استفسار عن skype ..

[حبيبة أبوهاآ]

السلاآم عليكم ..

خواتي بغيت اسألكم عن skype ..

اختي مسافرة وتقول افتحيلي حساب بـ skype ..

وانا مااعرف له كلش ..

تقول لازم يأخذون 20 دينار على فتح الحساب ..


صج ؟
لإني ماافهم فيه كلش ..


كويتيات ..
تعرف بلييييييز تساعدني ضروري ..
ولا تهمها الفلوس انا ادز لها لـ بيتها ..

 

[لـولـيـتـا]

لا حبيبتي من قالج انه بفلوووs .. انا فاتحتلي فيه حساب ابلاش
اهو نظامه مثل المسنجر .. بس على متطور شوي وكامرته حيييل واضحه
ومضبوطه ..

وهذا سايت الداونلود
http://skype.en.softonic.com/download

وهذا برنامج مشابه لـskybe

http://www.vbuzzer.com/ld/mini/land_enter_site_4.php?language=en&country=KUWAIT

واي استفسار انا حاااااضره
:tek:

 

[ام عمار]

دشي هذا الموقع
www.skype.com
وسوي download عادي مجانا وسجلي فيه

صوته واضح وكامرته واضحة

 

[حبيبة أبوهاآ]

يعطيكم العافيه ..

بس بسألكم لازم يكون عندي رصيد (فلوس) عشان اتصل ؟

 

[حبيبة أبوهاآ]

up

 

[digital]

شوفى اهوه مثل ماقالوا البنات مثل المسنجر اذا انتوا اثنينكم شابكيم تقدرين تكلمينهه محادثه او بالصوت وااااضح
وببلاش
بس اذا مو موجوده وتبين تتصلين عليهه راح يكون عن طريق موبايلهه او تليفون البيت بهالحاله تحتاجين انج تشترين اكاونت عندهم

طبعا من الكويت لى امريكا او الدول الاوروبيه رخخخخخخخخخخخخخخخخخخخخخخخخخيص

بس من الكويت اذا بتتصلين على دول عربيه اغلى شوي بس طبعا مو بسعر وزارة المواصلات


اذا ما فهمتى علي قوليلى لان احس انه شرحي مو واضح

 

[حبيبة أبوهاآ]

مشكورة ديجتال ..

بس شلون طريقة الـ اكاونت ؟

 

[digital]

ممممممممممممممممممم شوفي زوجي مسافر بس يرد اسأله


بس اذا اهيه كانت بره الكويت وايد اسهل

اهنى اتذكر انه زوجي راسلهم او طرشلهم شي والله نسيت ب احنه دايما نستخدمه وبس اول مره تراسلينهم و بعدين تعبين الاكاونت عادى بس تحطين رقم الكردت كارد

 

[غنج اهلها]

دشي هذا الموقع
www.skype.com
وسوي download عادي مجانا وسجلي فيه

صوته واضح وكامرته واضحة

حبوبة سويت لة داونلود

بس كيف اسجل ..؟

نزل عندي وفتحت ايقونتة بس يبي معلومات الدخول ماعرفت لة

بليز هيلب مي

 

[ام عمار]

حبيبتي غنج اهلها لما تدخلي على الصفحة الأولى في كلمة
dont have a skype name
اضغطي عليها واختاري اللغة وادخلي بياناتك

 

[غنج اهلها]

ونااااااااسة

سجلت ودشيتة يعطيج الف عافية

لووول كل اشوي معدلة على الرد

لان اكتشفت كيف الاضافة وعرفت

بس حبيت اسال مادري انا سمعت عنة شغلة سلبية اذا جذية نسد الباب من اولة

يقولون بالبحث يدش معاج ناس وجذية مادري على حسب اللي فهمتة

عاد صج والالا

وهل مايقدر يدشة الاالناس اللي انا ضايفتهم بسسس

وماقصرتي ياقلبي

 

[ام عمار]

