استفسار عن وزن البيبي

[NoOoBy]

شلونكم بنات عساكم بخير



بغيت اسألكم عن وزن البيبي بالشهر السابع

قبل يومين رحت الطبيب والدكتوره قالتلي وزن البيبي كيلو !!
بس ضيقت خلقي تقولي اهوا اقل من الطبيعي المفروض يكون اكثر


عاد انا بجر ومااعرف بهالسوالف انتو شرايكم بكلامها !!

بنات شنو اكل عشان يزيد وزنه ؟؟


قالتلي راجعيني بعد اسبوعين وابي اشوف فرق بالوزن

 

[الأميرة جوري]

طبيعي...انا جذيه بعيالي يزيدخلال3شهور

 

[NoOoBy]

اشوا يعني عادي ؟؟ عيل ليش تقولي اقل من الطبيعي ؟؟ خرعتني والله

 

[زين ودلال]

حبيبتي اذا قالت اقل من الطبيعي عادي يعني مو مشكله كبيره بس يفضل انه يكون بالوزن الطبيعي

بس ترى بالثامن والتاسع راح يزيد وزنه واايد لا تحاتين

وبالنسبه حق الاكل اكلي موز او شربي حليب موز وتمر

 

[حرم بدر]

عليج باللبن والموز

 

[noof nasser]

طبيعي وزنة لاتحاتين

 

[عالية الشان]

أنا سامعه ان الموز يكبر راس الجاهل ديري بالج

التمر زين والحليب

 

[NoOoBy]

تسلمون حبايبي ماقصرتو

عاليه مشكوره لانج نبهتيني على الموز عاد صايره اكله وايد

 

[ام العسكري]

أنا لمن كنت أول اسبوع بالسادس كان وزن البيبي 750 غرام وانتي وزن البيبي كيلو يعني زين الحمدالله
الله يتمم عليج

 

[NoOoBy]

حبيبتي الله يسلمج
ويتمم عليج وعلى كل حامل ونقوم بالسلامه

 

[anooma_86]

عادي حبيبتي انا سويت سونار اول السابع و كان وزن البيبي ٩٣٠ غرام قالتلي الدكتوره مفروض عالاقل كيلو بس عادي البيبي يكبر بالثامن و التاسع وايد

 

[شووقة]

ترى طبيعي وزنه انا كنت بأول الثامن كان وزنه 800 غرام بس
وولدت ووزن البيبي كيلوين ونص
يعني البيبي يكبر بالثامن والتاسع

 

[ام حمد 85]

عادي عقب يزيد الوزن بروحه بس انتي كثري من شرب الحليب والفاكهه والخضار والاكلات الصحيه وبتلقينه بسرعه يكبر ان شاء الله

 

[om MaRyooM]

ماعطتج حليب مغذي ؟؟



وانشالله لاتحاتين بالمراجعة الياية بيكون زايد

 

[قهرني]

عادي طبيعي بس لاتأكليين تمر مو زين اكلية فالشهر التاسع يقولون يسهل الولادة

 

[dana1986]

لايضيق خلقج البيبي يكبر بسرعه مو طبيعيه انا امي وخالتي يقولون لي البيبي نتفه اكلي اكلي
كان 1و800 وانا بالثامن الحين ماشاء الله فوق الكيلوين ونص وهذا الوزن من اسبوعين يعني الحين اكثر بوايد
بس اذا تبينه يمتن كل يوم شربي حليب بالموز طبيعي فريش

 

[om 7amoodi]

انا قبل اسبوع مسوية سونار كان وزنة 1200 و شي ما اذكر والدكتورة ما علقت قالت زين يعني مو ذااك الفرق بيني و بينج لا تحاتين و سمعت انه السونار ما يعطني وزن دقيق يعني يعطيج وزن تقريبي ... امي ولدت بالسابع و كان وزن البيبي كيلو و ربع!! فاتوقع دكتورتج ما عندها سالفة بس بتخرعج.
انشالله امورج زينة اهم شي انتي تغذي عدل و لا تحاتين والبيبي بيزيد وزنه

 

[QYtiya.com]

ههههههههه
انا اول اسبوع بالثامن وزن بنتي 850 غرام
وولدتها كيلوين و700
عادي يكبر بالتاسع

 

[وين احباب قلبي]

نصيحه مني وزن البيبي مناسب جدا لاتاكلين شيء بعدين يكبر وتولدين عمليه

 

[غدور مون]

لا اختي ما عليج انا نفس وضعج بالضبط لما كنت بالسابع ونفس وزن البيبي وقالي الدكتور عادي طبيعي والحين انا الثامن وماشالله وزنها صار كيلوين وصح كلم البنات يزيد بالثامن والتاسع
وعلى فكره هم ففكرة الموز يكبر الراس صح انا بعد سامعه فيها​