استفسار عن الرضاعه الطبيعيه

[أحب الخير]

السلام عليكم
خواتي آنه بمشكله مسببتلي أزمه نفسيه كبيييره
الحمدالله ولدت بالسلامه صارلي شهرين و نص
و من ولدت أرضع ولدي رضاعه طبيعيه
و آنه على ويههي كل من يسألني أقول أرضعه طبيعي
و الحين فجأه صار فيني إلتهاب بالحلمه و صارت متسلخه
و كل شي حطيت بس ماكو فايده
الميبو
الخواجوا
كريم زبدة الككاو و زيت الزيتون
بانثينول
كريم بو أسد
و كل هذا ماكو فايده
المشكله الحين الالتهاب خف بس حلماتي ثنتينهم انقصوا
و الجرح كبيير صعب يلتأم بيوم
لازم أوقف رضاعه عالأقل ثلاث أيام عشان يلتأم
منو تعرف شنو أحسن شي يلأم الحلمه بسرعه
و إذا وقفت رضاعه ثلاث أيام ما ينشف الحليب ؟
علماً إني ما أقدر أستخدم الشفاطه لأن الحلمه مجروحه
عفيه مابي أفطم ولدي آنه حملت بس عشان خاطري بالرضاعه
وااايد أستمتع بهالشعور
عفيه ساعدوني
مالي غيركم

 

[دلوعة عزوز]

ماشاءالله تباارك الله
ربي يجزاك كل خيييير لانك تبين تفيييدين النونووو
الله يجعله باار فييك
.
نصيحتي وقفي رضااعه واستخدمي كريم بيزلين حق تشققات الصدررر لون العلبه اصفررر مره زين
ولو تروحين للدكتوره تكتب لك كررريم افضل
انا كان يطلع من حلماتي دم واستخدمت بيزلين والحمدلله خف
.
طيب انتي ماتعطين النونو حليب صنااعي
ع الاقل توقفين ثلاث اياام علشان ماتتعبين اانتي لازم الجرح يلتام
.
دعوآتك

 

[أحب الخير]

يزاج الله خير
بلى أعطيه صناعي
بس أخاف أوقف ٣ أيام يروح الحليب
و بجرب هالكريم يمكن ينفع


بنااات دعواتكم لي بالشفاء
والله حاسه إنها عين ما صلت عالنبي

 

[حبيبة دودي]

لاتوقفين رضاعه انتبهي راح يقل الحليب حيل لان الرضاعه الطبيعيه تعتمد على مص البيبي
نصيحتي لج اخذي كريم خاص لتشققات الحلمه منالصيدليه بالاعشاب الطبيعيه ناسيه اسمه بس اذا ماحصلتيه اخذي
اي كريم للتشقق واستخدميه وانتظمي عليه كل ماخلصتي رضاعه حطي منه وان شاءالله ترتاحين انا كنت نفسج لدرجه الحلمه تصب دم
وماشاءالله بعد العلاج التأمت

 

[بمبرة]

حبيبتي ما تشوفين شر..
انت نفس حالتي لما كنت ارضع وليدي:eh_s(11)::eh_s(11):

واستخدمت كريم مديلا للرضاعه وحدة بوحدة :rerrerek::rerrerek::rerrerek::rerrerek:

 

[أم حورية]

البنات ما قصرو بأسامي الادوية وبالنسبة حق الحليب يمكن ينشف بهالجم يوم ويمكن يزيد ويظل بالصدر عموما اذا حسيتي بعوار بسبب زيادة الحليب بصدرج والياهل مو قاعد يشرب تقدرين تطلعينه شوي شوي بايدج بقلاص او ممية عشان لا يسببلج عوار ولما تطيبين كملي رضاعة

اما اذا نشف بهاليومين بصدرج عادي راح يرد عقب بس يبيله صبر لان الياهل راح يمص وراح يطلعله شوية حليب وراح يبجي لان مايطلع عدل بس خليه يمص لا تملين لان كثرة المص اهو اللي راح يرد الحليب واذا حسيتيه مو شبعان كملي الرضعة بممية وكملي جذي بكل وقت حق رضعته لما يرد الحليب عدل ،، انا كنت جذي اسوي لما ينشف الحليب*وكان يرد عادي واذا حسيتي الحليب بعده شوية شربي واكلي الاشياء اللي تدر الحليب مثل شاي النعناع والتمر والجرجير وشوربة عدس بس بشرط مع استمرار المص لان هذا شرط اساسي

