استفسار للمتعينات الجدد

[فول وفلافل]

بنات ما عليكم امر بغيت استفسر عقب الفحص الطبي لما وديتوا اوراقكم الوزاره شكثر نطرتوا على ما عينوكم ؟

وهل خيروكم اي منطقة تعليمية تبون ؟

 

[Winter Q8]

إجراءات الفحص الطبي تاخذ أسبوع .. و عقبها تاخذين النتيجة و تودينها المنطقة و يحددون لج مركز عمل
طبعاً المنطقة التعليمية تتبع السكن في البطاقة المدنية ماعدا بعض التخصصات مثل الفنية و البدنية

 

[الحياة فرص]

إجراءات الفحص الطبي تاخذ أسبوع .. و عقبها تاخذين النتيجة و تودينها المنطقة و يحددون لج مركز عمل
طبعاً المنطقة التعليمية تتبع السكن في البطاقة المدنية ماعدا بعض التخصصات مثل الفنية و البدنية

جم قعدتي علي ماوظفوج شهر شهرين
جم بالضبط؟؟! لازم ننطر الديوان ينزل اسامينا؟
ولأ نروح المنطقه التعليميه ونقدم؟!
اذا انتي خريجة كورس اول متي تعينتي باي تاريخ بالضبط؟

 

[فول وفلافل]

إجراءات الفحص الطبي تاخذ أسبوع .. و عقبها تاخذين النتيجة و تودينها المنطقة و يحددون لج مركز عمل
طبعاً المنطقة التعليمية تتبع السكن في البطاقة المدنية ماعدا بعض التخصصات مثل الفنية و البدنية

مشكووورة .. اتا مخلصه الفحص الحين المفروض اودي اوراقي الوزاره علشان احدد اي منطقة تعليمية بس ما ادري اجراء الوزاره يطول بعد والا

 

[الحياة فرص]

اب اب اب اب

 

[متفائله بالحياة]

سؤال : هل يخيرونج المنطقه التعليميه بأي مدرسه تبين ولا اهما اللي يحددون ؟

 

[طالبة1990]

نفس اليوم تباشرين بالمدرسة

يعني تروحين المنطقة وتدشين ع المراقب ويحدد لج المدرسة وتطبع لج السكرتيرة كتاب التعيين

بعدها تروحين المدرسة وتباشرين بنفس اليوم

فنصيحة روحي مبجر عشان يمديج تباشرين

وحاولي تروحين المدرسة ع س١٢

عشان تعطينهم الورقة وتطلعين ويتسجل لج هاليوم دوام

 

[طالبة1990]

يعتمد ع المراقب وع النقص

بس طبعا في مجال للحوار والنقاش لين توصلون لحل

انا الحمدلله حطني بالمدرسة اللي ابي مع ان فيها اكتفاء


واختي للاسف ماحطوها باي مدرسة اقترحتها

كل ماقالت اسم مدرسة قالوا لا اكتفاء

مع ان وحدة من هالمدارس بمنطقتنا وفيها نقص حااااد


بس حقيرين مارضوا

حطوها بمدرسة مو شي وبعيد عن بيتنا

مع ان تخصصها مطلوب وفيه نقص بكل مكان

 

[فول وفلافل]

للحين محد جاوبني على سؤالي الاساسي )

 

[طالبة1990]

احنا ماراجعنا الوزارة كللش

سيدة رحنا المنطقة

الظاهر انج مو تربوية عشان جذي لازم وزارة ومقابلة

ماعندي علم والله

انشالله البنات يفيدونج

 

[فول وفلافل]

لا انا تربوية ! بس غريبه اهما قالوا عقب الفحص الطبي تراجعين الوزاره و الوزاره تحدد المنطقه التعليميه

عالعموم مشكوورين عالردود

 

[الحياة فرص]

بنات اللي تعينوا ابلات
انتم نطرتم اسمكم ينزل من الديوان ولا رحتوا ع طول المنطقه التعليميه من دون تنطرون اسمكم ينزله الديوان؟؟؟؟؟

