استفسار عن السونار الرباعي

[ام غمازات]

السلام عليكم


اذا ممكن اللي سوت سونار رباعي الابعاد تفيدني عن هالسونار ومتى افضل وقت نسويه ووين احسن مستشفى

وكم سعره؟؟

وشاكره مشاركتكم خواتي​

:q8:

 

[ipink]

شوفي انا قالولي بدايه السابع احسن شي بالاسبوع ٢٨ واسعاره تقريبا بكل مكان خمسين انتي وين تراجعين سئلي دكتورتج وشوفي جم يسوونه ويقولون يبين ملامح البيبي فيه وتشوفينه واضح ويعطونج فيديو بعد

 

[Emanova]

انا اراجع عند ماجده اليتامى ... قالت لي الاسبوع 28 و ب 50

 

[لن ننساك]

مثل ما قالوا البنات في السابع تبين ملامح النونو اوضح
يمكن سعر د فوزيه القطان نفس سعر ماجده بس مو ذاكره عدل
و في السلام 70 بس هالحجي كان 2007

 

[ام غمازات]

حبيباتي مشكورين عالرد حبيباتي ipink Emanova لن انساك

الله يرزقكم الحمل المريح والطفل السليم والطلق الهين ان شاء الله

بس اذا الوحده بتتاكد اذا الطفل خالي من العيوب والتشوهات لا قدر الله متى انسب وقت لعمل هالسونار

 

[ipink]

باول السابع بس ديري بالج لانه يقولون اذا طفتي السابع يصير البيبي كبير وماينفع انا انشالله ناويه اذا بسويه اسويه بالاسبوع ٢٨

 

[بحر الغموض]

انا سويت ه بالاسبوع الرابع ولا كنت اعرف فيه شي وقالي الطبيب روحي شوفي وراح تستانسين

وانا رحت مادري شنو السالفه وطلع بالاربعين دينار بمستشفى المواساة

ولو تلاحظون حطيت صوره البيبي تحت اسمي واضحه بعض ملامحه

بس افكر اسوي الحين بعد ابي اتاكد من الملامح

يعطونج صورتين للبيبي والباقي صور ب سي دي

بس مافي تصوير فيديو ابدا ياوب صور بس

 

[ام غمازات]

انا سويت ه بالاسبوع الرابع ولا كنت اعرف فيه شي وقالي الطبيب روحي شوفي وراح تستانسين

وانا رحت مادري شنو السالفه وطلع بالاربعين دينار بمستشفى المواساة

ولو تلاحظون حطيت صوره البيبي تحت اسمي واضحه بعض ملامحه

بس افكر اسوي الحين بعد ابي اتاكد من الملامح

يعطونج صورتين للبيبي والباقي صور ب سي دي

بس مافي تصوير فيديو ابدا ياوب صور بس

حبيبتي الله يهون عليج ويرزقج الذريه الصالحه

اذا ممكن تشرحينلي بالتفصيل شنو صار معاج لما سويتي السونار وباي اسبوع كنتي بالضبط وبين جنس البيبي ومتى تنصحيني اسويه

ومشكوره وايد

 

[البسايل]

بحر الغموض شلونج حبيبتى .. معقوله هذا بيبى عمره اربع اسابيع سبحان الله توقعت يكون صغبر .. عفيه نبى تفاصيل

 

[مراسي الحب]

أنا سويته الاسبوع اللي طاف .. ممكن اسوينه من اسبوع 26 ولا تتأخرين وايد علشان اتشوفين كل شي ، أنا سويته في السلام ، 50 دينار .. وبصراحة ارتحت لهم ، الدكتور شرح كل شي بالتفصيل الممل (ريلي مل ) وياخذ صور وايد وصورنا فيديو

 

[بحر الغموض]

لا مو اربع اسابيع اشهررررر لحظه خل اشوف انا شنو كتبت@@

وي خطا مني اسفه

لا حبيباتي بالشهر الرابع او اخر الثالث ترى هالحمل مسوي فيني نسيان مو طبيعي

ماكو نفس السونار العادي بس تشوفين البيبي مثل اللي بالصووره وتشوفين شكله اشلون

وممكن تشوفين جنسه بعد لكن على حظي صكر اريوله والحبل السري غطى عليه

لكن لما يحول السونار من الثلاثي الى العادي اللي بالابيض والاسود يبيين جنس البيبي

وهذا ولدي


بس انا اقول لو تسوونه متاخر وايد احسن مثل ماقالو البنات السابع

لان انا سويته مبجر حيل ومادري ليش طلب الطبيب اني اسويه ماكان له داعي ابدا

بس الظاهر يبيني استانس بهالحمل

صج بديت احس بالبيبي وطول الوقت ماخذتني البوهه واقول ماشااااااااااؤ الله سبحان الله وواااااااااو@@

تشوفينه اشلون يبلع واشلون يحط صبعه بحلجه واشلون حركه ايده

بس على حسب البيبي اؤيا فايق ورايق للتصوير بيعطيج لقطات حلوه بس اذا ماله خلق ماظن بيطلع لج صور حلوه

 

[بحر الغموض]

صج فيه تصوير فيديو؟

عيل ليش ماسوالي فيديو؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عصبت

بس ماكان بخمسين سويته بالاربعين

 

[مراسي الحب]

أنا عندي dvd حق بنتي وولدي صورناه وهو يتلمظ ... يضحكون وهما داخل جنه صج ههههههههه والله كان شي عجيب ، وشفنا الشراييين وحركة الدم وتفاصيل بطنه وريوله ، أنا حبيبي كان حاط ريله عند راسه ، فالدكتور قال لي روحي وردي بعدين ، رديت ولا أشوه منزل ريله وصورنا ويهه عدل

 

[قوووس قزززح]

شوقتوني ودي اسويه بس مو يقولون مو زين يعني الوحده تسويه مره وحده بس؟؟

 

[انصاريه قمره]

واااااااااااااااااااي بنااااااااااااااات شوقتوووني بسوووووووووووويه بس ريلي يقول اخاف خطر ؟؟

 

[fatma]

سويه بالشهر السابع بدايته ومواتسوينه بعدين لان البيبي ايكون كبير ومايبين شي ... انا موعدي الاسبوع الياي ناويه اسويه اكون امكمله 26 اسبوع وجم يوم

 

[ام غمازات]

مشكورين عالردود الله يسهل عليكم ويرزقكم الذريه الصالحه

 

[M^N^M]

انا سوينه عند عيادة الفيصل التخصصي الموجودة في عمارات شاكر الكاضمي عل البحر
دفعت 45 و تعطيج السي دي و تطبع لج جم صورة واايد حلووووووو روعة

انا سويته بنص السادس

واللله يوفقج

 

[ام غمازات]

انا سوينه عند عيادة الفيصل التخصصي الموجودة في عمارات شاكر الكاضمي عل البحر
دفعت 45 و تعطيج السي دي و تطبع لج جم صورة واايد حلووووووو روعة

انا سويته بنص السادس

واللله يوفقج

حبيبتي مشكوره عالرد الله يوفقج ويسهل عليج

 

[غلاي غير]

احسن شي بالاسبوع 23

وسويته بالمواساة وكان الملامح حيل واضحه