استفسار عن جو ماليزيا بشهر 8

[دموع-الاصايل]

اي والله جان زين تسوين لي وعندي بعض الامور اللي اخذيها بالاعتبار

1- احنا وايد (انا وريلي و خمسه عيالي ومنهم صغار 3 سنين و 10 شهور يعني ما اقدر اتنقل وايد بين الفنادق

2- ما ابي اروح بالعبارة بين لنكاوي و بيننغ عشان جذيه ودي اكتفى بوحدة منهم بس محتارة منو احسن

3- ريلي فيه ديسك فما نقدر نمشي وايد يعني انا ودي بتايمز سكوير لانه داخله كل شي بس في ناس يذمون اثاثه وحمامه (عزك الله)

4- ما يهمني سعر الفندق ابي فنادق 5 نجوم ويا ريت يكونون مجربين

1- اقترح ان رحلتج تكون.........(سيلانجور) _ لنقاوى _ كوالالمبور( شارع العرب)
لان كوالالمبور هى جزء من سيلانقور و المطار اقرب لسيلانقور من كوالا و لان شارع العرب فيه التسوق فخلى السوق اخر شى...

فاول ما تطبين ماليزيا اقترح تسكنين بالخيول الذهبيه فندق حده راقى.. تقريبا ساعه الا ربع من المطار.. وشارع العرب يبعد عنه حوالى نص ساعه
تريحين فيها 3 ايام و تتمشين بالمناطق القريبه مثل ملاهى صن واى لاجون و على فكره فيه فندق بعد بس الخيول الاربعه افخم بواجد و ملاهىماينز وندر لاند و فيه تركبين قارب ياخذج من نص المجمع ( داخل) الى بحيره صناعيه و ياخذ فيج فره و بتمرين على فندق الخيول الذهبيه
وهم فيد مسجد الشاه سلطان اكبر مسجد بماليزيا بس للاسف ما رحتله

بعدها سافرى بالطياره للنقاوى ( لا تروحين بالبحر ( اللى راحو بالعباره كرهو حياتهم)
و نصيحه اسكنى بمنتجع مو بفندق
لانج بجزيره و حلاتها تعيشين بوسط الطبيعه و خصوصا ان معاج عيالج بيصير اونس لهم و اقترح عليج منتجع الشيراتون او منتجع موتيرا انا سكنت بموتيرا روعه و اسعاره حلوه و فيه انشطه للصغار و للكبار اجرى لعيالج قوارى و خليهم يفترون داخل المنتجع او برا المنتجع لين ينهد حيلهم..و هم عندهم مثل حضانه فيها العاب و بلاى ستيشن و تلوين حلو انا عيالى كنت مرات احطهم فيه يلعبون بعد ما اوكلهم و اتغدى انا و رجلى بالمطعم اللى تحته لان الدرج مال البلاى روم مقابل المطعم فما عليهم خوف بس عيبه يصك مبجر
و مطعمهم روعه و البيتزا لا تطوفج عندهم ...
اما الشيراتون فهو اكشخ و افخم من ناحيه الاثاث يصلح لمعاريس ( اخوى راحله بشهر العسل و يمدحه )

اما الاماكن بلنقاوى يبيللى يوم كامل اشرحلج
وعلى فكره ماكو مقارنه بين لنقاوى و بيننج
بيننق حيل وصخه و كلها بوده و صينيين اما لنقاوى فهى انظف و اغلبها مسلمين و يا حلو عيالهم و هم طالعين من مساجد التحفيظ لقران و هم يمشون والله يمشون مسافات طويله و هم اعمارهم صغار 5 و 6 سنين انا عورو قلبى وانا اشوفهم يمشون


لى عوده انشالله بس انا تعبت منن الكتابه ..

 

[donat]

1- اقترح ان رحلتج تكون.........(سيلانجور) _ لنقاوى _ كوالالمبور( شارع العرب)
لان كوالالمبور هى جزء من سيلانقور و المطار اقرب لسيلانقور من كوالا و لان شارع العرب فيه التسوق فخلى السوق اخر شى...

فاول ما تطبين ماليزيا اقترح تسكنين بالخيول الذهبيه فندق حده راقى.. تقريبا ساعه الا ربع من المطار.. وشارع العرب يبعد عنه حوالى نص ساعه
تريحين فيها 3 ايام و تتمشين بالمناطق القريبه مثل ملاهى صن واى لاجون و على فكره فيه فندق بعد بس الخيول الاربعه افخم بواجد و ملاهىماينز وندر لاند و فيه تركبين قارب ياخذج من نص المجمع ( داخل) الى بحيره صناعيه و ياخذ فيج فره و بتمرين على فندق الخيول الذهبيه
وهم فيد مسجد الشاه سلطان اكبر مسجد بماليزيا بس للاسف ما رحتله

بعدها سافرى بالطياره للنقاوى ( لا تروحين بالبحر ( اللى راحو بالعباره كرهو حياتهم)
و نصيحه اسكنى بمنتجع مو بفندق
لانج بجزيره و حلاتها تعيشين بوسط الطبيعه و خصوصا ان معاج عيالج بيصير اونس لهم و اقترح عليج منتجع الشيراتون او منتجع موتيرا انا سكنت بموتيرا روعه و اسعاره حلوه و فيه انشطه للصغار و للكبار اجرى لعيالج قوارى و خليهم يفترون داخل المنتجع او برا المنتجع لين ينهد حيلهم..و هم عندهم مثل حضانه فيها العاب و بلاى ستيشن و تلوين حلو انا عيالى كنت مرات احطهم فيه يلعبون بعد ما اوكلهم و اتغدى انا و رجلى بالمطعم اللى تحته لان الدرج مال البلاى روم مقابل المطعم فما عليهم خوف بس عيبه يصك مبجر
و مطعمهم روعه و البيتزا لا تطوفج عندهم ...
اما الشيراتون فهو اكشخ و افخم من ناحيه الاثاث يصلح لمعاريس ( اخوى راحله بشهر العسل و يمدحه )

اما الاماكن بلنقاوى يبيللى يوم كامل اشرحلج
وعلى فكره ماكو مقارنه بين لنقاوى و بيننج
بيننق حيل وصخه و كلها بوده و صينيين اما لنقاوى فهى انظف و اغلبها مسلمين و يا حلو عيالهم و هم طالعين من مساجد التحفيظ لقران و هم يمشون والله يمشون مسافات طويله و هم اعمارهم صغار 5 و 6 سنين انا عورو قلبى وانا اشوفهم يمشون


لى عوده انشالله بس انا تعبت منن الكتابه ..

عاد انا سمعت ناس وايد يمدحون بيننغ ويقولون فيها اماكن اكثر من لنكاوي

 

[ام الشيخه]

بينانق ويييييييييييييع تلوع الجبد شتان بينها وبين لنكاوي اتينن ونظيفه وهاديه وكل شي قريب والتاكسي اللي عندهم مؤدبين ومسلمين اما بينانق لاااااااااااااااااااااايحوشك

وجو ماليزيا بشهر 8 زين مو مثل ماسمعت انه رطوبتها تذبح...الرطوبه بحديقه الطيور ولاجيندا

توكلي على الله ووخري عن بينانق تسد النفس