 

[طالبة1990]

لا انا تربوية ! بس غريبه اهما قالوا عقب الفحص الطبي تراجعين الوزاره و الوزاره تحدد المنطقه التعليميه

عالعموم مشكوورين عالردود

من بالضبط اللي قالج تراجعين الوزارة

اساسا منو عطاج اوراق الفحص الطبي

بصراحة غريبة

انا ورفيجاتي واختي وكل اللي اعرفهم بعد ماطلعت اسامينا بالديوان

راجعنا المنطقة التعليمية التابعة لعنوان سكنا

وبالمنطقة التعليمية فتحوا لنا ملف وخذوا اوراقنا وعطونا اوراق الفحص الطبي


بس صج شلون سويتي الفحص الطبي؟؟


يمكن انتي خريجة قديمة وسويتي امتحان قبول؟!

مادري صراحة

بس دام قالولج راجعينا بالوزارة

ف هم ادرى

بالتوفيق انشالله

 

[كوكولوكو]

ابلات عفيه نبي كل شي بالتفصيل المُمِل >> ماندري وين الله قاطنا

يعطيكم العافيه

 

[Anestazya]

صح شلون خذيتي اوراق الفحص

 

[طالبة1990]

اول ماتنزل اساميكم بالجرايد

او لما يدزون مسجات او تلقون بموقع الديوان ان تم توشيحككم لوزارة التربية

تاخذين اوراقج وتروحين المنطقة التعليمية التابعة لعنوانج بالبطاقة المدنية

الاوراق حسب ذاكرتي

البطاقة المدنية والجنسية وشهادة الميلاد وشهادة الجامعة وعقد الزواج وشهادة تحويل راتب من البنك

طبعا تاخذون معاكم من كل شي ٣ او ٤ نسخ

و٤ صور شخصية وصورة شخصية بعد للفحص الطبي

طبعا اول ماتوصلون المنطقة تروحون لقسم التعيين ويفتحون لكم ملف وتعبون بياناتكم وتاخذون اوراق الفحص الطبي

عقبها تروحون المجلس الطبي بالشويخ وياخذون منكم تحليل دم ويطلبون منكم تسوون فحص سكر واشعة صدر بمستشفى التابع لكم

ولما تطلع النتايج تردون للفحص الطبي وتاخذون نتيجة فحص الدم ويسوون لكم فحص نظر ويوقعون اوراقكم انه لامانع

عقب ماتخلص كل هالفحوصات ترجعون للمنطقة نفس قسم التعيينات ويكملون لكم الملف ويدزونج للمراقب يحدد لج مدرستج ويطبعون لج كتاب التعيين

وتباشرين بالمدرسة نفس اليوم

وحظ موفق

بس ملاحظة ونصيحة

اذا رحتوا المنطقة روحوا مبجر ع ال٧ ونص

لان وراكم روحة للمجلس الطبي وعقبها المستشفى التابع لمنطقتكم

وثاني يوم همن روحوا بدري طلعوا نتيجة فحص السكر والاشعة من مستشفى منطقتكم بدري عشان يمديكم تروحون المجلس الطبي تسوون الفحص السريري

وفحص النظر ويمديكم تختمونها من المدير بدري وتردون المنطقة قبل نهاية الدوام

حاولوا شغلكم يكون مبجر


قود لك

 

[كوكولوكو]

سؤال :
اذا كنت بغير بنكي القديم ( بنك الاعانه مثلا ) وابي افتح حساب ثاني للوظيفه شلون ..؟؟
موظفه البنك تقول افتح لج حساب عادي لان ماعندي شي يثبت انج راح تتوظفين ؟ وانا اصلا عندي حساب عادي بس مابي بنكي القديم تلعوزت معاه حيييييييييل وياكل من الرصيد يعني بالعربي بنك ربوي ...
ابي رايكم شلون افتح لي حساب للوظيفه تهقون بس ينزل اسمي بالديوان اطبع لها الصفحه الي فيها اسمي والمكان الي قابليني فيه وترضى تفتح لي حساب فيه ؟؟؟؟؟؟؟؟؟؟؟
ناطره ردودكم

