استفسار عن حبوب الروكيتآن ..؟ ?

[(( لولو ))]

مررحبآآ بناات
شلوونكم شخبااركم ..؟
بنات بلييز اللي جربت حبوب الروكيتان وفادتها
تقولنا تجربتها .. وصج انه ماراح يرد مره ثانيه ؟؟
وشنو عيوبه ؟؟ وتنصحوني آخذه من طبيب خاص ولاا حكومي ؟؟
وأظن ان في موضوع كان يتكلم عنه قبل مدة شفته والحين دورته مالقينه
يالييت اللي تعرف الرابط حقه تنزله وثاااانكس

 

[&'الذآهبـھ'&]

مراحب ^_^
اول شي الحبوب سعرها ب30 اذا مو اكثر للعلبه الوحده
ثانيا أعراضها :: تسبب جفاف بالعين >>>لازم تستخدمين قطرات مرطبه للعين مع الحبوب
:: لازم مايكون فيه حمل اثناء فترة العلاج ولازم هم عقب فترة العلاج ب6شهور أقل شي بالعربي <لاتاخذينها اذا كنتي بتحملين لازم عقب ماتخلصين فترة العلاج ب6 شهور اقل شي لانها تسبب تشوهات للجنين
طبعا هذا في حال كنتي متزوجه او على وش قواااز ^^

أما ان كنتي عزابيه ففوائدها حللللللوه ::
تصفي البشره وتوحد لونها بس احسن شي تستخدمينها مع تجنب الشمس
ولازم تسوين تحاليل قبل ماتاخذينها عشان تتأكد الدكتوره اذا راح تفيدج الحبوب او لأ لان اذا في مشاكل ماراح تفيدج وراح تضررين من اعراضها

حبيبتي انا ماكتبت لج من فراغ <<<أنا كنت رايحه باخذها بس الدكتوره طلبت مني تحاليل تحويل لامراض النسا انا استغربت شكو هذي بحب الشباب بس فهمتني ان مهمه بناء على التحاليل بتقرر تصرفا او لا مثل ماذكرت فوق ^^
وقالتلي عن اعراضها كلها وان راح تصرفلي معاها قطرات للعين اي وبعد راح تسبب تساقط بالشعر >< والله مابي اخوفج منها بس يشهد الله قلت لج مثل ماقالتل الدكتوره بالضبط
عموما سألتني اذا متزوجه قلت لا بس عرسي قريب قالتلي شقي الوصفه لان لازم الجسم يتخلص من الحبوب اقل شي 6 شهوور لان اذا حصل حمل بتسبب تشوهات
وانا خليت الوصفه >< عموما اذا ماكنتي متزوجه انصحج فيها بشرط تستخدمين قطرات لترطيب العين و امبولات لشعر او تعتنين فيه
اتمنى اكون افدتج لو بالقليل ومابي غير دعوه لي بالتوفيق مع زوجي ؛)

 

[(( لولو ))]

مشكوووووة ياحياتي على هالكلام والنصائح
ورربي يوفقج ويرزقج الزوج الصالح

 

[توفـــا]

حبيبتي الحبوب وايد حلوه وتصفي البشره وطبعا يعطونج الجرعه المناسبه حق بشرتج اذا محتاجه وايد ولا شويه وطبعا يجيكون علي الوزن وعلي الكريسترول تحليل شهري يصير عشان يتأكدون كل شي اوكي وانه مو قاعد يضر الكبد لان في وايد يرتفع عندهم نسبه انزيمات الكبد وهذا خطر فلازم يتركونها من جذي يجيكون معاج كل شهر عشان لا سمح الله ارتفع انزيم الكبد يخلونج تتركينه وتردين مثل ما انتي طبيعيه

تصفي البشره تخليها بيبي فيس لا حبووب ولا حفر زياده طبعا الحفر القديمه لها حل ثاني تقشير بس اهي تمنع ظهور الحبوب وتخلي بشرتج صافيه بس عيبها تنشف البشره تخليها جافه وانتي بيدج الحل تشربين ماي وايد وايد وايد عشان ترطبين البشره وتعوضينها والكريمات المناسبه للبشره طبعا يوصفها لج طبيبج وقطرات العين لازم لان في ناس يحوشها جفاف بالعين نادر بس يعني الاحتياط واجب ولا تاكلين او تقربين من الجزر او الاشياء الي فيها فيتامين a لان جذي بيضرج لان الحبوب جرعتها فيتامين أ قويه مايصلح تزيدينها تعكس عليج بعدين الشي اذا زاد عن حده ينقلب ضده


مدتها 6 شهور وانشاءلله ماترجع الحبووب في البعض عندهم ماشاءلله الهرمونات قويه ممكن ترجع بس صدقيني حتي لو رجعت بتكون اخف حيل من اول مره ويبيلها كورس ثاني وتروح طبعا نادرر هذول الي حالتهم مستعصيه


تبتعدين عن الشيره والشمع عندج الخيط فقط ميخالف استحملي فتره العلاج بس لان البشره بتكون حيل حسااسه بسرعه تتأثر عادي تستعملين الميك اب بس رطبي بشرتج بمرطب قوي عشان ماتبين لقشور الي علي البشره لانها بتكون حيل جافه

وبالنسبه وين تراجعين احسن بالنسبه لي الحكومه لان علاجهم ماشاءلله اهو نفسه نفس الخاص ويمكن احسن لان ماهمهم الماده او الفلوس وبس لا يشوفون حالتج وعندهم صحه المريض اهم شي ويعطونج فوق هذا الحبووب ببلاش تخيلي بدال لا تشترينها كل شهر علي 30 او 20 دينار وغير فلوس التحاليل الي بتسوينهم بمستشفي الحكومه ببلاش

وبالنسبه حق الموضوع مال الروكاتين حبيبتي كتبي بقوقل تجمع البنات الي استخدمو الروكاتين منتدي كويتيات وانشاءلله بيطلع لج واذا حصلته بحطه لج انشاءلله وادعيلي وسوري قرقت عليج وايد بس كل شي مهم لازم تقرينه وتعرفينه علي هالحبوب قبل لا تستعملينها ​

 

[توفـــا]

http://www.q8yat.com/t255726-38.html



هذا اهو الموضوع حبيبتي حصلته لج​

 

[(( لولو ))]

يااعمرررري ياااقلبي حيييييل مشكوووووة
ع النصائح &#55357;&#56856;&#55357;&#56856;&#55357;&#56856;&#55357;&#56856;&#55357;&#56856;