استفسار عن المدارس الخاصه بمحافظة الجهرا

[keeka]

واللي يعافيكم ابي مساعده منكم بما انا احنا من الناس اللي في طور التفكير والانتقال الى منطقة سعد العبدالله
شنو المدارس الخاصه الموجوده هناك صراحه لان بيكون درب عليهم لان مدرستهم الحين كيمبردج وحدي مرتاحه عليها بس طبعا الدرب والواقع يفرض اني انقلهم ...حدي محتاره لاني ماعرف شي بالمنطقه هناك وحدي احاتي العيال ومدارسهم

 

[اخت رجال]

هلا فيج اختي ..

في محافظة الجهراء راح تفتح مدرسة جديدة ثنائية اللغة .. اسمها " اجيال المستقبل " والتسجيل فيها مستمر ليما الحين .. هذا بالاضافة الى مدرسة الكويت ثنائية اللغة اللي ليما الحين ما ندري شنو راح يكون مصيرها .. هل راح تستمر او لا ؟؟


مدرسة عيالج " كيمبردج " وينها فيه ؟؟ .. وشنو نظامها ؟؟

وبالتوفيق وحياج الله بالجهراء​

 

[keeka]

مدرسة عيالي كيمبردج فرع حولي واليهال وايد حابينها ومرتاحين فيها بس طبعا مجبرين ننقلهم عشان الطريج جان الله سهل ورحنا سعد العبدالله

 

[*نور الكويت*]

keeka
آنا من رايي تخلينهم بمدرستهم دامهم حابينها
والطريج خل يطلعون مبجر
عيال حماي بالجهرا ويدرسون بال ais بميدان حولي تخيلي
ويطلعون مبجر 6,30 طالعين
بس لأنهم حابين المدرسه ومرتاحين منها

 

[سيدة الكويت]

الله يعينكم يا اهل الجهراء

 

[keeka]

مشكورين على المرور عاد تدرون اللي امرددني ان نقرر نروح سعد العبدالله مدارس اليهال ):

 

[سيدة الكويت]

سعد العبدالله وين ؟؟؟....والله اختى اهم شئ مستقبل اليهال حتى لو فى المريخ شنسوى

ا

 

[keeka]

لي الحين انطر منكم الرد ):

 

[عروب2009]

أول شيء حياج الله في الجهراء
ثاني شيء أمانة يؤسفني جدا إنك مضطرة تغيرين مدرسة عيالج
هي كلها كم مدرسة عندنا وحالها يرثى له إذا مو من ناحية أكاديمية فمن ناحية انعدام الاستقرار
أنا ولدي الحين في g1 في الثنائية وصار لنا سنين كل سنة ما ندري عن مصير عيالنا في السنة القادمة من كانوا بناتي فيها
قبل لا أطلعهم
بس أمانة المستوى الحين مو زي أول يوم كان البنات فيها كانوا المعلمين بمستوى عالي صراحة وشديدين من ناحية الواجبات والترتيب
الحين لج عليهم شوي ما في ذاك الاهتمام
وعلى فكرة على الرغم من إن ولدي بالثنائية إلا إني حاطة له مدرسة انجليزي يومين بالاسبوع من كان في kg2 ومستمرة معاه ومدرسة عربي لغاية الفصل الأول وبعدين كملت معاه أنا
وآسفة على الإطالة
ملوحظة : منهج المدرسة قوي جدا وصعب خاصة الساينس بس مافي كادر تعليمي مناسب ينعدون على الاصابع وفوق هذا الرسوم أوووووووووووفر
بس يعتبرون الأفضل في الجهراء

 

[keeka]

حدي منصدمه عيل وين اودي اليهال ):