 

[RowTow]

سؤال :
اذا كنت بغير بنكي القديم ( بنك الاعانه مثلا ) وابي افتح حساب ثاني للوظيفه شلون ..؟؟
موظفه البنك تقول افتح لج حساب عادي لان ماعندي شي يثبت انج راح تتوظفين ؟ وانا اصلا عندي حساب عادي بس مابي بنكي القديم تلعوزت معاه حيييييييييل وياكل من الرصيد يعني بالعربي بنك ربوي ...
ابي رايكم شلون افتح لي حساب للوظيفه تهقون بس ينزل اسمي بالديوان اطبع لها الصفحه الي فيها اسمي والمكان الي قابليني فيه وترضى تفتح لي حساب فيه ؟؟؟؟؟؟؟؟؟؟؟
ناطره ردودكم

حبيبتي عادي فتحي لج حساب من ألحين إذا تبين.
و بعدين لما يطلع اسمج بالديوان و ينادونج راح يطلبون منج أوراق, وحده من الأوراق حساب البنك مالج اللي تبين يحولون عليه راتبج.
بس.
ماله علاقة نهائيا بحساب الإعانة.
آنا إعانتي كانت على الأهلي, و راتبي سويته عالتمويل, سهالات يا قلبي.
و اهي تفتح لج حساب من غير شي الموظفه مالت البنك, مالها شغل بالمكان اللي قابلينج فيه. أو إذا كنتي موظفه أو لأ.
روحي البنك قولي أبي أفتح حساب, و فتحيه و خليه فاضي عادي, ليما تتوظفين و يطلبون أوراقج اخذي ورقة حساب من البنك حق الوزاره يحولون راتبج عليه.

 

[كوكولوكو]

حبيبتي عادي فتحي لج حساب من ألحين إذا تبين.
و بعدين لما يطلع اسمج بالديوان و ينادونج راح يطلبون منج أوراق, وحده من الأوراق حساب البنك مالج اللي تبين يحولون عليه راتبج.
بس.
ماله علاقة نهائيا بحساب الإعانة.
آنا إعانتي كانت على الأهلي, و راتبي سويته عالتمويل, سهالات يا قلبي.
و اهي تفتح لج حساب من غير شي الموظفه مالت البنك, مالها شغل بالمكان اللي قابلينج فيه. أو إذا كنتي موظفه أو لأ.
روحي البنك قولي أبي أفتح حساب, و فتحيه و خليه فاضي عادي, ليما تتوظفين و يطلبون أوراقج اخذي ورقة حساب من البنك حق الوزاره يحولون راتبج عليه.

يعطيج العافيه ياعمري ماقصرتي

بس في كذا حساب لما تبين تفتحين تقولج لشنو بالضبط وحساب غير عن الثاني...

انتي لما فتحتي بالتمويل حساب شنو سويتي حساب عادي ودفعتي 10 دنانير ولا حساب وظيفه ودفعتي فيه 100 دينار ؟؟؟؟؟

 

[RowTow]

يعطيج العافيه ياعمري ماقصرتي

بس في كذا حساب لما تبين تفتحين تقولج لشنو بالضبط وحساب غير عن الثاني...

انتي لما فتحتي بالتمويل حساب شنو سويتي حساب عادي ودفعتي 10 دنانير ولا حساب وظيفه ودفعتي فيه 100 دينار ؟؟؟؟؟

حبيبتي يمكن قصدج أنواع الحسابات, أما ليش تبينه ما لهم صلاحيه يسئلونج.
آنا بطلت العادي بو 10 و عليه راتبي.
بعد ما توظفت بطلت ثاني توفير بو 100.
بس محد سألني ليش, بس أقول أبي الحساب الفلاني و أسوي لي واحد.