استفسار / ماليزيا مع طفل تحت السنتين ؟

[Winter Q8]

السلام عليكم ..
بنات بغيت اسألكم منو جربت السفر لماليزيا مع اليهال ..

ودي اسافر ماليزيا مع ولدي حزتها اذا الله أراد عمره سنه و 11 شهر او سنتين ..
مع العلم ان ولدي كل مكان يطلع معاي بالديرة و متعود على العربانة و أنا و أبوه مجابلينه ماعندنا خدامة و نادر ما احطه عند احد حتى سينما دخلته معاي ..
مالي قلب أهده و مابي أتعب احد معاي .. انا سافرت العام ماليزيا من دونه بس هالمرة أحسه يفهم و ماليزيا ديرة لليهال ..

أحد جرب و يفيديني و يبرد قلبي ..

 

[روحي82]

مرحبااا

اذا علي كلامج متعوده تاخذينه كل مكاان عاادي اخذيه وانتي ترتااحين نفس الوقت

واهم شي تاخذي الادويه معااج

وهو حرام متعود علييج

بس مراح تلعبين بالالعاب علي راحتج

لانج مراح تخليينه

وانا بعد باذن الله باخذ عيالي اثنين معااي الله يحفظهم

وحفظ لج ولدج

 

[تۋۋڷعت بكك s]

حبيبتي مابي احطمج ماليزيا ماتصلح ليهال بكبره راح يتعب اسمالله عليه واايد

لان ماليزيا جزر ورحلات وقوارب من الصبح لي بليل ومن جزيره حاره لي جزرة بارده راح يتقلب الجو عليه صدقيني بتتوهقين وخااصه انها رطووبة شوي

خليه عند امج واستانسي انتي وريلج

راح تتقيدين مع الياهل وماراح تستانسين

 

[نـعـومـه]

انا بعد رايي جذي

ماليزيا رطوبه ورحلات وحدايق وجزر بتتعبين ! اذا كلش كلش ماعندج احد تخلينه عنده اخذيه وشوفي جربي

 

[Winter Q8]

مشكورين على الردود حبايبي .. مادري قررت اخذه ..

و على الحدايق ماراح اروح كل الحدايق بس اللي ادري راح يستانس عليهم مثل الفواكة و الفراشات و الطيور و الباجي البهارات والفرنسية مالها داعي خلاص حق مرة وحده ..
و اهو يستانس على الاكواريوم فبنروح ان شاءالله ..

و الجزر قاعده احاتييهم السفرة اللي طافت رحت رحلتين وحده مانكي بيج حلوة و سهالة و الثانية المانغروف حلوة بس يمكن أغيرها فبدور شي اسهل منها ..

اما الأسوقه فسهالات ان شاءالله ..
وريلي مايحب الرياضات البحرية مثل البراشوت و الجتات فجذي ماراح يتغير شي ان شاءالله ..

و الادوية و الالعاب من اول الاشياء اللي بتنحط بالجنطة ..

 

[@غالية@]

انا كنت ماخذه عيالي معاي وولدي كان عمره سنتين مااذاني بالعكس كنت مستانسه انه ويانا بس مافي شي لعمره الاعاب بسيطه بس انا كانت خدامتي معاي وكنت حيل مرتاحه حتى بالليل اخليهم مع خدامتهم واطلع مع زوجي نتعشا عشان جذي ماحسيت انه اذاني فمادري على وضعج بدون خدامه اعتقد ماراح تستانسين ولاتسهرين وراح يمل ولدج لاقعدتي في قهوا او مطعم
ولازم تحسبين حساب اذا مرض بتتوهقين اعرف ناس حاشت عيالهم نزله معويه واعتقد تنومة بنتهم والسبه الجو هناك

ولاتنسين تصلين صلاة استخاره انا استخير بكل اموري والله يحفظ لج ولدج

 

[موله الكويت]

انا رحت ماليزيا 3 مرات مرتين بروحي مع ريلي ومره مع ولدي كانت الصيف الي طاف وعمره كبر ولدج بالضبط سنه و7 اشهر تقريبا
مالي قلب اخليه واستانس وووووووووووووووووايد عن نصيحه لاتخلينه بالعكس انا ولدي متعلق فيني وبأبوه وماليزيا فيها للصغير والكبير حدا استانس على الاكواريوم وحديقج الطيور وجنتنج لعب بالالعاب الداخليه والي برا روعه والتفلريك وحدا استانس على مسابح الفنادق نشيله غصب من الحوض
لان احنا قعدنا ب 4 فنادق حييييييييل استانس وهناك يهتمون بالمسابح وخصوصا مالت الاطفال
نصيحه توكلي على الله اخذيه وبتدعيلي انا جربت وماندمت وحتى الاكل والمطاعم لاتحاتينها كلشي يخطر فبالج تلاقينه ومحلات وملابس والعاب الياهال روعه بحطلج رابط تقريري ماليزيا صيف 2012 شوفيه عدل وكل اسئتلج بتلاقينها فيه وكل الاماكن السياحيه سجليها ان شاء الله تفيدج واي سؤال انا بالخدمه ​

http://www.q8yat.com/t1126289.html​