استفسار للمتعينات الجدد

[طالبة1990]

نصيح فتحي حساب توفير

هذاك قبل ياخذون ١٠٠ دينار

الحين قرار من البنك المركزي مايصير ياخذون ١٠٠

انا من جم شهر ردوا ال١٠٠ بحسابي

ولما دقيت عليهم قالوا قرار من البنك المركزي


ومالهم شغل انتي فاتحة الحساب لشنو

بالعكس يستانسون على انج تفتحين حساب عندهم

بس اذا طلبتي شهادة تحويل راتب صح تسألج شنو الجهة اللي تبين تقدمين لها

قولي لها وزارة التربية

وهي مالها شغل باثبات او اي شي

 

[كوكولوكو]

مشكووووووووووورين ماقصرتي حبيباتي

 

[مـزآج ــــية]

بنات يصير خريجات تربية اساسية يدرسون متوسط ؟؟

انا تخصصي عربي

 

[متفائله بالحياة]

يعطيج العافيه طالبه 1990 ماقصرتي انتي وكل البنات
بصراحه جاوبتوا عن استفساراتنا كلللللها بسعة صدر
جزاكم الله عنا كل خير
موفقين 

 

[متفائله بالحياة]

بنات يصير خريجات تربية اساسية يدرسون متوسط ؟؟

انا تخصصي عربي

اللي اعرفه انه يصير اذا انتي طلبتي هالشي
بس شتبين بالمتوسط انصحج بالابتدائي مايتعبون
حتى مشاكلهم على قدهم يعني بترتاحين اكثر من لو
انج درستي الكبار اللي بعضهم لايحشم ولايستحي
وممكن ترد عليج بقلة ادب و........غيرها الكثير
والله اسمع سوالف تشيب الراس منهم الله المستعان
الله يصلحهم ويهديهم ان شالله

 

[مـزآج ــــية]

و آللـْ•̣̣̥·̩̩̩̥•̣̥ـْـّہ حدي محتارة
بس كل مرحلة ولها مميزاتها و عيوبها

ثانكس ع النصيحة فديتج

 

[طالبة1990]

العفو ماسوينا شي

هذا اقل شي نسويه

مثل مانستفيد الواحد لازم يفيد اللي حوله


بالنسبة لخريجيات الاساسية يصير يدرسون متوسط

اعرف بنات تعينوا الكورس الي فات حطوهم غصب بالمتوسط

مع ان البنات كانوا رافضات


بس نصيحة لاتحاولين تجين المتوسط

حيل تعب بتخصص العربي والانجليزي

صح الابتدائي متعبين الطلبة

بس المتوسط العن والعن خصوصا العربي

التوجيه والامتحانات والتصحيح وكل شي

خليج ع الابتدائي

لان التحويل للمتوسط سهالات

بس اذا حطوج متوسط وبغيتي ابتدائي لو شنو مايردونج

 

[q8 nono]

السلام عليكم


بنات بالنسبه للفحص الطبي نتيجته تطلع بنفس اليوم ؟؟؟

 

[طالبة1990]

حسب الزحمة

احيانا نفس اليوم وهالشي نادر جداا بس يصير يعني مو مستحيل

واحيانا ياخذ يوم

واحيانا اسبوع

يعني يعتمد ع الزحمة واذا حزة تعيينات ولا لا

هذا بالنسبة لفحص الدم بالمجلس الطبي

اما فحوصات المستشفى التابع لمنطقتج ياخذ يوم كحد اقصى

 

[Sweet October]

طالبة 1990 مشكوورة ويعطيج العافية دايما اشوف ردودج وحيل فدتيني واكيد البنات استفادو منج بعد
الله يكثر من امثالج =)

سؤال برا الموضوع سوري

الحين طلع ترتيبي بالديوان 16/ 24 يعني انطر ليما ينزل الرقم ويصير 1 والا شنو ؟ حدي ضايعة
و متى اروح المنطقة لما تنزل الاسامي بالجريدة والا انطر الترتيب ؟؟

وشكرا مقدما =)

 

[طالبة1990]

العفو حبيبتي

يعتمد على المنطقة التعليمية

منطقة الجهراء تفتح لج ملف قبل ينزل اسمج

اما باجي المناطق لازم ينزل لج ترشيح

التربية مايطولون

انتي كل يومين دشي الموقع او دقي ع الديوان وجيكي ع رقمج

واهمه اساسا اذا ترشحتي بدزون لج مسج بس احيانا متأخر

وبالعادة الظهر ع س١٢ تنزل الترشيحات

 

