انا رحت سوريا الصيف اللي فات.. ورحنا الزبداني .. مكان جبلي .. وفي اماكن وايد حلو انج تشوفينها مثل المزارع وفيها الكرز والتفاح والخوخ والعنب .. يعني انتي تقطعين اللي تبين تشترينه ..واخر شي الريال ما يطلب منج شي .. يعني انتي تكرمينه بالفلوس ..واذا ما عطيتيه فلوس عادي ما يتحجى ..وهناك بعد اللي يتسمون البدو .. يعني تروحين لهم في الجبل وعندهم بيت شعر وخيام ولما تروحين لهم يضيفونج بذبيحه وشاي وفواكه .. وفي مطاعم معروفه بالجبل اعتقد واحد منهم اسمه جنة بلودان .. والله ما اذكر ..يمكن ملخبطه او لا .. مادري لكن المشاوي عنده لذيذه بشكل .. واخر شي يحطون لج صينية من الفواكه المشكله .. والصينية مثل صينية القوزي .. يعني كبيره .. واطيب شي عندهم الكباب .. امممم لذيذ والسلطات الفتوش والتبوله.. لا يطوفج ... اما السوق فيلوع الجبد وغالي وموشي .. بالنسبة للكويت .. البضايع اللي عندنا احلى .. وديري بالج تشربين من مايهم .. ترى يصير فيج نزلة معوية .. وانا اذكر صارت فيني وطقوني ابرتين يالله صرت زينه .. قعدت يومين ميته بالفراش ..
وابيخ شي بسوريا صار لي ان كل ملابسي كشخة .. وسوريا كجو وشعب مو مال كشخه نهائيا .. وملابسج تخترب اذا لبستيهم ..يعني حرام تاخذين شي كشخه الا قطعه وحده .. وهم ماله داعي .. كله جنزات وهالسوالف وبس ... والشي البايخ الثاني اني نسيت جنطة مكياجي بالكويت .. واكتشفت ان سوريا ماعندهم مكياج ماركات نهائيا ... حدهم ماكس فاكتور .. لا وتقليد يمكن !!! .. يعني مكياجهم كله بوطقه ومكياج صناعه محليه ويلوع الجبد .. عشان طول هالفتره من غير مكياج...
الشي البايخ الثالث .. ان الشرطه دايما تطلب اكرامية كحق مكتسب عندهم .. بالغصب .. غصبا عليج تعطيهم والا يخالفونج .. ومره وقفوا سيارة ابوي بادعاء انه طاف الاشاره الحمرا .. والاشاره كانت خضره حتى لما وقفنا .. لكنه يبي فلوس .. واشوه ابوي خوفه وما عطاه ويه .. لان هالاشكال ما ينعطون ويه كلش..
و و و ؟؟ لما اذكر اشياء ثانية اقول لكم ..
سوريا فيها الزين وفيها الشين .. وهابي سامر هوليدي انشالله.
