استفسار عن حجز تذاكر الاماكن السياحية في لندن

[sarona1010]

السلام عليكم .. شلونكم كويتيات
بغيت اعرف عن حجز تذاكر الاماكن السياحية في لندن وين اضمن و ارخص مكان .. في ناس قالو السفارة سالت قالو ارخص بدينارين عن كل تذكرة فقط .. و احد المواضيع قريت انه فيه بكج مثلا متحف مدام توسو و لندن اي مع بعض يصيرون ارخص بوايد مع خدمة vip تسمح بالدخول بدون الوقوف بطوابير .. بس ما حدد من وين .. و احد المواضيع كاتبين من النت اون لاين .. بليييييز ابي مساعدتكم وين احصل تذاكر بارخص سعر و الدخول بدون طوابير ؟؟؟؟؟؟؟ :eh_s(10):​

 

[krkosha]

تحصلينه عند لندن اي تاخذين البكج كامل لندن اي ومدام توسو والاكواريوم وماذكر اذا بليف او نوت معاهم او لا

وهالتذاكر لهم كيو خاص عشان ماتوقفين بالدور
ترا مايفرق السعر وايد الا اذا كنتو اكثر من شخص

 

[اوراد الكويت]

شوفي احنا خذيناهم من مدام توسو
بكج كامل مدام توسو والاكواريوم وريفر سكوير والدونجوون((بيت الرعب )) تقريبا الشخص ب54 دولار على مااعتقد بهالحدود

طبعا ماراح تقدرين تدخلينهم كلهم بيوم واحد
اول يوم مدام توسو
وثاني يوم الاكواريوم ولندن اي والريفر سكوير كلهم يم بعض
تقدرين تروحيلهم من الاندر قراوند على مااتذكر ويستمنسر تنزلين منها وتعبرين الجسر ويصير اول شي الاكواريوم بعدين الرفر سكوير ولندن اي
طبعا يفتحون من ال10 لي 6 المغرب

افضل شي تاخذين تذكرة اسبوعية للاندر قراوند وتشترين الخريطه وبتسهل عملية التنقل

 

[sarona1010]

الف شكر لكم
بس بغيت اسأل أوراد الكويت التذاكر الي حجزتيها ما توقفين بالطابور يعني تدخلين على طول ؟؟؟؟؟؟