[Sweet October]

:eh_s(17)::eh_s(17):


يقولون الترتيب ماله فايدة بالنسبة حق بنات التربية صح هالحجي ؟؟

ولازم انطره يصير قريب ؟ لان ترتيبي شوي بعيد

 

[q8 nono]

انزين سؤال مادي شوي

اذا باشرت العمل بشهر ٣ متا ينزلون المعاش ؟؟ وهل استحق كادر ؟؟؟

 

[q8 nono]

؟!؟!
اب

 

[طالبة1990]

وقت نزول المعاش يعتمد ع الزحمة

يعني متى مادزوا ملفج للمالية وجهزوا اوراقج

نزل المعاش

انا تعينت ٢٤ شهر ٣ السنة اللي طافت

ونزل المعاش بعد شهر بالضضبط


بس حزتها كنا شوية اللي تعينا لان اغلب دفعتنا وقفوا تعيينهم لما استقالت الحكومة

وياكثر ماتستقيل هالحكومة وتعطل الناس

فكان الضغط خفيف ع الموظفين ونزل المعاش بسرعة

ورفيجاتي تعينو من سنة ونص شهر ٩ ونزل لهم نهاية ١١

واللي تعينوا شهر ٩ اللي طاف اظن نزل لهم بشهر ١٠

ف هالشي نسبي ماله فترة معينة او معروفة

بس بالعادة بنكج يكون عنده خبر اذا معاشج بينزل لج هالشهر ولا لا

لان المعاشات تندز لهم مبجر بس مايصرفونها وتنحط بحساباتنا الا بتاريخ ٢٤

طبعا مو كل البنوك يقولون لج



والكادر بينزل للكل

سواء تعيين جديد او قديم

ماله شغل

دام مسماج معلم راح ينزل

والمعاش ولله الحمد حلوو

وادري اغلبكم تبون تعرفون جم

وادري مو الكل يقول

بس دامكم اهنيه كلكم تعيين جديد وكويتيات

باقول لكم

المعاش تقريبا ١٠٧٦ ونص

وعليكم بالف عافية

 

[طالبة1990]

:eh_s(17)::eh_s(17):


يقولون الترتيب ماله فايدة بالنسبة حق بنات التربية صح هالحجي ؟؟

ولازم انطره يصير قريب ؟ لان ترتيبي شوي بعيد

مو سالفة ان ماله فايدة

بس مايخووف

لانه ماشالله بسرعة ينزل

والاغلبية تترشح اسماؤهم قبل ما يحطون لهم ترتيب

خصوصا التخصصات النادرة

بس بشكل عام الترتيب بسرعة ينزل

يعني خلال اسبوع يتغير وينزل بشكل كبير

والنزول مايكون رقم واحد

لا يكون عدد مو شوية

لاتحاتين انشالله تتعينين بسررعة

لاحقة ع الشقا ولاحقة ع التربية

ماشالله وزارتنا الحبيبة متمسكة بكل خريجي التربية


هذا قدر محتوم مامنه مهرووب

 

[Sweet October]

كنت احاتي هالسالفة بس طمنتيني ,, مشكووورة حبيبتي :eh_s(17):

 

[q8 nono]

مشكوووووره حبيبتي طالبه ردج كفى و وفى ماشالله عليج تهبلين تبردين القلب

و الله يعطيج العافيه 

 

[الحياة فرص]

العفو حبيبتي

يعتمد على المنطقة التعليمية

منطقة الجهراء تفتح لج ملف قبل ينزل اسمج

اما باجي المناطق لازم ينزل لج ترشيح

التربية مايطولون

انتي كل يومين دشي الموقع او دقي ع الديوان وجيكي ع رقمج

واهمه اساسا اذا ترشحتي بدزون لج مسج بس احيانا متأخر

وبالعادة الظهر ع س12 تنزل الترشيحات

يعني الحين انطر الاسامي اللي ينزلها الديوان ولا ااروح المنطقه التعليميه؟؟؟؟؟:bbbiu: انا منطقتي التعليمية الاحمدي؟!:bbbiu:

 

[متفائله بالحياة]

اب اب