والله يحفظلج وليدج وسوري عالقرقة بس حبيت افيدج*

 

[طيبة83]

جربي كريم لانسونيل لونه بنفسجي عجيب
وحطي شوي من حليبج عليهم وخليه ينشف

وفي شي جذي تلبسينه ويحمي صدرج

 

[@الياسمين@]

اهم شي انج تحطين الكريم وتلبسين القطنه على صدرج ..وجربي المره نقعيها ومسحيها على صدرج وقبل الرضاعه غسلي صدرج عدل بالماي والصابون عدل عشان ترضعين
واستحملي جم يوم انا جذي صار فيني واااي مت
والناس حسبي الله عليهم مبققين عيونهم على كل شي جنج مسويه جريمه

 

[أحب الخير]

مشكوريين وااايد بنااات عالإفاده
و إن شالله بجرب اللي قلتوا عنه
والله كريم

 

[خير ان شاءالله]

استعملي الحلمات البلاستيكيه عشان لا ينشف حليبج تخفف الالم مثل اللي حطت الاخت صورتهم والله يسهل عليج.

 

[سوسو حبيبتى]

اسم الله عليييج

دايما اقري قراءن وارقي نفسك وابنك

ولا تقولين لحد انتك ترضعين طبيعي

مالهم دخل

نفس الى صار معي ف بنتي .. ورضعتها ماشاء الله سنه ونص ..

الله يجعله بميزان حسناتنا

 

[منو انت]

بعض الناس تلوع الجبد انتي شكو المرا ترضع طبيعي او صناعي

والله ماعندي فكره ماتشوفين شر بس اهم شي لاترضعين البيبي وصدرج مجروح لا يشرب مع الحليب دم

 

[توتا حمرا]

حطي من حليبج على الحلمات ترى وايد زين للتشققات
ونزلي حليب بيدج عشان ما ينشف​

 

[modern]

انا صار فيني نفس الشي بولادة بنتي الاولى .ما وقفت رضاعة و ما استعملت الشفط.كنت فوت استحم و بعد الحمام على طول اعصر صدري بالبيبرون و بس خلص احط من حليبي عالحلمة و في سيليكون جل بالصيدليات يسوي غطاء للحلمة

 

[بـ سـ كـ وتـ ة]

ما ينشف ان شالله بس انتي إذا تقدرين تستحملين الألم كملي رضاعة وبيطيبون عادي والدم ما يأثر عالبيبي هذا كلام طبي

آنا صار فيني مثلج حسيت إن حلمتي راح تنقص والله ووقفت رضاعة وطابت ... أول ما رجعت أرضع رد نفس الجرح بالضبط

قلت مو حالة كل يوم أوقف الرضاعة تميت أرضع وطابوا بروحهم وما شالله الحين حتى أول ما بنتي تمسك الحلمة ما أتعور كلش

وبالنسبة حق الحليب ينشف ولا لأ عصريه بايدج في الممية على طول عشان منها تشرب حليبج ومنها ما ينشف الحليب

إذا ما تعرفين الطريقة كتبي في اليوتيوب hand expression أو the marmet technique

وموفقة ان شالله

 

[بـ سـ كـ وتـ ة]

اي وبالنسبة حق الحليب لما تبين تدهنين فيه دهني بآخر الحليب مو اللي في البداية

اللي في الأخير يكون دسم وفيه مواد دهنية تساعد على ترطيب الصدر وتليين المنطقة

وخلي صدرج مكشوف شوي على ما ينشف عليه الحليب

 

[@ام يوسف@]

اااب

 

[بتبوتااا]

عالجي واحد وبعدين الثاني

ورضعيه عادي الدم ما ياثر عليه << كلام الطبيب لاني رحت وقالت لي جذي وفي كريم اسمه purelan استعملته للحلمه وايد زين

ومره ثانيه اقري المعوذات حياتي

 

[أحب الخير]

مشكورين وااايد
الله لا يحرمني منكم
و الحمدالله اليوم رضعت بالحلمه الصناعيه
و طلع بس شويه بس ان شالله بستمر لما يزيد الحليب

 

[salamq8]

الله يشافيج يارب وتفطمين بنتج اللهم امين
انا بصراحه حطيت ميبو ع الحلمات وخف التشقق الحمدلله لي راح
لان كله اعشاب مايضر،،
بس مشكلتي اني ارضع من الايسر فقط اما اليمين صعبببه مادري شلون
امسك الياهل وحتى ولدي تعذب معاي صار مايرضع الا باايسار ؟؟؟؟؟