من كل سوء ويحقق امانيكم يارب ..
الله يسمع منكم وأولد طبيعي وبسهاله وكل حامل يارب ..

 

[3aSaL Q8]

2.500 دبه من يقوول هووو حده نتفه حتى 3.500 وزن طبيعي وزين
الدبه اللي 4 وفوق والله كان واحد الله يذكره بالخير معاي بالدوام تبارك الرحمن مرته يابت بنته 5 كيلوو عووشر فيهاا مشاءالله هذي الدبه موو بيبيج

 

[يااسمينه]

حبيبتي الف شكر ..دكتورة الاشعه تقول على مايصير ولاده الا زاد وزنه اكثر ..طيب الي جابت ٥كيلو طبيعي ؟انا هذا الي مخوفني وخلوني احاتي

 

[حوررريه]

لا تحاتين ولا شي السونار يزود وزن الياهل.. اقري المعوذات على بطنج ولا توسوسين مافيج الا العافيه

 

[نـعـومـه]

وزنه طبيعي حتئ لو يكبر ماعتقد يكبر اكثر من ٣ وشي

 

[يااسمينه]

الله يعطيكم العافيه الف شكر طمنتوني الله ينولكم مرادكم يارب

 

[زين ودلال]

بالعكس زيييييين

انا يبت بنتي 3.300 وكانت نتتتتفه عصاقييل بس اسم الله عليها طويله شوي لان انا وابوها طوااال ماشاء الله

 

[بقلبك مكاني]

انا اسبوع بالتاسع وتقولي صغير ونفس حجم بيبيج

 

[قَلبڪْ صًخرْ]

تستهبل دكتوره
وزنه طبيعي
هي دبه :/
<< عصبت

 

[فراوله توت]

أنا بولدي ولدته أول أسبوعين التاسع كان وزنه 3 كيلو و900 جرام تبين الصج ولا أجذب عليج المووووت شفته يومين أطلق فيه بس الحمدلله على نعمته أهم شيء مو ناقص حبيبتي إذا أنتي خايفه كملي أسبوع من التاسع بعدين تحركي وأيد واكلي رطب وأمشي فالبحر والجماع مفيد أنا الحين حامل بس مو مثل وزن ولدي الحين 2 كيلو ونص وتوني داشه التاسع بمشي حيل هالأسبوع. الله يسهل علي وعليج وعلى جميع الحوامل