ونااااااااسة

سجلت ودشيتة يعطيج الف عافية

لووول كل اشوي معدلة على الرد

لان اكتشفت كيف الاضافة وعرفت

بس حبيت اسال مادري انا سمعت عنة شغلة سلبية اذا جذية نسد الباب من اولة

يقولون بالبحث يدش معاج ناس وجذية مادري على حسب اللي فهمتة

عاد صج والالا

وهل مايقدر يدشة الاالناس اللي انا ضايفتهم بسسس

وماقصرتي ياقلبي

الله يعافيكي حبيبتي ومبروك التسجيل

شوفي بالنسبة استفسارك بتلاقي فوق في الشريط الاول كلمة ( file ) او بالعربي ملف
وتحتها privacy او الخيارات الشخصية
بتلاقي خيارين الاول السماح لأي احد بالتواصل معي
والخيار الثاني السماح للأشخاص فقط اللى انتي صيفاهم
اختاري الخيار الثاني واحفظي التغيير

جربيه وقوليلي ايش صار معك وانا بفصل الحين وبرجع ان شاء الله

 

[غنج اهلها]

هلاام عمار

تسلمين ياقلبي على اهتمامج

بس مالقيت كلمة ملف لان عندي بالعربي

كل الموجود بالشريط الاول

تعليمات / ادوات / عرض / اتصال / محادثة / جهات الاتصال / SKype

وتحت كل وحدة خيارات مالقيت فيها كلمة الخيارات الشخصية ؟؟

 

[غنج اهلها]

خلاااص عرفتها الحمد لله جلست اتعبث لين لقيتها

اشكرررررج ياغلا وعساج عالقوة ياااااااااارب

 

[هداوي2]

بس والله الاسكايبي خرااااااااااااااااااااااب ابعد عن الشر وغنيله

 

[مزيونة]

يسلمووووووووووووووو كان ودي اعرف شنو اهوة وعرفتة

 

[اسرار الغلا]

مو محجوب ؟؟

 

[هجير الريح]

حبيبتى الاسكاى بى محجوب بس مبين نزلتيه هو برنامج مثل الماسنجر تضيفين فيه وبعد تقدرين تدشين مجموعات متواجده على السكاى بى وهو وسيله للاتصال سواء محلى او دولى وحتى تقدرين تدزين منه مسجات وبعد تقدرين تسوين لج رقم مثل التيلفون العادى واللى يبيج يدق عليج نفس التيلفون سواء من المضافين عندج او اللى مو مضافين يعنى اتصال عادى واذا تبين تدقين سواء محلى او دولى لازم يكون عندج رصيد والرصيد عن طريق بطاقة كاشيو وبعد لازم يكون عندج ايميل على مكتوب لانه عن طريقه تدزين رصيد لحسابج على السكاى بى ومن تدشين موقعهم بتعرفين بالتفصيل اتمنى اختى اكون فدتج واى استفسار انا حاضره

 

[zamaan]

عزيزتي برنامج سكايب للمحادثة من كومبيوتر الى آخر صورة وصوت مجاني بس اذا بغيت تتصلين منه على اي تلفون باوربا لازم تحطين رصيد.
ولكن.. لكن ديري بالك منها.
في برامج كثيرة ممكن تنزلينها بالكومبيوتر وتحطين رصيد 12 دولار تقريبا وهذا يعطيك اتصال الى كل التلفونات الثابتة باوربا وامريكا وكندا واستراليا لمدة 120 يوم وبعد ال 120 يوم تصير المكالمات تاخذ من رصيدك واذا حطيتي رصيد جديد رح يصير عندك مرة ثانية 120 يوم اتصال مجاني الى الارقام الثابتة الى اوربا.

هناك الكثير من البرامج واختار لك منها هذه.
هذا موقع احد البرامج افتحية وتنزلين تحت رح تلاقين اسم الدول الي ممكن تتصلين عليها مجانا
http://www.lowratevoip.com/en/download.html

وهذا برنامج ثاني
http://www.justvoip.com/en/index.html

وهذا برنامج آخر
http://www.voipcheap.com/en/index.html

اذا رغبت بترجمة الموقع للعربية فضعي رابط الموقع بمكانه بهذا الموقع وسيترجم لك
http://www.google.nl/language_tools?hl=ar